روايه بنت الجيران

لحلقه الخامسه ......( اعترافات ليليه )

لحلقه الخامسه ......( اعترافات ليليه ) <3
ف الحلقات السابقه :__
...................
مصطفى : ادخلى يلا
اسماء : اهو
مصطفى : نععععم ؟ انتى رايحه فين ؟
اسماء : ايه منا نايمه اهو
مصطفى : تعالى يا شملوله ف حضنى هنا
اسماء : الفيلم طويل مش هتزهق وانا سانده براسى على صدرك كده ؟
مصطفى : تعالى يا سوسكا وبطلى رغى كتير
اسماء : حاضر
............................ (الحلقه الخامسه ) <3
اسماء : صاصا !
مصطفى : ايه يا حبيبى
اسماء : انا بعشق الفيلم ده اوى .. وكنت بتمنى ان الاقي حد له شخصيه كينج ده . يحبنى ويخاف عليا ويواجه الدنيا دى كلها ... ولما قابلتك وعرفتك مش عاوزه حاجه تانيه من الدنيا
مصطفى : انتى طلعتى عينى يا اسماء ..حوالى شهر بدور عليك من ساعه ما شوفتك اول مره لغايه ما شوفتك ف بيتكوا .. معرفش انك قريبه اوى منى كده . بس تصدقى بالله ... كنت دايما عندى احساس وحدس كده بيقولى انى هقابلك تانى وهشوفك وهخطبك كمان
اسماء : وانا كمان كنت حاسه انى هقابلك تانى
مصطفى : انا محظوظ يا سوسكا انك مراتى وانك ف حضنى دلوقتى
اسماء : انا اللى محظوظه والله يا روحى
(اسماء بتعدل نومتها من على صدر مصطفى وبتبص لوشه )
مصطفى : يا خرابى يانى
اسماء : ايه ياعم بقي
مصطفى : ايه انتى . اييييه انتى هتوقفى قلبى يا بعيده . ايه الجمال ده كله .. اعترفلك ف اعتراف ؟
اسماء : ياريت .. عاوزاك طول مانت قاعد معايا تعترفلى ههههههههههههه اعترف على قد ما ربنا يقدرك
مصطفى : ههههههههههههه ايه البت الحشريه دى
اسماء : لا ياخويا انا مش حشريه خالص بس بحب افهم بس .. اعترف بقا
مصطفى : هتصدقينى ولا لا ؟
اسماء : اخص عليك .. وانا من امتى كدبتك يعنى
مصطفى : مانتى لازم تصدقينى على فكره عشان هتشوفى بعينك
اسماء : فيه ايه يا مصطفى ما تقول ياعم ههههههههههه
مصطفى : طب استنى ... هقوم افتح درفه الدولاب اللى فوق وهجيب حاجه
اسماء : حاجه ايه ؟
مصطفى : الحاجه دى
اسماء : اييييييه دى ؟ 😳😳
مصطفى : صورتك
اسماء : انت اللى راسمها ؟
مصطفى : بعد ما شوفتك على طول .. بس هتلاقيها فيها شويه اختلاقات صغننه عشان انا مالحقتش ادقق فيك اول ما شوفتك
اسماء : انت ايه يا مصطفى بجد ... طب ما وريتهانيش ليه اول ما اتخطبنا ؟
مصطفى : لا حبيت اوريهالك وانتى ف حضنى
عشان اوريك قد ايه كنت متشعلق فيك وروحى اتشعبطتت ف روحك
اسماء : طب اعترفلك انا ف اعتراف
مصطفى : ياريت هههههههههههههه
اسماء : مش حشرى انت بردو زي حالاتى صح ههههههههههه
مصطفى : طالعلك يا قلبى
اسماء : طب استنى ..... خد موبايلى كده
مصطفى : اهو
اسماء : افتح الموبايل
مصطفى : فتحته ... عارفه لو حد اتصل علينا هبطحك .. احنا اتفقنا طول ماحنا ف البيت هنقفل تليفوناتنا
اسماء : ده دقيقتين بس افتحه
مصطفى : خلاص فتحته اهو
اسماء : ادخل على المذكره بتاعته واقرا
مصطفى : انتى بتكتبى مذكراتك ولا ايه ؟
