روايه بنت الجيران

الحلقه الثانيه عشر ( قبل الأخيره ) ..( صاحبى و ونيسى )

الحلقه الثانيه عشر ( قبل الأخيره ) ..( صاحبى و ونيسى ) <3
ف الحلقات السابقه :__
...................
ابو اسماء : لو سمحتوا .. فين مصابين والمتوفيين بتوع حادثه طريق مصر اسكندريه
والنبى حد يدلنا على اسمائهم
الممرضه : اه ثوانى يا حاج ... المتوفيين اتنين
الاولانى هو السواق واسمه محمد عز الدين عبد الله
والتانى هو ......... ثانيه واحده !
ابو اسماء : ايه يابنتى ردى عليا التانى مين الله يرضى عليك
الممرضه : اسمه .. مصطفى ... !!

......................... ( الثانيه عشر ) <3
الممرضه : اسمه .. مصطفى !! ... لا .ثوانى كده معلش .... غاده . غاده ! اسم المتوفى التانى ايه ؟ مش واضح عندى انا عندى حسن ومصطفى مع بعض
غاده : لا اللى متوفى التانى مع السواق اسمه حسن ... اسمه حسن فريد عبد المقصود
ابو اسماء : اشهد ان لا اله الا الله ....... والتالت . فين واخباره ايه ؟ مصطفى
الممرضه : ف العنايه يا حاج . ادعيله ... هو كان جاى فايق بس فقد الوعى من شويه لما عرف ان اللى معاه ماتوا
ابو اسماء : لا اله الا الله ... طب ممكن اشوفه بعد اذنك
الممرضه : حاضر هشوف الدكتور هيقول ايه .... لو فاق هخليك تشوفه
......................
(بعد خمس دقايق )
الممرضه : اتفضل يا حاج ..... بس دقيقتين بس ماتخليهوش يتكلم
ابو اسماء : ربنا يكرمك يا حبيبتى
..............
ابو اسماء : مصطفى ! مصطفى !! انت كويس يا حبيبى ؟
مصطفى : اسماء ! اسمااااااء .. حسسسسن
ابو اسماء : هو ماله يا بنتى ؟
الممرضه : من ساعه ما فاق وهو مابيقولش غير الاسمين دول ؟ حسن ده صاحبه اللى كان معاه مش كده ؟
ابو اسماء : اه .. ربنا يرحمه دول عشره عمر واكتر م الاخوات.. شد حيلك يا درش . قوم بالسلامه
مصطفى : اسماااااااااااء .. حسسسسسسن
الممرضه : واسماء ؟
مصطفى : اسماء دى مراته . اللى هى بنتى
الممرضه : ربنا يقومه بالسلامه .. واضح انه بيحبها اوى
ابو اسماء : قوم يا حبيبى .. قوم يا بابا حمد الله على سلامتك
.........................
اسماء : الو ! بابا انتوا فين ؟
ابو اسماء : انا ف المستشفى يا حبيبتى انتوا فين ؟
اسماء : احنا ربع ساعه وهنكون عندكوا .. شوفت مصطفى ؟
ابو اسماء : اه يا حبيبتى الحمد لله ربنا لطف بينا ... ساره مرات حسن معاكوا ؟
اسماء : اه انا وماما ومى ونور وام مصطفى وساره ....
.......................
( ف المستشفى )
مى : لو سمحتى .. فين اوض الناس بتوع حادثه طريق مصر اسكندريه
الممرضه : فوق ف الدور التالت
...................
(على باب العنايه المركزه )
اسماء : بابا ! فين مصطفى ؟
ابو اسماء : جوه يا حبيبتى
اسماء : فين عاوزه اشوفه
ابو اسماء : استنى اما نشوف الدكتور عشان مش هينفع تشوفيه
اسماء : ماليش دعوه عاوزه اشوفه
نور : وانا هدخل اشوف اخويا
ام اسماء : ام مصطفى ! شدى حيلك يا حبيبتى ربنا لطف بينا . هو كويس يا ابو اسماء بجد طمنها وطمنا ؟
ابو اسماء : والله بخير الحمد لله وهتشوفوه كمان شويه لما يفوق
ساره : طب وحسن يا عمى ؟
ابو اسماء : ساره ! لو ربنا ادانا امانه وحب ياخدها تانى هنزعل ؟
ساره : اييييييييييييييييييييه ؟ لا انت بتقول ايه ؟
اسماء : اااااااااااه قلبى هيقف
ساره بانهيار : (عيااااااط ف عيااااااااااط )
الدكتور : وطوا صوتكوا يا جماعه مش كده .. كده غلط على صحه المرضى بتوعنا
اسماء : انا عاوزه اشوف المريض يا دكتور يا دكتور
الدكتور : واحده بس اللى هتدخل ... هنده للمرضه تعقمك وتدخل معاك
.................................
