صعب شديد في القيادة متهور بطريقة عجيبة وعصبي بطريقة تحير قرب يصدم العربية بس فكسر من الثانيه داس الفرامل وطلع من حادث الهلاك عاينت ليه وبقت تتكلم معاه بمياصتها المعتادة :سامر يخ خلي بالك وانتي م براك معاك انا وبعدين يعني انتي بتسوق كد ح اكلم بابا يسحب منك الرخصة لو م بقيت تسوق زي الناس،، عاين ليها بطرف عينو ولا كأنو بتتكلم..
كان برودو وتجاهلو ليها ح يقتلها خصوصا هي بتحبو من كانت شافعة ومقادرة تنساه ولا تبعد ولا تقرب كانت نيتها زي م فيها حب فيها خبث اكتر..
وصلو الحديقة ولقو العيلة كلها وصلت لمار لقت ابوها وبقت تقول ليه بابا يخ،، قال ليها مالك؟ قالت ليه ممكن نتكلم برانا قال ليها:حاضر العيلة كلها بقت متحيرة وبتعاين بس..
عمار قال لسامر انت يسامر م شايف نفسك ماشي تكبر وبعدين العيلة نفسها تفرح شوية م ناوي تفرحهم؟ قال ليه فرحهم انت مدام ماكل همهم كد،، قال ليه سكتت والله وغلطان حرممم غلطان معافي ليك حق جبهتي الدايما بطيرها لي واي يخ،، رد ليه واي يكبير ارجل شوية يخ، عمار قال ليه خليت اي شي وبقيت تشكك في رجولتي خلاص اختاني،، قال ليه طيب طيب.
___🦋"..
الهدوء كان مسيطر ع الجو واي زول بحاول يفتح موضوع بس السكوت تلقائي رهف عاينت لمازن وقالت ليه ركب حزام الأمان م ممكن معاك كم مرة ورينك لمن تسوق ركب حزام الامااااانننن وانت راكب عرفنا م بتركبو بس كمان وانت سايقققق م ممكن معاك ولا اهمالك يخ وانتي ي ايلاف م تتكلمي معاه مش مفروض تحذيرو اسي لو حصل حادث واي لا قدر الله..
مازن بقى بضحكك شديد لمن دمع ورهف بتعاين ليه ومستغربة قال ليها والله ي رهف اشتقت ليككك شديد اشتقت لاختي البتخاف علي وحافظة اقل تفصيل عني يخ بحبك عارفة فقدك قدر شنو؟ قدر الدنيا وم فيها طيب عارفة كنت بعاني من دونك كيف نفس المعناة من دونك لانو مف شي اصعب من د رهف بقت تبكي قالت ليه م انت بس انا كمان تعبت من دونك انا كنت عايزة اخوي الوحيد والبحبو كنت عايزاك جمبي فكل فتراتي الفاتو والجاياات مازن م تخليني،، قال ليها عمري م خليتك ولا ح اخليك وياني ماسك فيك قوي.
ايلاف بقت تعاين ليهم وبتبكي بتبكي من الفرحة واخيرراااا الاخوان الكانو اكتر من اخوان رجعو.
____🦋"..
فمطعم فخم في طاولة مكونة من زوج من الكراسي كان يجلس وينتظر فريسته التي سوف تكسبه صفقات عديدة.
عاين للساعة وعاين لباب المطعم وشافو كان في كميه من الفرح فعينو قام ومشى عليه وسلم عليه بحرارة كد قال ليه الاخبار يخ طولت منك قلت بقيت عجوز واجي القاك لسة شاب.
رد ليه شاب شنو والله الدهر اكل مني وشرب.
قال ليه م ناوي تعرس قال ليه هو سلمى بعرسو فيها؟
قال ليه والله م ببتتنى قال ليه اي والله مرة اصل وفصل،، ورفيدة كيفها قال ليه كويسة والله بس كبرت وبقت نقناقة اكتر قاليه حرم كلهن عندهن النقنة د كما نقنقن يعرفوهن بنات حواء كيفن،، قال ليه صدقت.
