دائما غاطسة في دوامة التفكير وهي تكاد تبتلعني".
اخدت شهيق والنفس ي الله بيتاخد لي بعديها عملت زفير بمعنى التفتيش عن الراحة وانتظام التنفس تهدئة روحية،، رقدت على شنطتي وبديت ابكي،، يمكن دموعي هلكو وعلى وشك الحصيلة حقتهم تخلص استنزفت كتير،، الاسئلة م عايزة تفارقني اتزاحمت لحدي م الصداع بدا يسيطر ع الوضع هل انا كده يربي انا؟ هل بستاهل كل د؟ طيب عشان شنو؟ عملت شنو؟ صح انا م مربيه؟!!! ودقيقه لي المجتمع د بقيم الزول بخاريجاتو والشكلياات حقتو لي؟! لي دائما البت مجتهضة في مجتمعنا دائما،، مسحت دموعي لمن شفت خالد وسوكه جاين علي سوكه قالت لي رهف قلت ليها ايوا قالت لي كويسه قلت ليها اي قالت لي طيب يلا نرجع قلت ليها يلا خالد وصلنا لحدي البيت نزلت وانا لسه غايسة في دوامة التفكير.
خشيت استحميت يمكن بسموني الضفدعة لانو كل دقيقتين بستحمى كأنو مولودة في حمام،، سارحه في مشاكلي في همومي في حاجاتي البتستاهل والما بتستاهل،، سوكه قالت لي يبت قلت ليها بخلعة ف شنو قالت لي بسم الله،، تعالي شوفي د قلت ليها شنو؟ جرتني مشيت وراها واذا بي اتفاجأ بالمنظر،، عن الورود الكانت مزينة الغرفة بطريقة خلتني احس اني في الحديقة السرية ولا عن الاغنية الهادية الاتشغلت البعثت السكينة جواي ولا عن الديكور الجديد ولا عن التورتة الحسستني انو د عرسي،، قلت ليها والكلام يداب بطلع د شنو قالت لي عملتهم ليك بمناسبه اشتغلتي كويس،، فانجوي حبيبي قلت ليها يبت انتي معندك موضوع،، قالت لي استاهل عايني للكيكه د لقيتها بالكاكاو والجوز هند قلت ليها واييي يسوكه بحبك قالت مور بيب قلت ليها وااااااي كمان كاوكاو بحبو،، بقيت باكل وسوكه بتعاين لي وبتضحك بعديها شغلت المسجل لاعلى صوت وبقت ترقص وتتعاور صوت المزيكا كان شاقي العماره كلها،، سوكه قالت لي يلا نتصور اتصورنا واتعولقنا بعديها مشيت استحميت تاني اانو اتمليت شوكلاته بعد استحميت لقيت سوكا نضفت الاوضه والبيت وراقده فتلفونها بعد شويه فتحت الواتس لقيت سوكا رافعاني استيت وكاتبه ((H. B. Dحبيبي كل سنه وانتي معاي واختي وبستي واي شي حلو فحياتي كل سنه وانتي الحياه لحياتي والروح لروحي والقلب لقلبي وكل سنه وانتي اقرب المقربين لي واحلى حاجه حصلت لي كل سنه وانتي اختي الماولدتها امي وامي الماولدتني واخوي العصبي المجنون وانثتي الرقيقه شديد كل سنه وانتي الحاجات الحلوه والطاقات الايجابيه بالنسبه لي بحبك يحتة مني)) وخاته فيديهاتي وانا بتعاور وقالت م عارفه الليله عيد ميلادها وكاتبه شعر ومصممه لي فيديوهات،، مشيت ليها في الغرفه التاني وحضنتها شديد وبكيييت يخ بالجد هي نعمه كبيره من ربنا هي الوحيد البتحاول تفرحني،، هي الوحدة البتنشلني من عز الهموم لراحتها يمكن ربنا م رزقني باخت تحبني بس هي قدرت تاخد مكان اختي وامي هي قدرت تعوض الفراغ الجواي هي الاتقبلتني زي م انا،، قلت ليها سوكه