(ف العنايه المركزه )
اسماء بعياط رهيب : مصطفى ! صاصا
مصطفى : اسماء ! حسن !
اسماء : انا اهو يا حبه عينى جنبك . ماتخافش يا حبيبى
كنت بموت النهارده وانا جايه ف السكه
كده تخضنى عليك ؟ قوملى بالسلامه يا حبيبى انا يتيمه من غيرك
مصطفى بيفتح عينه وبيبصلها : سوسكا !
اسماء بتلمس شعره : ايوه يا بابا انا سوسكا ... حاسس بإيه ؟
مصطفى : حسن فين ؟
اسماء : حسن ؟ حسن كويس . قوم انت بالسلامه عشان تشوفه
مصطفى : حسسسسسسسسن ..
اسماء : اقعد يا مصطفى .... حسن ف اوضته ... اهدى يا روحى
مصطفى بيبكى : حسن مات مش كده ؟
اسماء : (عيااااط )
مصطفى : ردى عليا .. مات ؟
اسماء : امانه وراحت لصاحبها يا حبيبى ....
مصطفى : طب وسابنى ليه ؟ ده صاحبى و ونيسي ف الدنيا
داحنا طالعين م الدنيا مع بعض وصاحب عمرى
سابنى ليه انا يعنى ؟
اسماء : اخص عليك عاوز تسيبنى ؟ (بتحضنه )
اهدى يا روحى اهدى ( وبتلعب على شعره )
الممرضه : لو سمحتى يا مدام خلاص كده
اسماء : معلش كمان شويه . لو مشيت هيتعب اكتر
الممرضه : طب معلش سيبيه دلوقتى وهدخلك كمان شويه
اسماء : حبيبى انا بره هسيبك ترتاح .. نام انت
الممرضه : هو خلاص نام
.................................
( على الباب )
ام مصطفى : خير يا اسماء طمنينى يا بنتى ؟
اسماء : الحمد لله يا جماعه الحمد لله انا روحى اتردت ليا .. كنت هموت
نور بعياط : بجد يا اسماء ؟ كلمتيه طيب هو فايق وبيتكلم كده
اسماء : اه والله يا نور كلمته شويه وعرف ان حسن مات ودخل ف النوم تانى .. الممرضه بتقول انهم مديينه مهدئات عشان كانت اعصابه منهاره
اسماء : فين ساره وبابا ؟
ام اسماء : ساره يا حبه عينى انهارت ومركبينلها محلول دلوقتى وابوك معاها .. وانا قولت اتطمن على مصطفى وهروحلهم ...
اسماء : وانا جايه معاكو
.............................
(بعد يومين )
اسماء : حمد الله ع السلامه يا قلبى
مصطفى : الله يسلمك يا حبيبتى ... كنت خايف ماشوفكوش تانى
اسماء : انا اللى اترعبت ..... احنا شوفنا يومين مش هننساهم طول العمر ربنا ما يعيدهم تانى
مصطفى : خلصوا جنازه حسن ؟
اسماء : اه يا حبيبى اهله جم طلعوه ف يوميها بالليل ودفنوه امبارح بعد الضهر
مصطفى : وساره عامله ايه ؟
اسماء : منهاره خالص .. ربنا يصبرها
نور بتحضن مصطفى : حمد الله ع السلامه يا صاصتى خوفتنى عليك .
