Ceiling Love _ سـقـف الـحـب

الحـلقـة الثـانـية عـشر 🌼🤍.

# روايـة :سـقـف الـحـب -Ceiling Love
للكـاتبـة : sαℓeмα🔏❤️
ــــــــــــــــــــــــــــــــ
حس يوسف انه ف كارثه بس قبل مايفهم شن في ، جاه واحد منهم وحط يديه وراه وحط فيهن الكلابشات بدون اي معارضه من يوسف اللي كان مستغرب ومش فاهم شي
ولما رفع راسه وبيحكي امعاه
شاف نسمه وعهد اللي كانن ماشيات للمدرسه
جت عينه ف عين نسمه اللي كانت تشوفله ومصدومه
كانت نظرت نسمه كلها صدمه وخيبه
أما يوسف فكانن نظرته تقول انا بريئ ، مااتصدقيش اللي حيقولوه عليه
نسمـه شافت لعهـد بصدمه: شن صـار ؟؟
عهـد شهقت :حي ع امـه شفتي كيف خذوه
نسمـه ببكاء : ليش شن داير بس !
عهـد طلعت تلفونهـا وتحاول ترن ع سيف والخط ماعلقـش
نسمـه : انعدي اندق ع عائشـه انقوللها
عهـد مسكتها : لالا رد بالك الشارع مليان توا !
نسمـه فتحت تلفونها ورنت ع رقم يوسف الخط يـرن
فصـل وماردش حـد
رنت مـره ثانيـه ..الرقـم المطلُوب مقفل
عهـد : دسي تلفونك وخلي نمشوا للمدرسه اكيـده شويا وح يـرن سيف
وصلن للمدرسه و نسمـه مش قادره تفرد طولهـا
اعصاب المعـده اشتغلن ، قابلتهـا جميلـه والضحكه ع وجهها
جميلـه:نسمـه كنك ؟
نسمـه والدموع ف عيونها ويدها ف يد عهد: مريضه شويا
جميلـه :لاباس ياريتك غبتي ، الجو بدا يصقـع هيا بسـرعه خشن وكان تبي حاجه تعاليلي
خشت نسمـه وعهـد للمـمر ونسمـه قعمزت ع الأرضيه وهيا تبكي
عهـد تبكي معاها : خلاص صبي بطلي بكاء
نسمـه صبت : انعدي انقوللها
عهـد مسكتها : من جدك انتِ ؟؟....... تصيرلها اي حاجه يقولوا منك كنك
نسمـه بعياط : المرآه ماتندريش ع ولدهـا
عهـد : زعميتك كان علمت عليه بتطلعـه وقتي راه الموضوع مش ساهل
جت ابلـه وهيا تعيط من بعيـد: لفصلك انتِ وياهاا
عهـد ماسكه نسمـه وخشن للفصـل
قعدن دقائـق ف الفصـل وصبن للحمـام
عهـد فالتركينـه اترن ع سيف
ونسمـه تحرسلهاا
سييف رد وهوا يكشخ : خلاص مارديتش معناها مش فااضي
عهـد خايفه تعلي صوتها يسمعوها:بنسأل ع يوسف بس
سيف : من قالك انتِ ؟؟
عهـد ماسكه اعصابها تبيش اتعارك معاه :شفناه انا ونسمـه
سيف :والله مزال مش عارفين شيء ليش وكيف مش معروف
عهـد :انا فالمدرسه طمني لما تعرف
سيف :تم
الصـوت والهرجه للي حدا سيف خلا عهـد ترعش من الخوف
تحاول ماتبينـش قدام نسمـه اللي من اول ماانتهت المكالمه وهيا ترجـع
عهـد طلعت للممـر اتجيب فالميـه واتشوف جميلـه دايخه قدام مكتبهـا والأبلات يوعن فيهـا
عهـد تهمس : يارب سترك وخلاص
دقائـق والدنيا خشت بعضها الأبلات خذن جميلـه وطلعن بيها لحوشها
وعهـد خذت نسمه للأخصائيـه وكلمت نضال
فِـ السيـاره
نضال يسـوق وجنبـه جابر
عهـد ونسمه من لاورا
جابر يحكي لنضال : خش من الشارع من لاورا بداية الشارع مصكر
نضـال بستغراب : كنهم شن فيـه ؟؟
جابر : اليوم سيارات مسلحه خذت يوسف جارنا
ونسمـه دموعهـا ماوقفنـش
وجابـر ونضـال عقلهـم ماشي انـه جايهـا العذر
نضـال بحقـد :المسـخ وعليش خذوه ؟
جابـر:قالـوا سـارق او حاجه كيف هك
نضـال:خزى ع الأشكال ربي يفكنا منهـم ان شاء الله مايـروح
عهـد بصوت عالي : نضال كنك شن الكلام هضاا كنت معاه انت ولا تاخذ فالذنب وخلاص !!
نضـال سكت تفاجأ من ردت فعلها القويـه
درسُـوا قدام الحـوش
ونزلُـوا مع بعضهـم
حـوش يوسف قدامه سيـارات وشبـاب
جميلـه تبكي:ياربي الطف بينـا ياربِ
عائشـه تجري ف المطبـخ اتقدم للنـاس وزيـد ولدهـا يكر فيها ويبكي يبيها اتشيلـه
خالتهـا : ياعائشـه شوفي ولدك
عائشـه حطت الصفـره ودموعهـا ع خدها : مابش يسكت شن انديرله....مريض يطلع ف السنون ويدور ع يوسف
خالتها تنهدت وقالت : ان شاء الله يروح طيب ويطمنه