_عمار؟
=ايوا.
_تعال في مطعم **.
=اسي د وقتو؟.
_بططللل وتعال سريع..
لبست اقرب عباية واتصلت بسوكة وقالت لي نفس القالتو لعمار..
م هي الا خمسة دقايق وطلعت الظلط،، وصلت المطعم لانو اصلا قريب منهم في حجزت طاولة وقعدت فيها بعد نص ساعة سوكة جات.
_رهفف يعني شايفة د وقت مطعم؟.
=سوكة اسكتي يخ..
_رهف لو فاكرة الاكل ح ينسيني خالد تبقي غبية وم صحبتي وعمرك م فهمتيني يعني اسي جايباني مطعم! رهف م ممكن برودك د رهف حياتي بتدمر،، بقت تبكي،، رهف عاينت ليها ومسكت راسها من غباء سوكة في نفس الدقيقه شافت عمار جا داخل اشرت ليه وجا قالت ليه اتفضل.. سوكة قالت ليها د منو؟رهف ردت اصبري..
هاي انا رهف وانتو العرسان،، سوكة د عمار،، عمار د مناسك..
عمار اتصدم وكمان مناسك..
سوكة:انت عمار يعني؟.
عمار:انتي سوكة؟.
رهف: يجماعة خلاص عرفتكم ببعض تاني في شنو خلاص بطلو كلام كتير اسي نحن عايزين حل للموضوع د،،لانو اي واحد فيكم خاتي زول في راسو،، واستحالة تعرسو وانتو م بتحبو بعض،، بعيداً عن اي شي عمار انت عايز منو؟عمار بقى يعاين لرهف قال ليها يعني سوكة م عايزاني! قالت ليه سوكة د قصتها طويلة خليني منها انت عايز منو؟ قال ليها بت عمي..
رهف :اسمها منو؟
عمار:يارا!.
رهف :يارا اسمها حلو عاين لي هي ساكنة وين وقدر شنو عشان عايزنها معانا في الخطة د!
عمار:قدركم ويوم جيت الجامعة حقتكم كنت جاياها!
رهف:اسمها يارا منو؟.
عمار: يارا عثمان..
رهف وسوكة شالوها معبعض :م بصدق.
عمار بقي مخلوع قالو ليهم بتعرفوها؟!.
سوكة: اي صحبتنا شديد وجارت ناس رهف!
رهف :اي قاعدة مع خالتها!.
عمار:اي ياها،، مهم د هي،،الدنيا د ضيقة شديد..
رهف :فعلاً،، مهم لو كد محلولة..
رهف مسكت التلفون واتصلت بيارا..
رهف:يارا؟
يارا:ايوا يحبيبي رهف!
رهف :فاضية؟.
يارا:قاعدة سايييي مالك جاياني؟.
رهف:لا عايزاك تجيني في مطعم*
يارا: عازماني؟؟؟ انتي كويسة!
رهف : م وقت هظارك سريييع يخخ الموضوع ضروري.
يارا :طيب اقفلي خمسة دقايق..
في اللحظة د خالد جا المطعم وكمان رهف اشرت ليه((اشارة مرور بقت بس..)).
خالد جا قعد ومستغرب قال لي رهف قي شنو ود منو؟ د ولد المرة الفاتت تاني سألك؟. وسوكة الجابها شنو؟؟
عمار رد ليها برضو د شنو وفشنو؟
سوكة كمان رهف عايزة تعملي شنو؟؟
رهففف::اسكتووووووووو منييي كلكم خلو يارا تجي وبفهمكم اي شيييييي ديل شنو!!!..
___________🦋"..
في عالم موازي لكل شئ كان يفكر بمصيره المحتم،، الموت كان الطريق الوحيد الذي يراه،، تمنى لو عاد الزمن قليلاً وما اكتشف،، ما اكتشف!
كان بفكر شديد ح يعمل شنو؟ لقى ماف حل غير دكتور عمر ابوه بس قال معايز ادخل ابوي في امور زي د فاكتفى بانو يسكت ويلم خشمو عليه..
عاين لساعتو وقال لي ايلاف!
_ايلاف جيبي لي موية.
=حاضر يعيوني.
ايلاف طلعت من الغرفة،،في نفس الوقت دخلت إمرأة ظاهر عليها كبر السن كانت متكيئة على العصاية وبتمشي براحة جات على مازن ودموعها مالين خدودها كأنها بشوفتو شافت بتها االشالها الزمن،، حضنت مازن شديد مازن بقى يبكي معاها وكأنو شم ريحة امو،، قالت ليه يوليدي سجمي مالك؟ يعملو ليك عملية وانا اخر من يخبروه؟..
_حبوبة اهدي ياخ والله انا كويس..
=كرعليييي يوليدي وبقت تبكي.
_مالك بقيتي سمحة كد؟
عاينت ليه ولقتو بضحك كانت شقاوتو نفس شقاوة امو بالظبط،، خلاها تضحك وهي بتبكي.
=من ولدوني سمحة السماحة د عاد حقتنا،، اخيتك كيف؟
_كويسة والله.
=يوليدي نفسي احضنها واشوفها حقيقة،، متين انتو ح توروها!
_حبوبة لمن يجي الزمن المناسب.
=الله يهون يوليدي.
____________🦋".
_عمر؟
=ايوا ينور.
_رهف وين اسي؟
=قاعدة في الشقة!
_وبراها؟؟؟؟؟؟
=اي ي نور في شنو؟؟؟؟
_لا لكن بتك د يخ م تقعد براها.
=عايني بخشمك قلتي بتي فلذلك م ليك دعوة كفاية المرة الفاتت تربيتي وانا واثق فيها عشان كد اطلعي منها وما ليك اي دخل برهف فاهمة،، عليك ببتك رندة ولو جبتي سيرتها ع لسانك تاني م ح يحصل خير وقفل الخط في وشها...
بقت تعاين لبتها ومصدومة من ردة فعل راجلها ولي فجأة قلب عليها..
_رندة؟.
= ايوة ي امي.
_عمر م خلا لي خيار غير القتل والله!
= انا قلت ليك..
_وانا ح اسمع كلامك.
______________🦋"..
سأنفرد في الظلام ولن اهاب ألست أنت من علمني الوهنسأعبر ذاك الطريق المكتظ بالسيارات فأنت الذي لم تتجاوز معي مخاوفي،، كنت أود انا اتشبث بيدك واحارب الأشياء التي ترعبني كنت أريدك أن تقف بجانبي لأعبر هذا المنتصف المميت،، فلم تعد ذكراك دافع قوي لإسقاط دموعي،، ولم يعد طيفك يبعث لي الطمأنينة كما كان،، فاللهم حلالا يشبه عطاءك امنياتي باتت مستحيلة. By:Samah-Mohammed🫀.
