# روايـة ـ سقف الحب - Ceiling Love
للكـاتبـة : sαℓeмα🔏❤️
ــــــــــــــــــــــــــــــــ
الساعه 6:30 ص 💕
كانت نسمه راقده ف دارها
انفتح الباب وخش خليل
خليل قرب منها : نسممـه انتِ يخراا نوضي
نسمـه حطت راسها ف المخـده : درق وجهـك
نضال مصبي ع الباب : كان ماسقطتيـش السنه اللي فاتت ره توا متريحـه
جابـر يكر ف الغطـاء من عليها
نسمـه تعيط : واقسم بالله كان ماتسيبوني نكرهكـم ف معيشتكـم
خليـل غمزلهـم واشرلهـم يطلعـوا من الدار
وفعـلاً هضا اللي صـار
جبـران واقف ع الغـاز ويقلي فالدحي
دقايـق وخشـوا الشبـاب
ودقيقتـين بالزبـط وخشت نسمـه
قالبـه وجهها ومكشـره وشعرها مشتت
نسمـه : طيرتـوا النـوم
جبـران تأفأف : عيب والله عيب انا اللي اندير فالفطور
جابـر غمز لنضـال وقعدوا يخبطـوا ع التباسي بالكاشيـك ويغنـوا: فطرنـا ياجبـران..فطرنـا ياجبـران..اووه جبـران..اووه جبـران
نسمـه تشوفلهـم ومزال مأثر فيها النـوم
وجبـران يهز ف نصـه ويضحـك
وخليـل يصفق من جـده
نسمـه : خلاص بطلـوا بـراده
جابـر حط الكاشيـك من يـده : اوف تعبت
نضـال : ع كم طقـه تعبت
جبـران يستف فالفطـور : هضا مش متاع غيطـه
خليـل حرك حواجبه : ايوااه
نسمـه تشرب فالحليـب : كلمتـوا بابا وماما اليـوم
خليـل وهو ياكل : مزال بـدري
كملـوا فطورهـم
وكل حـد ناض يوتي ف روحـه
نسمـه طلعت من الحمـام وهيا تنشف ف شعرهـا
رفعت تلفونهـا ورنت ع عهـد
نسمـه : هيا ردي يـادراه
رنت مـره ثانيـه
عهـد بصوت مليـان نـوم : نعمم !
نسمـه : جلمم ان شاء الله نوضيي
عهـد :بطني والله مانقدرش نمشي
نسمـه قعمـزت ع السرير :خلاص حتى انا مش ماشيـه
عهـد: لاياانتِ فكينـا انقنـه السنه بننجحـوا فالحـوش دايريني مهزلـه
نسمـه ضحكت :لا يااحسـاس انتِ😂، قولي عنـدك مكالمـه وماتبيـش
عهـد : حرام عليـك سيف راقـد مايندري ع حاجـه
نسمـه تسمع ف خليـل يضبـح من بـرا
نسمـه : خلاص وجـك بنطلـع
نضـال خذا نقاله وقال : تو انرن ع واحـد يتكي عليـا
خليـل هز راسه بلا وقال :خليك وانا طالع نوصل نسمـه نحطك
جبـران كان يمشط في شعره المبلول وقعمـز
خليـل شافله : ماتطلعـش وانت شعرك مبلول صقع راه
جابـر يضحك ويقلد ف صوت بنت : نجكليـا يخياا اللي خايف علينـا😂
خليـل ضربـه ع يـده
نضـال شاف لجابر وجبران :طالعيـن مع بعضكـم
جابـر اتكا ع جبـران : اها محاضرتنـا مع بعضنا
نزلت نسمه من دارها وهي تدعدع من النوم ومازال ناعسه كانت لابسه الزي امتاع المدرسه وحاطه شنطتها ع كتفها وماسكه نقالها ف يدها ، وقالت :عهد مش ماشيه راه ..... من بيشيلني للمدرسه ؟!
خليل خذا مفتاح سيارته : هيا تو نوصلك انتِ ونضال وبعدها نمشي للعمل
نسمه وهي تعدل ف وشاحها : به
خليل شاف للنقال اللي ف يدها : هضا حطيه هنا.... وشيرلها ع الطاوله اللي ف الصاله
نسمه حطت نقالها ف جيبها : لالا والله ماصارت
خليل فنص فيها : نسمه ! انا مش مستعد كل مره نمشي للمدرسه امتاعك ونتبهدل عشان حضرتك كل مره دايره مشكله ....النقال ممنوع خلاص ممنوع
نسمه حطت يدها ف وسطها : تبي توصلني للمدرسه الحرفه ولا نمشي نرقد
خليل شاف لنضال اللي يلبس ف كاويشه بقلة صبر وهو ينفخ
نضال هز كتوفه : ماعندي مانديرلك سوداني !!
نسمه عدلت شنطتها ع كتفها وقالت : هي هي توكلنه ع الله ...وطلعت للجنان لحقها خليل وهو يهز ف راسه بقلة حيله ، ووراه نضال يضحك
طلعوا من الحوش ، وركبوا للسياره بعد عركه بين نضال ونسمه ع الكرسي القدامي، وفي الاخير ركبت نسمه لاوره ونضال قدام .
نضال شاف لخليل وقاله : حوش عيت فرج انباع ؟!
خليل هز راسه وهو مركز ع الطريق : انباع ...وسكنوا فيه ناس جدد
نضال شاف للحوش وقال : وشن جوهم ؟!
خليل : امس هدرزت مع ولدهم ....شكلهم ناس كويسين
نسمه شافت لحوش جيرانهم اللي مقابلهم ويحكوا عليه خوتها وتكت راسها ع زجاج السياره وهي ناعسه .
ــــــــــــــــــــــــــــــــ
الساعه 8:00 ص💕
أنت تقرأ
Ceiling Love _ سـقـف الـحـب
Romanceبيـني وبيـنك أبـحـرُ ومـدائـن لكـنـنا بـشعورنـا جيـران ❣️🫂 .
