انت قايل نفسك حاجة واااو كدا يعني لما بتتفرعن في الناس كدا شوف يا دكتور او يا..... لانو ما تستاهل يقولو عليك دكتور ولا تستاهل ينطبق عليك اسم ملاك الرحمة بدل ما تواسيها بتستغل في ضعفها وحاجتها على فكرة المستشفى زاتها ما محتاجة ليك ولا لي أمثالك وعادي ممكن تلغي شهاداتك دي كلها لانو الشهادات ما كل حاجة وما مقياس للشخص الغيها وبيع مناديل في الشوارع عادي جدا
_____!
امي كانت راقدة في غرفتها،، دقيت الباب وخشيت قلت ليها امي،، قالت لي عايزة شنو؟! قلت ليها ولا شي بس انتي كويسة؟!قالت لي تمام! و عليك الله عندي مواضيع عايزه افكر فيها ممكن تخليني براي انا كويسة،، طلعت برة وقلبي بيوجعني من المعاملة،، اصلا متعودة يعني تعاملها معاي م كأنها امي ولا كأنو بعرفها وبتعرفني تعامل كعب شديد،، مشيت غرفتي وانا بفكر في امتحاني الخايفة من شديد،، بعد نص ساعة باب غرفتي دق فتحتو لقيتها امي لابسة ومتجهزة قالت لي طالعة ناس خالك وسايقة رندة معاي قالت لي م ماشة معانا قلت ليها ممتحنة انا مبقدر قالت لي طيب حرة وابوك بايت في الشغل بيتي براك وطلعت!
دخلت المطبخ عملت لي حاجه اسد بيها رمق جوعي،، وشلت التلفون اتصلت بسوكه الجرس الاول م ردت والتاني برضو التالت طوالي قفلت مشيت استحميت وانا طاالعة من الحمام تلفوني دقا مشيت رديت،، قلت ليها لا بالله م كان تردي قالت لي معلش يزفتة كان ف الشاحن قلت ليها محنك حبيبتي قالت لي ها عايزة شنو قلت ليها اسي يمكن اتصلت اسلم عليك مالك انتي كده قالت لي انا كويسة لو دايرة تسئلي مني يلا قلت ليها اقيفي ها بدورك ف شي قالت لي م قلنا اتصلنا عشان تتطمني علي قلت ليها لفي عايني تعالي بيتي معاي الليلة لانو امي وابوي ماف ورندة كمان ماف قالت لي طيب بجيك اسي اقطعي وشك،، خالد في الخط ليها طيب!
___!
عاين انا معندي ليك شي انت فاهمني؟!!!!!!!!!!شعل م بديك ليه!!!!!!!!!!!!!!يلا اطلع قال ليه ؟!! لي م بتديني مش وعدتني تديني رد ليه!! يزول اطلع بره !
حك لحيتو ورقد على درج المكتب قطع تفكيرو تلفون رد بكل شغف !!!
ايلافوو ردت ليه مشنو يخ؟ ما ممكن الجفا د كلو،، قال ليها والله اشتقت ليك يخ،، قالت لي كتير شديد،، قال ليها م ناوين تجو؟ اشتقت لكتاكيتي يخ،، قالت ليه والله النية في بس انت ادعي لينا قال ليها ان شاء الله كمل ونستو،، ورجع رقد في درج مكتبو وهو شايل هم الراجل الطردتو من الشغل!!!!
___!
جرس الشقة ضرب فتحتو لقيتها سوكه قلت ليها يكلبة مالك اتأخرتي قالت لي بطلي قلة ادب م اتأخرت ولا شي كنت بتكلم مع خالد قلت ليها خالد يموت اي شي خالد قالت لي حلاتو البغير رديت ليها اي بغير وعارفة حلاتي قالت لي اجي هو كمان لمن تجي تغيري،، تغيري من راجلي لفي يبت قلت ليها ح اتجاوزك اكب ليك عصير منقا ولا برتقال قالت لي الاتنين قلت ليها سمح اصلا الجوع فايتك وين م اشتغلت بي ودخلت الغرفه حقتي كأنها ملكها!