دى امه لا اله الا الله جات زارتك . ايه الصحاب دى كلها ياعم انت
مصطفى : انا اهو بسبع ارواح يا نور ربنا لطف بيا ( عينه بتعيط لوحدها )
ام مصطفى : تعالى ف حضنى يابن قلبي . اليومين اللى فاتوا ماشوفتهمش ف حياتى ورجلى ماكنتش شايلانى . اول ما الدكتور قالنا النهارده الصبح اننا ممكن نشوفك ونقعد معاك وان خلاص ممكن بكره ولا بعده تخرج من هنا واحنا كلنا اتشاهدنا
مصطفى بيبص ل لاسماء وبيمشى ايده على خدها : وحشتينى يا ام حموكشه
ام اسماء : لولولولولولولى ... كده نقدر نقول حمد الله ع السلامه يا جوز بنتى هههههههههههه
ام مصطفى : لولولولولى .... وادى زغروطه كمان لسلامتك
مصطفى : انتوا بتزغرطوا ؟ عيب ؟ حسن لسا دمه مابردش
ام اسماء : يا حبيبى دى مالهاش دعوه بحسن . دى انا وامك كنا نادرين لو قومت بالسلامه لانزغرط ف قلب المستشفى
مصطفى : الله يسلمكوا .... عاوز اطلع من هنا يا عمى .. كلم الدكتور . مش طايق هنا خلاص
........................
( ف البيت )
اسماء : حمد الله ع السلامه يا قلبى
مصطفى : اسماء ! احضنينى .. انا تعبان ومخنوق
اسماء : تعالى يا روحى ... تعالى انا اللى محتاجه اترمى ف حضنك يا حبيبى
مصطفى : اتخضيتى عليا ؟
اسماء : انا روحى انسحبت . واول ما لقيت الخط اتقفل وسمعتك وانت بتقول حاسب حاسب قلبى كان هيخرج من مكانه ... (بتعيط )
مصطفى : بتعيطى ليه دلوقتى ... اسماء خدينى ف حضنك وطبطبى عليا . انا مكسور
قلبى زعلان على حسن .. على حبيب عمرى وصاحبى ونصى التانى
انا بضحك قدامكوا عشان ماحسسكوش بتعبى ووجعى وحسرتى على صاحبى
كنا بنفهم بعض من غير ما نتكلم
انا وهو كان اللى يشوفنا سوا مايقدرش يقتنع اننا اصحاب مش اخوات
كان اخ ليا وياما شالنى وشلته ف ازماتنا
(اسماء بتطبطب عليه وبتحضنه )
مصطفى : مش عارف انا هكمل ازاى من غيره
معقوله مش هشوفه تانى ولا ارخم عليه ولا انكشه
روحنا كانت متشعلقه ببعض يا اسماء
طلعت م الدنيا لا ليا أب اتسند عليه ولا اخ يشيلنى .. وابويا مات وسابنى من زمان لوحدى
حسن كان ضهرى وكان اخويا .. معقوله ف لمحه عين كده نروح من بعض
(اسماء بتعيط وبتحضنه وبتضمه على صدرها جاااامد )
اسماء : اهدى يا حبيبى ... كله مكتوب وكل نفس لها اجلها . المهم نصبر ونستعوض ربنا
مصطفى : لو كان انا جرالى حاجه كنتى هتقولى كده
(اسماء بتنفجر ف العياط )
اسماء : حرام عليك . انا مجرد ما افتكر اللى حصلك قلبى بيعيط
والنبى يا مصطفى لا تخليك قوى زى مانا متعوده منك على كده
انت ابويا واخويا وحبيبى وقوتى وسندى ف الدنيا دى
اوعا تتكسر عشان خاطرى
حسن ف قلبك ومش هتنساه .. عشان خاطرى
مصطفى : ربنا يصبرنى .. ويصبر ساره .. عاوزين ننزل نروحلها
اسماء : ساره ! انا قلبى واجعنى عشانها يا حبه عينى .. كانت منهاره يمكن اكتر منى واحنا جايين ف العربيه وجايين المستشفى
وكان كل اللى على لسانها .. مصطفى وحسن مصطفى وحسن ؟
انا كان كل همى عليك انت وبس . ماكنتش بفكر ف اى حد تانى غيرك . بس هى كانت قلقانه عليك زى ماكانت قلقانه على حسن بالظبط
مصطفى : ساره جميله يا اسماء وروحها نضيفه .. انسانه رقيقه وحساسه ومش بتكره حد
اسماء : انا بحبها اكتر من اختى والله .. جدعه
مصطفى : بكره ان شاااء الله نروحلها انا وانتى
اسماء :مش لما تشد حيلك شويه
مصطفى : انا تمام .. شويه الخدوش دى هتفضل شويه وهتروح مع الوقت
اسماء : طب هات بوسه
مصطفى : بوسه ازاى وانا مشفلط كده ... خديها انتى مش هقولك لا
(مصطفى بيسند راسه على رجلها )
مصطفى : بحبك اوى يابت انتى والله ....
