මෙය මාගේ මනඃකල්පිතයක් පමණි. සැබෑ ජීවිතයේ අයවලුන් හා ඒහා සබැදි ස්ථාන මෙම කථාංගයට කිසිදු සබදතාවක් නොමැති බැවින් ඒවා සම්බන්ධ කර නොගන්න.
" මොකවත් නෑ. ........ "
හරි සරල උත්තරයක් දීල බැල්කනි හොරා බෙන්ච් එකෙන් යන්න නැගිට්ට. ..... වැඩිම අඩි දෙක තුනක් යන්න ඇති ආපහු වතාවක් ඒ ඇස් දෙක මගෙ ලග නතර වුනා වගේම මං දැක්කෙ කලින්ට වඩා බොරපාට උනු ඇස් දෙකක් ..... වැටෙන්න ඔන්න මෙන්න කියල කදුලක් ඒ ඇස් අග්ගිස්සෙ රැදිල තිබ්බ .... ඒත් අන්තිමට එයාගෙ කටින් පිටවුනේ. . .
" දන්නව ද මම ඒදේ මගේ කරගන්න අවුරුදු ගානක් බලන් හිටිය..... "
*************************************
කාලය කොච්චර ඉක්මනට යනවද ඒතරම්ම ඉක්මනට මගෙ හිතත් හදාගන්න පුළුවන් උනානම්. ..... ඒත් මතකයන් කියන දේ ඒතරම්ම ලේසියෙන් අමතක කරන්න පුළුවන් උනොත් අපේ ජීවිත හිස්වෙලාම තියෙයි.... අදට මම යුනිවර්සිටි යන්න අරන් සතියක්. ...... මේ ටික කාලෙටම ස්කූල් එකෙදි වගේම යාලුවෙක් නොහිටපු නිසාම වෙනද වගේම යුනිවර්සිටි එකේදිත් කාලය ගෙවුන................... මීට මාස තුනකට කලින් මම ගොඩක් සතුටින් හිටිය ........ දන්නවද ආචූ හරියටම හෙටට ඔයා මාව දාල ගිහින් මාස තුනක්. ....... ඒක මට හරි ලොකු කාලයක්... හෙට ඔයාගෙ තුන්මාසෙ දානෙ , තනිමට ලොකුවට කරන්න බැරි වුනත් පුලුවන් විදියට ඔයාට පින් දෙන්නම්... මං දන්නව ඒ නැතත් මගෙ ආචුට හොදටම පින්ඇති කියල ..
" චූටි මොකෝ මේ හවස් වෙලා තනියම බැල්කනි එකට වෙලා කරන්නේ. .... "
" නෙතූ අක්කා "
" අනේ ..... චූටි මොකද මේ අඩලා ලමයො...... ඇයි ?මොකද්ද ප්රශ්නෙ කියන්න ...... යුනිවර්සිටි එකේ කවුරැහරි රැග් කරාද....... මම උන්ට....."
" අනෙ එහෙම දෙයක් නෑ නෙතූ අක්කෙ..... රැග් නම් තිබුන ඒත් ඒව එච්චරම ගානක් නෑ. ..... "
"එහෙනම් මොකටද ඇඩුවෙ ?"
" නිකං ...මට ගෙදර මතක් වුනා ........ ඒකයි ......"
"අයියෝ ලමයො ඒකද ..... ඉතින් ආච්චි අම්මට කෝල් එකක් ගත්තනම් හරිනෙ..... මම ඔයා ආච්චි අම්මත් එක්ක කතා කරනව දැකලම නෑ.... දවසක් මම ඩැඩීගෙන් අහපු වෙලේක ඩැඩී කීව ඔයා රෑට කතා කරනව ඇති කියල. .... "