# روايـة :سـقـف الـحـب -Ceiling Love
للكـاتبـة : sαℓeмα🔏❤️
ــــــــــــــــــــــــــــــــ
فـي صبـاح يـوم جـديـد⛅
الساعه 7:45 ص 💕
خشت فاطمه لغرقة نسمه : نسمه نوضي تأخرتي ع المدرسه
نسمه ناضت مفجوعه : شنو !
فاطمه وهي تحل ف الروشن : وقت ع المدرسه ....هيا بسرعه
نسمه خشت للحمام بسرعه وطلعت ، لبست زيها المدرسي بسرعه ونزلت تجري ، لقت هلها مقعمزين يفطروا
محمد شاف لنسمه اللي تجري وتوتي ف روحها : تعالي افطري
نسمه : مافيش وقت ...تأخرت
وشافت لنقالها وهي تلبس ف وشاحها : عهد مارنتش غريبه !
فاطمه : رنت عليه قالت حتي هيا تأخرت ف النوم
نضال شاف لنسمه: كان تبي انوصلكن بالسياره عادي راه مازال بدري ع الشغل امتاعي !
نسمه وهي تلبس ف كاويشها : لالا تمام
وطلعت تجري ، كانت بتمشي لعهد لكن بمجرد مافتحت الباب لقت عهد جايه وبدق عليها
عهد : تأخرت واخرتك امعايه
نسمه : لالا حتي انا راحت عليه نومه وتوا كيف نضت
عهد ابتسمت وسكتت
نسمه : انتي كويسه ؟؟.....وجهك اصفر
عهد هزت كتوفها : كويسه ...مازال مضايقه من موضوع امس بس
نسمه هزت راسها بتفهم وسكتت
وكملن مشي للمدرسه
كانت نسمه لاهيه ف نقالها ، وعهد تمشي ف جنبها وساكته
حست نسمه بعهد ضغطت ع يدها رفعت راسها وشافت سيف ويوسف واقفين عند حوش يوسف
نسمه شافت لعهد وقالتلها : ماتشوفيلش
عهد لفتت وجهها للجهه الثانيه وعيونها معبيه دموع
نسمه شافت لسيف برفعت حاجب
وسيف كان يشوف لعهد بندم وكان متمني انه يمشي ويحكي امعاها او يتأسفلها لكن كان مش قادر لانه عهد ماتبيش تشوفله اصلاً يابال تحكي امعاه
اما يوسف فكان يراقب ف الوضع من بعيد وساكت
طلعن البنات من الشارع
وسيف عيونه امعاهن
يوسف شاف لسيف وقاله : هيا !
سيف بنفتره : مانبيش نمشي لا لعمل لا هايك ....ومشى وسيب يوسف واقف ويشوفله بتعجب
ــــــــــــــــــــــــــــــــ
الساعه 9:30 ص 💕
كانت نسمه راقده ع الدرج وتاعبه
عهد شافتلها بستغراب : كنك ؟!
نسمه : دوخه
عهـد :بلكي راقـده متأخـر
نسمـه غمضت عيونهـا
عهـد بتفكيـر : نسمـه زعما سيف نادم ع اللي داره ؟ !
نسمـه هزت راسهـا
عهـد تنهدت : رايفت عليـه
نسمـه فتحت عيونهـا وابتسمـت
ورن جـرس الفطـور
عهـد وقفت : هيا نوضي
نسمـه بهمـس :ماعنديش جهـد خلينا هنا
عهـد سحبتها من يـدها : غير نوضي تضربك الشمس تصحصحي
ناضت وهيا ماسكـه يـد عهـد و طلعن من البـاب
ونسمـه مشت تجري للحمـام ترجع
عهـد لحقتهـا بخوف
نسمـه تغسل ف وجهها
عهـد بفزع : كنك ؟
نسمـه ببكـاء : بنروح مش قادره نصبي
عهـد مسكتها من يدها : باه هيا ننزلوا للإداره
تحركـوا خطـوه وداخت نسمـه
عهـد قعدت تعيـط لأبلات الممـر
جن يجرن ونزلوهـا للإداره
جميلـه تشوفلها بقلق :شربوها اميـه
الابلـه : شربناها ماناضتـش
عهـد : كلمي هلها !