قالت لي خنقتيني بلا سوكه معاك وطلعت لي كرتونه وادتني ليها فتحتها لقيتو سلسل فضة منحوت فيه اسمي،، قلت ليها سوكة انتي قلبي وبس،، سوكه عملتيها كيف واي ي سوكه قالت لي اتهني عندي كم رهف انا افوووو م اعزك وافرحك الا انا بقيت بضحك وببكي يخ بالجد فرحت شديد ونسيت اي شي رفعت منشور في الفيس فيه الصور الكيكة والهدية ومنشت سوكة وكتبت حبيبي دايماً وابدا،، رد لي ولد قال لي يخليها ليك قلت ليه امين،، ركزت في البرو حقو وفتحت صفحتو لقيتو نفس الولد النبذني في الجامعه،، الزعل والحماس للمشاكل رجع واذا بي حاذفة كومنت امين وكتبت ليه لا دقيقه مدخلك م تعلق على منشوراتي قال لي مالك بسم الله قلت ليه هسسسس بتنبذ الناس على ياتو اساس وانت منو اصلا واحد تاف* واصلا بتعاين لبنات الناس لي،، قال لي بسم الله مالك انتي منو قلت ليه ولا شي اختاني بس،، خش لي خاص قال لي مشكلتك شنو قلت ليه انا البت النبذتها قبيل لمن كنت ف جامعة**.
_____________!
من مطار أمريكا الى مطار الإمارات العربية المتحددة،، ومن ثم مطار العاصمة الخرطوم كانت الرحلة!.
الرحلة السابعة والثمانون هل هي رحلته الاخيرة؟ الخوف من الموت؟ مواجهة المواخف هو الحل؟ ام مواجهة الاحبة!
_مازن؟ انت كويس صح؟!
=ايلاف انا تمام م تشغلي بالك!.
_مازن انت ليك كم يوم معبعضك!
=ي الله،، سوار د نام؟.
_اي شكلو زي ابوه بنوم في اي زمن واي مكان!
=د لمن م كان عندي هم!
_اسي يمازن ح نصل متين؟.
=بعد بكرة غبية يلا اسي عايز انوم!
اتكل في كرسي الطيارة،، وهو بفكر،، التفكير ح يخليه وين؟ عموما ماشي يخاطر بحياتو،، عاين لمرتو واولادو،، واتزكر انو للحظة ممكن يخسروه،، خلى اي شي ع ربو واستغفر واستسلم للواقع للنعاس ونام!
_______________
يمكن نمنا بعد الصبح بعد الحوامة والعشا مع اولاد عمي الجنهم قلتدب،، جا صحاني ود عمي محمد قال لي ي متخلف د كلو نوم قلت ليه انت شايف شنو؟؟ قال لي عاين قوم بعد د!! قلت ليه ولو ابيت؟! قال لي الفطور بفوتك قلت ليه معايز فطوري بجي دليفري قال لي طيب قلت ليه يلا قد مشي مني كملت نومي.
صحيت زي الساعه ٢ على صوت بت بتقول لي صحي النوم يجميل، قلت ليها الجابك شنو قالت لي لو مهتم كان عرفت! قلت ليها وانا بمسح في عيوني ي الله حركات ايمان الشريف د شنو؟ قالت لي خلي المساخة جيت مع عمار! قلت ليها عمار جا؟؟؟ قالت ليه اي قمت من سريري وانا ماشي ع الدولاب قلت ليها جا متين ؟! قالت لي جا من امبارح !!!
الغضب سيطر عليه،، بس البرود كان البطل،، ملامحو م بينت اي شي،، رسم ابتسامة خفيفه لرفيف وقال ليها حمد ع السلامة قالت ليه عفكرة منتظرك برة قال ليها طيب...
عمار وما ادراك ما عمار...
______________".
كإدماني لكوب قهوتي،، ،كالوقوف على شرفة أقابل فيها انعكاسك،، كاللون الأزرق،، و كروزنامتي،،ادمنتك. فما أنت إلا دعواي الصادقة وروتيني الذي لا يمل.
By:Samah-Mohammed🫀.
