التاريخ: ١٠/٠٤/٢٠٢٢
موضوع: الحلقه الثانيه✨
# روايـة :سـقـف الـحـب -Ceiling Love
للكـاتبـة : sαℓeмα🔏❤️
ــــــــــــــــــــــــــــــــ
الساعه 5:00م💕
سيف ويوسف كانوا مقعمزيـن قدام حـوش يوسف
سيـف : هاه شن جو الحـوش الجديد
يوسف نفخ : والله ماشي مزال حوسه
سيف ابتسم وهو يشوف للشارع :والله مشـاء الله حتى الشـارع متاعكـم ناس مسقمـه
يوسف بااستهـزاء : اها بايـن ،انت شن جو شارعكـم خفف جي الراجل الهبل هضكي
سيف ضحك : الأيام هذينا شكله فالمزرعه لاه ايام مهبي
يوسف وهوا سرحان : اهاا
سيف : الجو مكسـد
يوسف طلع مفتاح السيـاره من جيبه : هيا هيا صبي
سيف : وين؟؟
يوسف وقف: هلي يبوا حاجات من السوق هيا نعدوا
سيف ناض معاه
ــــــــــــــــــــــــــــــــ
الساعه 5:30 م💕
نسمه وتت روحها ولبست وطلعت لحوش خالتها (ام عهد) اللي تسكن ف الشارع اللي وراهم
دقت الباب ✊🏻
وفتحتلها خالتها
نسمه وهي تسلح ف حذائها : خير ياخالتي
فتحيه : خير ومرحبا
نسمه خشت امعاها وهي تقول : عهد وين ؟!
فتحيه عوجت فمها : وين بتكون يعني تكد ف الحمام ولا تغسل ف الماعين ف المطبخ ، اكيده ف دارها ع النقال
نسمه ضحكت : تي شن بنتك ولافلبينيه ياخالتي هيا لين تكد الحمام وتغسل ف المطبخ
فتحيه خبطتها ع كتفها : خشي خشي ....حتي انا مع من نحكي نسيت انكن احرف من بعض
خشت نسمه لدار عهد بعدما سلمت ع عيال خالتها ،وقعدن يهدرزن
عهـد بحماس : باه وشن صار اخره
نسمـه تلعب بالتلفون ف يدها : خلاص شفتله بهذكي النظره وسيبته
عهـد تضحك : وااوو انتي ونظراتك😂
نسمـه تمضغ فالمستكه : امالا شنـو
عهـد شيرت جنب نسمه : ترا شوفي تلفوني جنبك يرن؟؟
نسمـه شقلبت عيونها : ماحد دورك اسكتي وخلي ندوي
عهـد تضحك : خزي ، زعما من هضا ؟؟
نسمـه : شكلا جاي جديد فالشارع
عهـد عدلت المخده اللي ف حجرها وقالت : والمسخ هضكي مزال يلحق فيك ؟؟
نسمـه خبطت يديها ع بعض وقالت : الكلب من السنه اللي فاتت يغيب فتره ويرد زي الهـم
عهـد رقصت حواجبها : ناخذوا رقمـه نكسدوا عليه
نسمـه عزقت فيها المخـده : تاخذي عينك حلال يسمعك سيف😒
عهـد تضحك :نبصـرر
نسمـه :نوضي كان بتوكليني حاجه بنعـدي
عهـد ضحكت وحولت المخده من ع كرعيها وقالت : باه
ــــــــــــــــــــــــــــــــ
الساعه 12:36 ص💕
طلعت نسمه من المطبخ بعدما كانت تشرب ف ميه ، شافت لخوتها اللي قاعدين ف الصاله
خليل كان يحكي مع خطيبته بالمسجات ، وجبران يتفرج ع مباراه ،وجابر ماسك شيت ويقرأ ، ونضال مازال ماروح
نسمه شافتلهم : انا نبي نخش نرقد
خليل تمتم بـ : تمام وهو يشوف لنقاله
وجبران شافلها وقال بستفزاز : كويس النوم للفروخ عدي ارقدي
نسمه رفعت حاجبها وقال : قولها لروحك !
جبران ضيق عيونه : شن قصدك ؟
نسمه : قصدي واضح ....وركبت لدارها وخلاته
صكرت الباب بالمفتاح وفتحت درج الزيانه و طلعت منه المذكره امتاعها ،وحلت البلكون امتاع دارها و نطت منه لسقف العماره المقابلتهم ، ( مكانها المفضل ✨) كانت عماره مهجوره ع ثلاث ادوار ، وبما انه حوش اهل نسمه ع ثلاث ادوار وغرفتها ف الدور الثالث والعماره قريبه منهم كان سهل عليها انها توصللها ، كانت كل ليله تاخذ مذكرتها وتقعمز ع سطح العماره وتبدأ تكتب ف روايتها 💘
قعمزت نسمه ع الفرشه اللي حاطتها ولفت عليها شالها كويس وحطت مذكرتها ع كرعيها وبدأت تكتب ف الروايه .....
أنت تقرأ
Ceiling Love _ سـقـف الـحـب
Romanceبيـني وبيـنك أبـحـرُ ومـدائـن لكـنـنا بـشعورنـا جيـران ❣️🫂 .
