هذا اول بارت وانشاالله يكون النشر كل يومين
الخِداعُ بالحُب
__________________________
وصلت المحكمه ونزلت من سيارتها العاليه السوده القاتمه مثل سواد الليل وسواد حياتها نزلت تمشي بثقه والغرور بل ليس الغرور فقط معها نرجسيتها التي تفضل نفسها على الكل
جاي امشي مستعجله بسبب الادله الجبتها تأخرت عليه ومااحس اله ارتطمت بواحد باوعت اله وصيحت لك شبيك ماتشوف المحكمه شطولها شعرضها حبكت اله تجي بطريقي باوعلي بنضره استنكار وكال
: ستري نفسج اني مااحجي ويه وحده مفرعه أهلها مسيبيها بالمحاكم بين الزلم
:راح اعديها لأن مستعجله بس والله اذا انعادت ما تدري شسوي بيك عود انته المحامي المثقف وخر عفته ومشيت لبست روب المحاماة ودخلت لغرفه القاضي وبيدي الادله
بعد مده ساعتين
طلعت واني فرحانه وفخوره بنفسي لان هاي المحاكمه من أصعب المحاكمات الاجتني خلصت اخر كم شغله وطلعت سمعت واحد يصيح ورايه أوار اوار
التفتت طلع عمو سجاد اليبيع كهوه وجاي كال ناسيه تلفونج اخذت التلفون وتشكرته وطلعت رجعت للبيت
هه رجعت للبيت البي بس خواتي التوأم الي بقو من ريحت ابويه
أوار: ألار أيار وينكم
صعدت لغرفتهم لكيتهم يقرون بهدوء رحت كعدت على سرير أيار ومسدت على رأسها واحجي وياها واحاول اخليها تحجي بعد هذاك اليوم المشئوم
ألار: لتحاولين لان حاولت قبلج هواي مراح تحجي
اوار:الااارر انتي متعرفين العاشته شنو ولا انتِ تحملتي الشي الي تحملته أيار لذلك اسكتي سكتت ودموعها تلمع بعيونها
رحت يمها مسدت على راسها ياعيني والله صاير عليه ضغط من كل الجهات اسفه ضوجتج هواي
الار:لا عادي
اردفت وهيه تعدل بلحافها وتغطي نفسها تركتها ورحت الغرفتي دخلت ونضرت لارجاء الغرفه بتمعن شلون تغيرت من ذيج الليله المشئومه
جانت كلها حياة وكلها وردي
هسه هه ضحكت ضحكه ساخره: كلشي اسود من كلبي لحياتي حتى غرفتي تركت كل شي ورحت لسريري وغصت ببحور الماضي
Flash back
__________________________
اني وكاعده على سريري الوردي الي يبين فخامه ونزاكه الغرفه
أوار :.هف هسه شنو هئ والله ضوجه يعني بابا وماما ليش يعاقبوني ويعوفون أور مو اني وياها سويته نفس الشي بس لا هاي أور الحبابه الهادئه اوفف هسه شلون
______________________________________
back
رجعت من الماضي واني أتذكر أور اختي حبيبتي وين اختفيتي رحت للفرشه وتمددت واني التفكير ماخذ حيز من افكاري غفيت واني ماادري بنفسي
ألار:. كعدت الصبح وكعدت أيار صلينه وبدلنا وطلعنا للمدرسه المدرسه ورا بيتنا بشارعين رحنا نتمشى وحده ايدها بأيد الثانيه اردفت :. أيار تردين شي من المحل هزت رأسها لا رحت للمحل اشتريت أبو المحل نضراته مريحتني يباوع على أيار بنضرات مقرفه بسرعه اخذت أيار وطلعنه رحنا للمدرسه طبعا المدرسة تعرف بوضع أيار متكدر تحجي لذلك هي بس تمتحن بالورقه رحنا للصف اني وياها توأم ونكعد بنفس الرحله علمود اساعدها اذا رادت شي مشت الدروس بينا لحد مااجت الفرصه اني ردت اطلع بس أيار مقبلت تطلع عفتها وطلعت ويه صديقتي ريمه دنسولف بهاي الاثناء اجت وحده من الطالبات واردفت وهي تلهث:. ألار الحكي أيار دتبجي من وره سمر و ساره رحت للشعبه ركض واشوف الصدمه
يتبع🖤.....
أنت تقرأ
الخِداعُ بالحُب
Gizem / Gerilimماذا يحدث إذا التقى الغرور بالقوة الحب بالكبرياء الهوس بالنفور السايكو بالنرجسيه هو مجهول لا يعرفه احد لا يعرف معنى الرحمه وقلبه مغلف بالقسوه لكن ماذا داخل قلب مغلف بلقسوه الا قلب ..................... وهي فتاة ذات شخصيه قويه لاتهت...