اسماء : لا . بس بكتب الايام المهمه عندى .. شوف واقرأ كده بصوت عالى
مصطفى : اهو ياستى فتحتها ..... وسيادتك كاتبه فيها :
(( انا مش عارفه مالى النهارده .. حاسه انى متلخبطه وتايهه
معقول الاحساس اللى انا حاساه دلوقتى ده بجد ولا مجرد مراهقه متأخره
عشان يعنى شوفت واد شكله حلو ممكن يجرالى كده
بيتهيألى لا .. لانى شوفت شباب كتير شكلها حلو وعادى ماكنش بيفرق معايا
طب اشمعنى هو ؟
اشمعنى هو اللى حبيت وجوده
اشمعنى هو اللى نظرته ليا موجعتنيش
اشمعنى هو اللى عاوزه اشوفه تانى
اشمعنى هو اللى ماشوفتوش غير دقيقتين ومستعده اروح واقعد معاه تانى
يارب لو فيه خير ليا قربه منى وقربنى منه
ولو فيه شر ليا اجعل فيه الخير وبردو قربه منى وقربنى منه .
من الاخر .. انا أسماء بعلن انى حبيت الشخص اللى شوفته النهارده واللى حتى ماعرفش اسمه ايه ))
مصطفى : ايه ده .. معقول ؟
اسماء : والله كتبت الكلام ده ف اول يوم شوفتك فيه
مصطفى : طب يا جزمه ماوريتنيش ليه الكلام ده اول ما اتخطبنا
اسماء : ههههههههههههههههه حبيت اوريهولك وانا ف حضنك
مصطفى : شعرك ده مجننى يا سوسكا
اسماء : اشمعنى ؟
مصطفى : حلو اوى ماشاء الله . سايح ونايح كده واسمريكا وحاجه اخر دلال ... وطويل كمان
اسماء : بتحب انت الشعر الطويل ولا القصير
مصطفى : قصير مين ده ؟ ده اسمه قصر ديل .. البنت اللى شعرها قصير تفضل تقولك اتهورى وقصيه والشعر الطويل بتاع الفلاحين والكلام الخايب ده وهى ف الاساس بتبقى قرعه .. لكن ان جيتى للحق بقا . مافيش احلى من البنوته اللى يبقى شعرها طويل .. دى اسمها انثى . غير كده شكليات واجتهادات هههههههههههههه
اسماء : ياسلام ياخويا .. يعنى لو انا كان شعرى قصير ماكنتش خطبتنى ؟
مصطفى : كنت هخطبك . وماكناش هنتجوز غير لما تطوليلى شعرك هههههههههههه
اسماء : طب فيه سؤال صغنون اد كدهون يعنى عاوزين نعرفه احنا كبنات
اشمعنى بتحبوا الشعر الطويل عن الشعر القصير .. ايوه يعنى ليه يعنى . اولا ده مش شعركوا ثانيا ايه الفايده يعنى يكون طويل او قصير . عادي يعنى
مصطفى : بصى يا سوسكا ... الراحه النفسيه لعين البنى ادم بتتشكل ف حاجات كتير منها مثلا الخضار والارض الخضرا ... البحر ... والوجه الحسن . ومن ضمن جمال الوجه الحسن بالنسبالنا هو الشعر الطويل .. يابنتى اغرااااااااااااااء ما بعده اغرااااااء . وانوثه ورقه وكل حاجه حلوه ... المهم وحطى 100 شرط تحت المهم ده انه يكون الشعر سايح ونايح وبتهتم بيه مش طويل ع الفاضى يعنى
اسماء : اه فهمت ... مصطفى عاوزه اسألك سؤال ؟
مصطفى : قربى بس لوشى شويه كده . ايوووه كده . اسألى يا روحى
اسماء : انت ايه اللى شدك ليا ؟ ايه اللى خلاك تحبنى من اول ما شوفتنى
مصطفى : هتصدقينى ؟
اسماء : بطل الكلمه دى ياستاذ ... انت عارف انى بصدقك على طول
مصطفى : ورحمه ابويا يا سوسكا انا شوفتك زى مانتى كده بهيئتك بضحكتك بشكلك بطريقه مشيتك قبل ما اشوفك
عارفه ....