اسماء : اه منا اتأكدت لما كنت ف البينج
مصطفى : طب نزلى راسك مش قادر اطلعلك
اسماء : ليه ها ؟ ليه ليه ؟
مصطفى : انزلى يابت لاديك ف وشك
اسماء : ياعم اجرى ولا تقدر تعمل حاجه
مصطفى : اه يعنى بتستقوى عليا وانا تعبان .. طيب . ودينى منا عاتقك لما اقوملك بس بكره ولا بعده نزلى راسك بقولك
(اسماء بتنزل راسها وبتبوسه بوسه طويلللللللللللللللله جدا )
اسماء : ايه رأيك بقي ؟
مصطفى : بوسه دى ولا حقنه بينج ؟ والله الحقنه ما عملت فيا كده
اسماء : لا ولسا . بس لما تقوملى بالسلامه
مصطفى : طب اعتبرينى قومت بالسلامه اهو
اسماء :اعقل كده ... هقوم احضرلك العشا ... هسخن بس لان ماما وامك عاملينلنا اكل حلو وخفيف .. بس كله مسلوق ههههههههههه
مصطفى : مسلوق ايه لا مش عاوز
اسماء : ههههه بطل دلع . دى توصيات الدكتور وهتاكل غصب عنك وبعد العشا بقي عاوزه انكد عليك شويتين
مصطفى : ليه الفصلان ده ؟ ما كنا كويسين ؟ ولا دى طبيعة الزوجه المصريه ؟ نكد ايه يا شيخه دلوقتى
اسماء : ههههههههههههههههه يا حبيبى دنا ساكته وحاطه ف بؤى جزمه وساكته بقالى يومين
مصطفى : ليه ان شاااء الله
اسماء : ايه ياعم كل الناس اللى جات زارتك دى . وايه البنات دى . انت تعرفهم منين ولا يعرفوك هما منين ؟
مصطفى : بنات مين انا عمرى ف حياتى ما عرفت بنات
اسماء : ههههههههه .على ماما يا بابا ؟ اعترف ياض
مصطفى : اعترف بإيه وهو انا شوفت حد منهم اصلا انا ماشوفتش غير بوكيهات الورد اللى جات .. اللى كانت مغرقه الاوضه ف المستشفى
اسماء : اه فكرتنى انت اللى جبته لنفسك ... دنا لميت الكروت كلها ومعايا اهى . هطلعهالك
مصطفى : ماتطلعيش حاجه والنبى وروحى اعملى الاكل هتسيبينى جعان ؟
اسماء : اه هسيبك جعان يابو عيون زايغه هههههههههههه استنى هقرأهملك اهو
( الى احن قلب .. شفاك الله ) اسراء
( تقوم بالسلامه يا درش . وحشتنا لمتك ) جميله
( ياريتنا مكانك يا زينه الشباب ) دينا
( ربنا يرحمك يا حسن . وتقوملنا بالسلامه يا درش ) لولا
وكتير وكتير يااخويا دنا مفروسه من ساعتها .. مين دول يابنى ؟
مصطفى : اهو زمايل ف الشغل على جيران .. شوفتى انتى ظالمانى ازاى بقي
اسماء : والنبى ايه ؟ طيب ياخويا طيب .. هقوم اعملك الاكل ... هيجرالى حاجه بسببك
مصطفى : حبيبتى ياناس البت الغيرانه دى
اسماء : غيرانه ؟ لا خااااالص هو انت تعرف عنى كده ؟ ابدا يا حبيبى ابدا انا كنت عاوزه اولع فيك وانت نايم بس هههههههههههههه
مصطفى : ههههههههههههه اااااااااااااااااااااه هيجرالى حاجه بسببك . تعالى هاتى حضن
اسماء : بعينك
مصطفى : عشان خاطرى
اسماء : اتحايل عليا شويه
مصطفى : سوسكا ... تعالى بقي
اسماء : اهو
(بتيجى تنام فوقه بتبوسه )
اسماء : انا بغير عليك م النفس اللى بتتنفسه ...
مصطفى : خلى بالك انا هفطس بعد النومه دى ... حرام عليك
اسماء : ههههههه هقوم اعملك تاكل عشان بكره هنروح لساره ، عاوزاها ف موضوع
...............................
(يتبع )
والى اللقاء ف الحلقه الأخيرة