في غرفه مطليه باللون البنفسج ذات اساس انجليزي فتاة مستلقيه على فراشها فقدت قدرة الحركة فُتح الباب بلطف من قِبل الخادمه التي كانت تقول..
_ ي انسه الاكل جاهز..
=كم مره قلت ليكم م عايزه فطور...
_بس ي انسه لازم تاكلي عشان صحتك..
=معايزه انا معايزه بتفهمي بوين ويلا اتخارجي برا..
الخادمه خرجت بسكوت تام (بسكوت ولا كيك نهيهاها))
__________🦋!
سرحت شعرها حمامتين وعملت تمارينها المعتاده ورقدت ف السرير وهي بتتأفأف من الولد الخشت معاه في نقاش حاد وف النهايه هي الاعتزرت بالرقم من انها انثى ناعمه ومسامحه ودائما بتسكت بس ابدا م كانت ضعيفه كانت بتاخد حقها بيدها لو ادعى الامر كانت مزاجيه جدا((منفسنه)) وكمان عصبيه شديد بس خافيه كل الصفات د ورا الشخصيه الضعيفه الراسماها للناس..
نادت وقالت: سوكهههههههه تعالي سرععععه..
سوكه خافت لمن سمعتها بتكورك لانو عارفه صحبتها شنو.
قالت ليها ف شنو ي رهف قالت ليها م تكنسي بصوت عالي م ممكن معاك م ممكن اطلعي برا م تقعدي معاي د شنو مزعجه د وعليك الله اقطعي علاقتك معاي..
سوكه بقت تضحك قالت ليها د منو الزعلك؟ وخلاك تعتزري ليه؟ قالت ليييها وهي بتمتم من الغضب الولد الفي الجامعه..
قالت ليها اجييي ولقتيه وين؟!
قالت ليها في الماسنجر وعلق على صورتنا وانا عرفتو من البرو وخشيت شاكلتو وقال لي انتي منو قلت ليه انا في البت الجامعه وهناي اتكلم معاي بطريقه خلتني اعتزر ليه بدون م اشعر حرفيييييا انا غبيه لي اعتزر ليه احييييييا د شنو يخ انا عويره يخ..
سوكه بقت تضحك وقالت ليها جيبي التلفون قرت الرسايل بيناتهم قالت ليها خلاك تفصلي لكن بالجد هو عاقل عاقل ولا مطلق..
قالت ليها م وقتك ي سوكه ..
اثناء م رهف وسوكهه بتشاكلو الجرس ضرب..
رهف مشت فتحت الباب اول م فتحت الباب بقت بتعاين وهي مخلوعه...
___________🦋!
في مكان اخر..
_عاين ي مان الزول د لازم يموت..
= متأكد نقتلو عديل بس شراكتنا معاهم ح تنتهي...
_ ماف خيار تاني غير يموت الزول د كشفنا وعرف اللعبه وانا م عارف سبب سكوتو شنو بس واضح انو عرف عشان كد لازم نتخلص منو وبعدين ماف زول ح يعرف انو نحن القتلناه عشان كد الشراكه حتكون قايمه. ..
= تم..
____________🦋!
وقفتها وهي مخلوعه وم قادره تتحرك وعيونها الاتملت دموع خلتو يندفع ليها ويحضنها بكل م عندو من قوه كانت بتبكي وماسكه في اكتافو وبتقول ليه بصوت مرتجف متقطع اشتقت،، غبت عني خمسه سنه نسيتني؟؟؟؟ رد ليها بحنان كيف انساك اسكتي يهبله فكتو لمن وعت ع نفسها وعلى القالتو،، عاينت قدامها لقت مره واقفه وراهو سلمت عليها بكل برود الدنيا،، اشاحت النظر عنها وحضنت الاطفال الشايلاهم بقت تحضن فيهم وهي بتسلم ع سوار بجاي وسارة بتجري بتمسكها بجي لحدي م مسكتهم الاتنين وبقت تبكي "العمة الحنينة رزق يخوانا" ..
سوكهه عشان تدارك موقف رهف العملتو لايلاف بقت تكورك باعلى صوت،، مازننننن يمفتري مشتاقين شديد شنو كل يوم زايد حلاوة ومالا ايلاف د بقت سمحة كد،، قال ليها يحقت خالد والله م مفتري،، وبعدين من يومي سمح،، ويالاف عشان مرتي،، قالت ليه هسسس حقت خالد فعينك غياز د ايلاف بقت تضحك عشان تجامل سوكة بس هي اتضايقت شديد من موقف رهف سوكة حضنتها،، ومسكت رهف الكانت بتبكي بحرقه،، كانت دموع فرح ودموع وجع واشتياق ايلاف قالت تخفف عن رهف حبة وقالت ليها،، رهف خلص هندا اخوك البتحبيه وجا بتبكي لي،، حمرت ليها وقالت ليها م شغلتك،، سوكهه قالت لايلاف خلص خليها العويرة د مازن ربت على كتف ايلاف وهزا ليها راسو بمعني معليش وساق رهف ودخل بيها الغرفه..
سوكة صحبت مازن يمكن اكتر من رهف زاتو،، قبل م يسافر كان دايما بتحكي ليه مشاكلها مع خالد للعلم هي بتعرف خالد من عمرها 10سنة،،فمازن بوعيها وكد ومرات بهدد خالد بدون سوكة م تعرف ويخليه يجي يعتزر لسوكة حقير يخ،،يمكن مازن كان كمان اخو سوكة زي م اخو رهف..
___________🦋!!
وقف قدامو ونظراتو بتعاتب فيه وكأنها بتقول ليه بتجي وم بتوريني م اداه فرصه وحضنو كمان وقال ليه ي مفتري اشتقنا يخ،،
قال ليه المشتاق بسأل وبوري انو جاي
! قال ليه ي مان يعني انت اسي زعلان مني
قال ليه ابدا
قال ليه انت م فاهم انا مبقدر ع زعلك يخ اسف وكنت عايز اعمل مفأجاة يعني خلاص حس بي رفيف بقت تضحك وهو كمان بقى بضحك قال ليه طيب م تبكي عمار رد ليه اها مف مزه بجاي ولا بجاي قال ليه
قمناا تاني للتشغيلات جيت متين انت
رد لو م شغلها ليك اخوك البشغلها ليك منو بعدين م تتهرب
قال ليه م بتهرب ويلا طير قدامي عازمك غدا مع انك م بتستاهل..
جات رفيف وقالت ليهم ي عمار وسامر يعني بالجد ماشين وم سايقني
سامر قال ليها م متزكرك بس مدام طلعتي يلا..
عمار قال ليه لا تمشي وين انا جاي من سفر وعندي هدوم وسخانه تمشي تغسلها
قالت ليه خدامه ابوك انا غسل براك يغسل كلاك
قال ليها لا حولا يخ سكتت اطلعي سريع..
____________🦋".
!
سانحتي انت ام واقعي المرير،، مورفيني الذي يتسرب بقوة إلى جميع أجزاء جسدي،، فلا هو سم قاتل ولا حياة ارجوانية،، فلتبقى لروحي روح ولقلبي وطن ولتناقضي ترتيب
. BY:SAMAH-MOHAMMED🫀.