الكم ثانيه اللى انا تنحت فيهم وبلمت اول ما شوفتك .. دى ماكنتش تناحه واحد شاف بنت حلوه وزى القمر
لا انا كنت ساعتها بجمع نفسي وعمال اعصر ف دماغى واقول انا شوفتك فين قبل كده
اقسسم بالله اول ما شوفتك ماحسيتش بالمكان ولا الزمان اللى انا فيه .. كان نفسي الزمن يوقف ف اللحظه دى وافضل باصصلك كده وبس
اسماء : بحبك يا صاصا
مصطفى : وانا بموت فيك يا قلب صاصا ..... طب وانتى بقي ايه اللى خلاك تكتبى كده ف مذكراتك خصوصا انك قولتى انك اكيد شوفتى شباب حلوه بردو يعنى مش الشكل اللى شدك ف الاساس اللى عجبك فيا ؟
اسماء :
عارف ......
اقسم بالله انا كمان يا حبيبى حسيت انك ملكى انا ف اللحظه اللى شوفتك فيها
اول مره نظره شاب ليا ماتوجعنيش
اول مره احس براحه وفيه حد باصصلى
اول مره ابقى مش عاوزه اللحظه دى تخلص وافضل كده شايفاك او انت شايفنى وانا عماله ابصلك من تحت لتحت واضحك
لما انت خرجت روحت مكتبك حاولت بكل الطرق انى أخر نفسي شويه عشان اشوفك تانى بس للأسف مديركوا خلص معايا الشغل بدرى ومشيت
كنت بروح البيت اقعد مسهمه ومفكرش ف اى حاجه ولا اى حد غير فيك
ياخرابى لما عرفت انك جارى .. اسأل اختك نور كنت هرمى نفسي من البلكونه هههههههههههههههه
مصطفى : سوسكا
اسماء : يا عيون سوسكا
مصطفى ايه بقي ؟
اسماء : احم احم
مصطفى : ايه ايه ؟
اسماء : اييييه ؟
مصطفى : ايه ايه ايه ؟
اسماء : الله ! ايه ؟
مصطفى : عاوز اقولك كلمه سر زى بتاعه امبارح ؟
اسماء : ههههههههههههههههههههه مش بقولك رخم
.....................................
(تانى يوم )
اسماء : صاصا ! اصحى قوم شوف مين ع الباب
مصطفى : ليه هى الساعه كم ؟
اسماء : مش عارفه انا نعسانه خالص
مصطفى : طب سيبك م الباب وخلينا نايمن . دى الساعه لسا ماجتش 12
اسماء : عمال يخبط
مصطفى : يولع
اسماء : هههههههه طب اقوم افتح انا ولا ايه ؟
مصطفى : هو لسا بيخبط يعنى
اسماء : اه ده رخم
مصطفى : هقوم اشوف مين ...
........................
