روايه بنت الجيران

( الحلقه التانيه ) ❤

طارق : اتفضلى يا انسه اسماء !!
أسمـــاء : صباح الخير
طارق : أهلا صباح النور اتفضلى .... مصطفى !! واد يا مصطفى .. انت واقف كده ليه ؟ اتحرك يابنى
مصطفى : هه !
طارق : هه ايه ؟ اتحرك هات اللى قولتلك عليه .. 10 دقايق هخلص مع الانسه والاقي الشغل عندى
مصطفى : شغل ايه . ؟
طارق : نعم ؟ الشغل اللى قولتلك هاته اراجعه قبل ما اوقعه
مصطفى : اه ان شاء الله
أسمـــاء : هههههههههههههه
طارق : عاجبك كده ؟ اهو المودموزيل ضحكت علينا اهى
مصطفى : طيب عن اذنكوا
......................................
حسن : ايه يابنى اتأخرت عنده ليه ؟ كان عاوز منك ايه ؟
مصطفى : هه !!
حسن : فيه ايه ماله ده ؟؟ انت ياعم النجم ساكت ليه ؟
حسن : انت بتبصلى كده ليه يابنى انت مالك ؟
هبه : ههههههههههههههههه مالك يا مصطفى هو طلب منك ايه ؟ اكيد الشغل صح ؟
مصطفى : هه ! بتقولوا ايه ؟
خالد : سيبوه سيبوه هو شكله جعان
حسن : جعان ايه بس الواد وشه اصفر .. هو شتمك ولا عملك ايه الله يخربيتك ما ترد
مصطفى : اقول ايه بس والنبى ؟ دنا شكلى داخل على ايام ما يعلم بيها الا ربنا
حسن : ليه ؟ هو قالك ايه ؟
مصطفى : هو ؟ هو جميل وزى القمر ورقه الدنيا كلها فيه
حسن : إنت متخلف يابنى ؟ بقا طارق جميل وزى القمر . الله يحرقك
مصطفى : طارق مين يا بن العبيطه ؟؟ انا بتكلم على الملاك اللى معاه ... يالهوى خلصوا بسرعه الشغل عشان اروح اشوفها تانى ... فين الشغل يا هبه
هبه : اهو انا خلصته انا وخالد وانت هناك ... مش صعب يعنى ولا حاجه بس انت اللى كسلان .. بس ايه حكايه ملاك ومعرفش ايه ؟
مصطفى : هاتوا بس الشغل الاول ولما ارجع هتعرفوا
........................
مصطفى : ايه يا منى ؟ مستر طارق لسا جوه
منى : اه جوه انت خلصت الشغل اللى قالك عليه ؟ استنى رايح فين معاه ناس جوه
مصطفى : اه منا عارف منا داخل علشان الناس اللى جوه
...........................
طارق : ايه يا مصطفى خلصت الشغل ؟
مصطفى : ايه ده مين ده ؟ هى فين ؟
طارق : هى مين ؟
مصطفى : لا مافيش حاجه .. اتفضل الشغل اهو يا مستر طارق
طارق : جاهز يعنى الشغل ؟
مصطفى : هى فين يا فندم ؟
طارق : انت مش مظبوط ليه ؟؟ هى مين دى اللى فين ؟
مصطفى : لا انا قصدى ع التوقيع يا فندم جاهز ع التوقيع
طارق : طب اتفضل .. هراجعه واوقعهولك عشان تعتمدوه ...
مصطفى : عن اذنكوا
.....................
مصطفى : بت يا منى فين الانسه اللى كانت هنا من شويه
منى : انسه مين ؟
مصطفى : اللى كانت هنا ماتستهبليش على أمى .... اللى دخلت لمستر طارق وانا جوه
منى : اه أسمـــاء ؟
مصطفى : ايووووه اسمــــاء .. أسماء مين بقا دى وفين وراحت فين وبتشتغل معانا هنا ولا فين ؟
منى : ايه ده حيلك حيلك .. لا هى مندوبه شركه تانيه كانت جايه تاخد ورق كده ومشيت على طول
مصطفى : طب هى جات قبل كده ؟
منى : اه جت بتاع مرتين تلاته كده ... ليه خير ؟
مصطفى : طب ابوس ايدك يا شيخه لما تيجى تانى اتصلى عليا على طول ف اى وقت
منى : طيب يا شملول ..
مصطفى : طب هى مش عندنا هنا الملف بتاعها ولا اى حاجه عنها
منى : لا طبعا .... بس اللى اعرفه انها كانت ف سيدى جابر وعزلت راحت فين بقي الله اعلم ... اتكلمت انا وهى شويه ....
مصطفى : وايه تانى .. قولى قولى ؟
منى : ههههههههههههههههه وهى لسا خريجه السنه اللى فاتت . عندها 23 سنه
مصطفى : فيه حاجه تانيه ؟
منى : لا بس كده .. لو جت تانى هبلغك
مصطفى : ياريت والنبى . ساعتها مش هنسالك الجميل ده !!!
........................................
حسن : عملت ايه يا كبير ؟
مصطفى : كبير ايه الله يخربيوتكوا البت مشيت
حسن : معلش بقا هههههههههههههههههه بكره تظهر او يظهر ست ستها
مصطفى : اتنيل يا عجل يا اهبل .. دنا هدور عليها ف اسكندريه كلها
هبه : لا والله ؟؟ وده من امتى ؟ (بغيره وغضب )
مصطفى : ربنا يعدى يومى بسرعه انا مابقيتش طايق المكتب والله
........................................
( نهايه اليوم )
حسن : يلا يابنى خلاص عاوزين نروح .... أم العربيه بتاعتك اللى ذلانا دى ؟
مصطفى : عاجبك ولا مش عاجبك ..
حسن : عاجبنى ياعم ... هنخرج فين النهارده ؟
مصطفى : والله ماليا نفس اعمل اى حاجه .. بس ممكن نخرج نقعد ع العزيزيه شويه ولا نتمشى ف اى حته ع البحر يمكن الاقيها
خالد : فيه ايه يا مصطفى انت بتتكلم جد كده ليه ؟
مصطفى : مصطفى وقع يا رجاله بجد
هكلمكوا بالليل لما اصحى م النوم واشوف هنعمل ايه
حسن : طب يلا وانا لو انت اتأخرت هاجى البيت عندك اصحيك
............................................................
( البيت )
ام مصطفى : حمد الله ع السلامه يا حبيبى اعملك تتغدى ؟
مصطفى : لا انا عاوز أنام ماليش نفس
أم مصطفى : مالك يابنى ؟
مصطفى : مافيش والله جعان نوم بس ابقى صحينى ع المغرب كده ؟ صحيح ايه صوت الهبد اللى ف الشقه اللى قصادنا دى ؟
أم مصطفى : اه دول جماعه ساكنين جديد جنبنا امبارح وبيوضبوا ف شقتهم .. كنت عندهم من شويه .. ست ماشاء الله كويسه وجوزها راجل كبير ومحترم وشكلهم جيران الهنا ان شاء الله .. وماشاء الله عندهم بنت زى القمر ماتيجى اجوزهالك
مصطفى : ههههههههههههههههه والنبى يامه سيبينى ف حالى عاوز انام ...