كانت تطبطب على رأسها وتهمس إيلام إنتي كويسة صح؟ انا اسفة انتي عارفة شغلي وعارفة رهاني مع ابوك إيلام م قصدي اهملك إيلام اصحي.
وضعت يدها على يد ابنتها وهي تتألم لألمها،، حركت إيلام يدها واصبحت تحرك جفونها بصعوبة لكي تفتح عيناها الى أن استطاعت رؤية وجه والدتها وقالت بصوت مرتجف،، امي خلاص م تبكي انا كويسة وانا اساسا عارفة اي شي يعني No problem.قالت ليها طيب ح اوعدك دايما ح اكون جمبك ود آخر مرة ردت I know it وبحبك.
طلعت من غرفت بنتها وهي خسرانة الرهان مع راجلها وكسبانة بنتها ومف ربح زي صحة بنتها اتصلت لي عم إيلام عشان تلفون راجلها م خش رد من اول جرس قالت ليه عباس قال ليها اسي كنت عايز اتصل ليك لازم تنزلو السودان انتي وإيلام الاسبوع الجاي واسي مشغول بعدين بوريك بالتفاصيل يلا مع السلامة.
استغربت وقلبها اكلها ع راجلها وقالت هو متين عباس نزل السودان زاتو رجعت اتصلت بي راجلها ورد.
محمد ايوا يا صباح لازم ننزل السودان الاسبوع الجاي..
قالت ليه دقيقة طيب عايزة اقول ليك قال ليها بعدين في البيت يلا سلام.
"هي المتصلة ع الاقلل اسمعها استغفرالله"
_______________🦋"..
سوار وسارة كانو جايطين شديد شافو عمو شايل حلاوة قطن بقو يبكو يعني عايزين،، قلت اسوقهم العبهم وكد ح اخلي مازن وايلاف ياخدو راحتهم حبة،، شلت سارة ومسكت سوار من يدو وبقينا ماشين اكلتهم غزل البنات ورركبتهم لعبت االوز البكون بدور براحة د وانا واقفة وبعاين ليهم جا واحد وضربني فكتفي عاينت ليه لقيتو هو. زاتو ياه الولد النبذني اليوم داك وخش لي ماسنجر واعتذرت ليه نفس الولد الرسلت ليه لمن كنت مضايقة وسفهني وتاني جا اعتذر لي وبقى يتونس معاي وطمني شديد مندون م يعرف انا مالي لقيتو بعاين لي وبرفع يدينو نظام عرفتيني قلت ليه عماررر قال لي قلبو والله،، اشتقنا يمزة والله🫂قلت ليه حرمممم كتييير وينك مختفي كد؟ قال لي قاعد! وعارفة اللبس الواسع فيك حلو شديد والحجاب بسم الله م شاء ماخد منك ح اخطبك،، قلت ليه مخطووبة،، قال لي قلبي انكسر حبي اتنثر قلت ليه تعبان اعيش انا والانين مجبور اشوف مر السنين بقى يغني معاي بعد انتهينا قال لي صوتك حلو عديل كد قلت ليه م احلى منك،، قال لي انبراش؟ قلت ليه factم انبراش*قال احبك قلت ليه انا أكتر،، قال لي عرسنا قلت ليه القى زيك وين تاني قال لي حمممم،، جاه اتصال قال لي دقيقة بس ابوي بتصل رد ليه في الاول كان بعديها قال ليه شنووو؟؟؟؟؟؟ متين ولي؟؟؟؟؟ طيب طيب بعد اخلص بجيك!!! جا وملامحو متغيرةةة شديد عن قبل شوية كان مضايق شديد قلت ليه مالك؟ قال لي تعبت يرهف تعبت من ابوي د كيف يعني يخطب لي وانا معارف وكمان بحجز البيت يرهف م كد ي الله قلت ليه اهدا اي شي بتحلى بالهدواة معليش وبعدين شوف فهم ابوك ووريه فهمك وامشي اسي استمتع بالجو والرحلة د وارجع البيت لهمك اتعلم دايما عيش اللحظة،، قال لي حاضر يلا نتلاقى وح اسمع اي حرف قلتيه،، ابتسمت ليه ومشى...