(جارتهم اللى اسمها شيماء بتخبط عليهم )
شيماء : صباح الخير
مصطفى : صباح النور
شيماء : سورى لو كنت ازعجتكوا معرفش انكوا نايمين لسا
مصطفى : لا عادى ولا يهمك ... محصلش حاجه
شيماء : اصل كنت عامله الحلويات دى وقولت اجيبلكوا منه خصوصا اننا بقينا جيران بقا واتشرف بيكوا وبجيرتكوا
مصطفى : اه طبعا احنا نتشرف . وتسلم ايديك يارب ع الحاجات الحلوه دى .. طب اتفضلى يا فندم . اسماء مراتى جوه
شيماء : لا انا هاجيب محمود جوزى ونجيلكوا المغرب بقي لو مافيش عندكوا مانع يعنى وانشالله تبقى معرفه خير
مصطفى : خلاص ان شاء الله ف انتظاركوا
شيماء : مع السلامه
مصطفى : الله يسلمك اتفضلى
....................................
(ِشيماء ف سرها : ايه الواد ده ؟ ياخواتى ! )
............................
اسماء : مين يا حبيبى ؟
مصطفى : دى واحده جارتنا باعتالك طبق الحلويات ده وبتقول عاوزه تجيب جوزها وتيجى تتعرف علينا
اسماء : تتعرف علينا ليه ان شاء الله .... انا مش عاوزاها تيجى ولا تتعرف علينا لاحسن تحبك ولا حاجه ههههههههههههههه
مصطفى : هههههههههههههههههه هو انتى واخده فكره عنى وحشه ليه ان كل البنات اللى هتشوفنى هتحبنى
اسماء : لا دى مش فكره وواخداها عنك يا حبيبى . دى حقيقه انا شوفتها بعينى
عارف امانى واسراء اصحابى .... دول حبوك من قبل ما يعرفوا انك مصطفى اللى بكلمهم عنك
مصطفى : ههههههههههههههه ياسلام
اسماء : اه والله .... وكتير من اهل الحته هناك كانوا بيتكلموا عنك وكنت بسمعهم وكانت بتجيلى الاخبار من بره يابنى
مصطفى : ياستار يارب ... ع العموم هى جارتنا اهى ياستى وعزمت نفسها عندنا . هنعمل الواجب ونمشيهم وخلاص . وبعدين ننزل نتمشى تحت شويه واعشيكى بره ..
اسماء : طب ايه الناس دى هنعملهم اكل ايه ؟
مصطفى : لا دول مش جايين عشان غدا ... هما هييجوا بعد المغرب يعنى جايين تعارف بس ... عصاير وخلاص
اسماء : اشطا ... هات بوسه بقا
مصطفى : اللى عاوز حاجه ييجى ياخدها
اسماء : اخص عليك .. تده .. طب مخامصاك
مصطفى : ايه ؟
اسماء : مخامصاك وزحلانه منك
مصطفى : هتتكلمى كده تانى هبعتك على بيت ابوك ...
اسماء : هههههههههههههههههههه ليه يعنى مش من حقى اتدلع على جوزى شويه
مصطفى : ياعم اجرى .. ده دلع ده ؟ دى قله ادب هههههههههههههه
اسماء : منها لله جارتنا دى طيرت النوم من عينى ... قومنى بقا شيلنى انا كسلانه اقوم
هى بنوته صغيره ولا ست كبيره
مصطفى : قومى مش هتفرق
اسماء : نععععععععععععععم ؟ تبقى صغيره ؟ جاوب
مصطفى : صغيره .. يعنى ماشيه ف العشرينات ..
اسماء : يا خبر اسود ...... لا انت تشوفلنا شقه غير دى
مصطفى : ههههههههههههههههههههه طب قومى بس نعمل فطار يلا ونشوف موضوع شقه جديده ده بعدين
اسماء : انا هشوف النهارده لما تجيب جوزها وتيجى . واللى اقولك عليه تنفذه فاهم
مصطفى : فاهم بس قومى يلا ..
