وانا راقد في مكتبي جوني اولاد عمي واصحابهم وقالو لي الا نتطلع نتعشى برة قلت ليهم دوامي بنتهي 2ونص صباحا قالو لي بننتظرك طلعو خلوني،، وبقيت شغال وبفحص في المرضى ،، وانا في استطالعي للمستشفى جابو طفلة عمرها زي 10 سنة بتنزف شديد واهلها ببكو سألتهم ف شنو؟!!! قالو لي اغتصاب انا بدون م احس قعدت في الكرسي حقي،، وقلت لي اقرب دكتور دخلها وووقفو النزيف مشيت مكتبي والدنيا ضلمت ف وشي م عارف حسيت بذنب كبير حسيت بثقل في صدري رقدت على درج المكتب كالمعتاد الساعة كانت 2 ونص بالظبط اولاد عمي جو داخلين وقالو لي يلا دوامك خلص ضميري بقول لي امشي شوف حالتها بقت كيف بس قلبي مانعني وفي خوف! ود عمي محمد قال لي مالك انت؟! قلت ليه ولا شي قال لي متأكد؟! قلت ليه اي قال لي طيب يلا مرقنا وركبنا عربيتي ونحن ف الشارع وبنتونس نور العربية دقا على بت كانت واقعة في الارض محمد رفعاها وانا اتغظت شديد من انها كيف تمرق زي الوقت د مع انو م بعرفها بس اتكلمت معاها،، وبعديها واصلنا طريقنا وتأنيب الضمير من موقف المستشفى م عايز يسيبني.
يمكن م دخلي في الموضوع ولا اساسا انا السبب،، بس كان لابد ان يصيبني الالم،، كان لازم احس،، وكان لازم اتوجع،، يمكن د البحصل كل م تجييني اصابة زي د،،هل واقع الذنب علي ولا على الزمن؟والسؤال انا الفاعل ولا المفعول به!.
______________!
هو ناسي العملو يعني؟! ناسي العملو قبل 10 سنة لحق ينسى وكمان انا الحميتو،، انا الضاريت ليه انا الوقفت معاه،،بطردني انا من الشغل طيب ح اوريه عشان دائما بسكت ليه هه تاني مين الحايسكت ليه ح اوريه انا منو وح يشوف وحيندم.
__!
مشيت ليارا وشلت الشيت وانا برجف سألتني اذا انا كويسة رديت ليه اي بس راسي لافي من القراية قالت لي نومي لانو كد كتير واصلا المحاضرة بدري قلت ليه طيب،، وصلت شقتنا وكرعيني يداب شايلني،، دخلت غرفتي ورقدت م جاني نوم،، والشيت م قدرت ارجعو كنت برجف بس،، بباقي حيلي د قمت استحميت واتوضيت وصليت الصبح حاضر،،، شوية حسيت براحة بس خوفي من الكلاب م بيلحق خوفي لمن سمعت صوت الولد،، وكلامو الخش قلبي وكسرو،، كأنو بعرفو النبرات م غريبة علي،،، مشيت صحيت مناسك قلت ليها سوكه قومي ابت تقوم،، خشيت المطبخ عملت الشاي الساعة كانت 5 وكان في كيك ختيتهم ومشيت رشيت ف مناسك موية عشان تصحى لانو انا خلاص فاض بي منها قالت لي الله يقتلك الناس بصحو باحضان وكلام حلو انا بصحى بجردل مويه باردة ف وشي ي الله عرس لي قلت ليها خلي خالد يشد حيلو ويجي يعرسك قالت لي لفي اصلا جاييني خلودي راجلي د قلت ليها خلص م تفصلي قومي اجهزي الليلة الامتحان قامت استحمت ولبست عباية ،، وانا لبست هاي نيك رمادي،، وبوي فريند ابيض والطرحة بيضا في رقبتي وفاكة شعري مقعد اعمل مكيب مسكت الشيت وبقيت بقرأ مناسك لبست وقالت لي سجمنا الساعة 6ونص والامتحانات 7 ونص قلت ليها نص ساعة بتوصلنا اشربي الشاي د قالت لي مدايرة ورح بطني طمت قلت ليها غريبة بس يلا.