جميلـه وهيا تكتب ف رقـم خليل : باه ديرلها عطـر
الابلـه طلعت عطر من شنطتهـا وتشمم ف نسمـه
جميلـه بستغراب : عهـد هلها مايردوش !
عهـد تأفأفت : خليل ...اكيده فالشغـل
نسمـه تفتـح ف عيونهـا وقالت بهمس : عههـد
عهـد شافتلها بسـرعه : نسمـه ياعمري نوضي شغلتيني
نسمـه تبكي : عهـد حاسه روحي بنموت قلبي يدق بقـوه
عهـد وهيا حاطـه يدها ع قلبها : استرخي بـس
جميلـه : ابلـه نهى سيارتك معاك ؟!
الأبلـه : اها
جميلـه : هيا نشيلوها للمستشفى
عهـد بترجي : نمشي معاكم
جميلـه هزت راسها :لالا مانقـدرش نطلعك
وطلعـوا بنسمـه للمستشفـى القريبـه من المدرسـه
بعـد حوالي ساعـه
جميلـه بخوف : حساسيـه؟؟
الدكتـور : الواضح انها حساسيـه من توابل ظهـور علامات ف الجلـد واحمراره والترجيـع المستمـر والاغماء
جميلـه : تمام دكتـور بارك الله فيـك
نهـى : يناري مسكينـه بنيـه تقول غزاله
جميـله طلعت تلفونها من الشنطـه وهوا يـرن : ايوه
يوسـف : تي وينـك ياأمي سألت عليك ف المدرسه قالولي طلعتي
جميلـه : بنت جيرانا دايخه جبتها للمستشفى وهلها مايردوش
يوسـف بستغراب : ايـن منهـم ؟
جميلـه : نسمـه بنت جيرانه اللي مقابلينـا
يوسف بخوف : كنهـا؟؟
جميلـه : واكله حاجه متحسسه منها
يوسف : باهي يعني انتي بتقعدي امعاها ؟
جميله : اكيد لعند يجوا هلها
ويوسف : تمام صكر وهو يفكر ف نسمه ....وشن صاير؟؟..... وشن القصه؟؟
خشت جميله للغرفه اللي فيها نسمه
جميله ابتسمت : نسمه كيف حالك ؟
نسمه هزت راسها وهي تمسح ف دموعها : الحمدلله
جميله قعمزت ف جنب نسمه : الدكتور قال انك متحسسه من حاجه .....شن واكله ؟؟
نسمه هزت كتوفها وهي بتبكي وقالت : مش مذكره بس انا عندي حساسيه من الفلفل الاسود
جميله مسحت ع شعر نسمه : الف لابأس عليك
نسمه ابتسمت وهزت راسها
دقائق 🕐
وخش نضال وجابر ع نسمه لانه عهد كلمتهم وحكتلهم ع اللي صار ،
وهما مازال يحكوا امعاها خش جبران ، و بعده خليل
نسمه قعمزت : تمام تمام ....انا كويسه !
خليل : من وين جبتيه الفلفل يانسمه ف الحوش مافيش ....كليتي حاجه من برا ؟!
نسمه اذكرت الشاورما اللي كلتها مع يوسف توترت وقالت : لاا مش عارفه ....مش مذكره ياخليل !
نضال شاف لخليل : خلاص مش مهم من وين ....المهم انتي كويسه
نسمه هزت راسها بالموافقه
جبران : عطوك الدواء والمضاد وامورك كلهن
نسمه هزت راسها
جابر قرب من نسمه وحط يده ع جبهتها يشوف ف الحراره : معناها تكمل التغذيه اللي ف يدك ونروحوا
أنت تقرأ
Ceiling Love _ سـقـف الـحـب
Romanceبيـني وبيـنك أبـحـرُ ومـدائـن لكـنـنا بـشعورنـا جيـران ❣️🫂 .