اسماء : لا شيلنى
مصطفى : طب اهووووو ... مش هتبطلى دلع بقا
اسماء : تؤتؤ مش هبطل ... عاوزنى ابطل دلع على جوزى وحبيبى ليه ؟ ها ليه ؟
مصطفى : هو انا اقدر .. دنا اصلا عايش عشان ادلعك واحبك . وابوسك البوسه دى مووووووووووواه
اسماء : بتبوسنى وانا منكوشه كده ولسا صاحيه حالتى حاله
مصطفى : هههههههههههههههههه يابت اتلمى ... يلا اغسلى وشك
اسماء : لا اغسلهولى انت
مصطفى : اه ده دلع دلع بقي
اسماء : اه فيه حاجه يا أخ ؟
مصطفى : مافيش يا زعيم ... احنا ف الخدمه
اسماء : ايون كده .. هتعملى فطار ايه النهارده ؟
مصطفى : اها .. انتى متجوزانى تحسين صحه بقا يا سوسكا صح هههههههههههههههه
اسماء : هههههههههههههههههه ابدا ابدا بس الحاجه بتبقى من ايدك انت سكر
مصطفى : ياراجل .... شوف ازااااااااااى يا جدع ... وانا اللى كنت مفكرك بتشتغلينى
اسماء : بقا انا اشتغلك ؟ عيب . دانت حبيبى وابنى وجوزى وبعلى
مصطفى : انا بعلك ؟؟؟ طيب يا بعلوعلى ورايا ع المطبخ يلا نعمل فطار
...................................
(الباب بيخبط )
اسماء : الباب بيخبط .. هى ايه جارتنا دى هتاخدها حلوانه ولا ايه ... استنى انا اللى هفتح
مصطفى : اولا دى مش جارتنا ... دول جوز القرود اللى احنا مربينهم ههههههههههههه اختك واختى
اسماء : هههههههههههههه وعرفت منين
مصطفى : عرفت منين ؟ دنا اعرف خبطتهم من اخر الدنيا .. دنا بقيت بحلم بالخبطه بتاعتهم .. روحى افتحى
..........................
اسماء : انتوا ايه اللى جابكوا ؟
نور : الله ! هى هيصه بقا كل ما تشوفوا وش اللى خلفونا انتى ولا جوزك تقولوا ايه اللى جابكوا ؟ انتوا بتعملوا ايه من ورانا ومش عاوزين نعرف هههههههههههههههههه
مى : ههههههههههههه هو احنا تقال على قلبكوا اوى كده
نور : فين جوزك ؟
اسماء : بيعمل فطار جوه
نور : كده يا قلبك .. مخليه الواد هو اللى يعمل فطار
اسماء : انتى مالك انتى ... كنت بساعده جوه لغايه مانتوا خبطتوا
نور : احم احم وكنتى بتساعديه بس ولا فيه حاجه تانيه ههههههههههههههههه
اسماء : ههههههههههههههههههه اتلمى ياروح طنط
نور : تعالى ندخل نشوف بيعمل ايه ؟
....................
نور : الله ينور ياعم الاسطى هههههههههههههه
مصطفى : جهزوا السفره بدل مانتوا عمالين تضحكوا كده
مى : استنى بس انت عملتلنا ايه ؟
مصطفى : اهو بيض وحمرتلكوا بطاطس وفول وجبنه تركى ومربى وجبنه بيضا وعسل اسود بطحينه انما ايه يجنن العشق ده ....
نور : تسلم ايدك ياسيد المعلمين ... والبت دى مابتساعدكش ليه ؟
مصطفى : كانت بتساعدنى بس القرود اللى احنا مربيينهم جم ونكدوا علينا
نور : ههههههههههههه معلش معلش
مى : عنك يا ابيه الاطباق .. روح انت اقعد واحنا هنكمل
مصطفى : ابيه مين يا عنيا .. ايه طقم الحنيه ده مش متطمنلكوا
مى : ههههههههههههههه لا انت ابيه ونص بقا ..
مصطفى : وراكوا ايه .. عاوزين ايه ؟
....................
((يتبع ))