اخدتو ونستهم وفنص الكلام عباس قال والله ي ابراهيم انا عايزة لولدي بت مهذبة وبت ناس وبعدين بنات الزمن ديل م منهم ضمان يعني م بعرف بت لولدي الا اكون بعرفها او دارسها اها بون مقدمات كدي انا عايز يد بتك مناسك لولدي عمار قال ليه ابشرر حرمم وانا القى زي عمار وين راجل وسيد رجال قامو سلمو على بعض تاني وقعدو وبقو يتناقشو يكلمو الاولاد وتاني يتكلمو فموضوع الخطوبة..
___🦋"..
In the past.
حملت حقيبتها وأسرعت بالذهاب الى بيتها الاول بيت والدتها،، التي اعادت ان تجد فيه كل م تفتقده من حنان وامان وحتى اطمئنان،، وجدت والدتها تسقي في ثمارها وقعت نظرات الام على الحقيبة وعلى كحل بنتها الذي اسودت به هالتها نظرت الى انتفاخ اجفانها جاء فراسها ذلك التوقع ولكن حاولت ان تنفيه اتتها ابنتها راكدة لتحتمي بحضنها كان تبكي بحرقة اخبرتها وهي بالكاد تتحدث من البكا: طلقنيييي ي امي طلقنيييي،، لقد تأكدت من ذلك التوقع تمنت لو كان محض خيال ولكنه الواقع اللعين الذي كان عليها توقعه اجابت: كيف يعني طيب وينو مؤيد؟ بقت تبكي وتقول شالوووو شال ولدي يخخخ مقادرة انا عايزة ولدييييي ي امي عرسس فيني،، عرسس فيني انا قصرت معاه فشنو ي امي ولا كانو فيوم كان بحبني كان بعاين لي بكل برود الدنيا وبقول لي طالق ولا كانو فيوم جرا بوراي عشان اوافق عليه امييييي اتخدعت فاكتر انسان كنت بحبو امي كسرة النفس من البنحبهم صعبة امي ي امي اعمل شنو،، كانت بتبكي وبتبكي فامها قالت ليها ولدك بجيك واصلا هو م مستاهلك انتي اصبري بس كلو بهون يبنيتي،،، كانت حاضناها وبتحسسها بالامان الفقدتو..
___🦋".
كان مسرع شديد،، وقف العربية ونزل وقف وهو بعاين للعماره وخاتي يدو في راسو وبحرك في خشمو عشان يسيطر على الغضب،، وصل للشقة دق الجرس ماف زول فتح،، اتزكر انو شايل نسخة المفتاح معاه فتح الشقة وخش لقى ماف اي زول في البيت،، جرا ع غرفتها ولقاها ماف،، خش المطبخ كمان ولقاها ماف،، عاين للزمن وهو مخلوع لقى الساعة10يعني الساعة عشرة ماف زول؟ح تكون مشت وين والشكوك بدت تحوم في راسو اتصل بتلفونها عشان يهدي نفسو بس في الاول دخل وتاني التلفون بقى مغلق!...
وهنا افتكر انو كل شكوكو بقت حقيقة رمى التلفون في الارض بكل قوة وقال يخسارة التربية..
____________🦋"..
متناقضين حقا،، لسنا بذلك النقاء السماوي،، ولا السواد الأدهمي،، لسنا ببياض ملائكي،، ولسنا بخبث شيطاني،، لسنا ملوثين بالأخطاء،، ولا الخطأ محسوم عنا،، نفعل م تميل إليه أنفسنا ولو كان مهلك،، فأنفسنا أمارة بالسوء،،نتخطى ما يمس كرامتنا،، فكرامتنا تعلو على مهاترات الحب،، شي من هذا وقليل من ذاك،، أنت ذلك الشخص المريض المختلط كنا في نظر الاخرين،، والاخر يرى شخصاً متعافي،، متجانس،، متماسك.
By:Samah-Mohammed🫀.
