قصه ملوك

( البارت الاول )

#ملوك
( ابطال القصه )
أحمد : 27 سنه
ملوك : 23 سنه
( والمزيد من أهل الابطال واصدقائهم )
.............. ( البارت الاول )
( تبدا القصه بمشهد وحوار ما بين أحد العرّافات في سنة 1020وبين أحد الشيوخ في أحد المساجد العتيقه في صعيد مصر ) 
الشيخ : انتى السبب ف اللعنه اللى حلت على اهل البلد المسكينه دى
العرافه : انا مكنتش اعرف .. مكنتش اعرف
الشيخ : ربنا ستر المرادى وعرفنا نوقف المخلوق ده بقوة كتاب الله ! لكن يعنى لو طلع من تانى ! مش هيفضل محبوس هو جوه المصحف ف قلب الصندوق الخشب واللى رميناه جوه البير اللى جوه الجامع !! مش هيفضل .. ولو اتحبس سنه اتنين عشره مسيره يطلع من تانى
عزازيل ده أشر الابالسه ! ووجوده لوحده ف اى مكان هيولع فيه .. ومافيش حاجه قادره تتخطاه او توقفه غير ذكر ربنا من قلب مؤمن وقلب طاهر . غير كده هيولع فينا
العرافه : لازم نردم البير .. ولازم اهل البلد يعزلوا ويسيبو المكان .. مافيش حل تانى !
الشيخ : لازم المكان ده كله يتحصن ! . غير ان الخليفه نفسه مهتم بالموضوع
العرافه : بس مهما طال الأمد يا شيخ محمد هيطلع .. مسيره هيطلع !! وساعتها ... هتخرب
..............
( عام 2020 بعد مرور ألف عام )
عزه : بتقرى ف إيه يابت يا مكمك
ملوك : قصه خياليه كده بس شدتنى !
عزه : قصه عن ايه . ؟ اوعى تكون قصه من قصص أحمد سعد لانك مش هتفهميها
ملوك : بطلى تهريج بقي استنى !! استني اقرأ الصفحه الاخيره
عزه : صفحه اخيره ايه بس ! احمد اخويا مستنينا ولسا هننزل وسط البلد نشترى كم طقم ... فرحكوا قرب يا هبله انتى وقاعده تقريلى قصص
ملوك : يوووووه ! دانتى بارده ... لو سمحت ممكن اخد الكتاب اكمله ف البيت
امين المكتبه : مافيش مشكله !
...............
احمد : يا أهلا وسهلا !! ماكنتو تنامو فوق أحسن !
عزه : خطيبتك ياخويا هى السبب !! عماله تقرالى ف قصص فوق
احمد : قصص ايه وبتاع ايه !! اركبوا يلا !
ملوك : من فضلك لو سمحت ماتتريقش على اهتماماتى .. اصحاب المزاج العالى هما اللى بيقراو قصص وروايات
احمد : قصص وروايات اه لكن انتى بتسرحى معاهم وبتعيشى بكل جوارحك
ملوك : منا لازم اتقمص دور الابطال ... بس اسكت انا لسا قارئه حتة قصه فوق ملبشالى جسمى ..
احمد : رعب ولا ايه .  
ملوك : هى رعب ومش رعب !! بس الكاتب بيقول ان فيه بعض من الحقيقه
احمد : وبتحكى عن ايه بقي القصه بتاعتك
ملوك : عن عزازيل
احمد : اعوذ بالله من غضب الله !! انتى مالقيتيش غير الاسم ده وتقرى عنه !! يخربيت ابو كده
ملوك : هههههههههههه بتخاف ولا ايه !
احمد : وهو الاسم ده مايخوفش  ؟ انتى عارفه قصة عزازيل ده ايه ؟. ؟ ده كبير الشياطين . الكوماندا بتاعهم !! حاجه كده مُجرد وجودها او وجود اسمها ممكن يقلب الدنيا عاليها واطيها !!! حاجه شر .. ربنا يعافينا منه ويبعدهم عنا قادر يا كريم .. بقولك ايه غيرى السيره
ملوك : استنى يا احمد بس
احمد : بقولك غيرى السيره ... انا سمعت انه بييجى على السيره ومجرد ذكر اسمه بس كفيل انه يحضره
ملوك : لا ماهو مربوط وملعون من 1000 سنه هههههههههه ناس من مكه ومن الازهر حبسوه ف بير تحت الارض ييجى ب 200 متر مغلف بصندوق خشب متحصن بايات وصور من القرآن !!
احمد : بردو غيرى السيره ... غيرى السيره يا بنتى احسنلك وماتقوليش اسمه تانى
ملوك : استنى بس هكملك الحكايه .. لانه اصلا بعدها ب 500 سنه فيه ولاد هرمه حراميه كانو دجالين عاوزين يستعملوا عز.....اسمه ايه ده يا سيدى مش هقول اسمه اهو ... نزلوا لاخر البير من تحت بس مالقوش الصندوق .... كانو عاوزين يعملوا طقوس كده ويقدموا قرابين
احمد : اه يعنى هو حر دلوقتى !!
ملوك : استحاله ! استحاله يبقي حر لانه متحصن ومتحاوط بالتعاويذ اللى مقيداه  !! إلا بقا لو حد فعلا لقي الصندوق وفتحه .. تبقي مصيبه
احمد : ربنا يستر !! يلا انزلوا وصلنا
.................
على فكره مش مجرد قصة رعب
#أحمد_سعد