الفصل الأول
مع شروق الشمس ومع سماع صوت زقزقه العصافير مع بدايه يوم
نري فتاه جميله تقف في شباك المنزل وترتشف من فنجان قهوتها بهدوء وتنظر علي الاطفال وهم ذاهبون للمدرسه وخاصه الاطفال الصغار فنعم اليوم هو بدايه عام دراسي جديد ....
###: ياسمييييين انتي يازفته
ياسمين : ياحلاوه نسيت اصحي أمجد
أمجد: مصحتنيش ليه ياحيوانه والله مانا سايبك
ياسمين وهي تجري أمامه : استني بس هفهمك
أمجد : تفهميني ايه الله يخربيتك عندي اجتماع مهم النهارده لو اتاخرت هتنفخ منك لله
ياسمين : طب بدل ماتقعد تجري ورايا روح البس ياعم
أمجد وهو يهرول إلي غرفته: ماشي بس لما اجي هنفخك
الأب: صباح الخير ياياسمينا
ياسمين : صباح الفل يابابا
الاب : اخوكي بيزعق ليه علي الصبح
ياسمين : مفيش يابابا متعصب علشان مصحيتوش وهو عندو اجتماع مهم مش محتاجه عصبيه يعني
الأب وهو يضحك : هههههههه الله يجازي شيطانك يايبنتي
ياسمين: اقعد هنا ياحبيبي علي ماجهزلك الفطار
الاب: النهارده اول يوم كليه مش ناويه تروحي ولا ايه ياكسوله
ياسمين وهي تمشي في اتجاه المطبخ : متقلقش لسه بدري ياحجوج
(ستوووووب نتعرف علي العيله القمر دي
بطلتنا ياسمين المحمدي: فتاه في ١٨ من عمرها في الصف الاول الجامعي التحقت بكليه اداره الاعمال فتاه ذات جمال متوسط تتميز بالعيون البنيه وذات بشره بيضاء تتميز بطول قامتها وحسها الفكاهي والشعر الاسود و يزينه حجابها
أمجد المحمدي : شاب في نهايه عقده الثاني ذو البشره القمحيه والعيون الخضراء كعين والده ولحيه خفيفه تعطيه مظهر جذاب ويتميز ببنيته الجسديه يعمل كظابط في امن الدوله ويتميز بجديته وصرامته في العمل
المحمدي : رجل في عقده الخامس يتميز يعيونه الخضراء وشعره الابيض الذي يعطيه هيبه ووقار وهو والد كلا من ياسمين وامجد )
*******************************************
نذهب لمكان اشبه بالقصر يتميز بالفخامه وذات ذوق رفيع
الداده : مروان بيه اصحي يابني هتتاخر
مروان: صباح الخير ياداده
الداده : صباح النور يابيه احضرلك الفطار علي ماتاخد دش وتفوق
مروان : ماشي توتا صحيت
الداده : ايوه صحيتها وجتلك علطول عن اذنك
مروان : ماشي ياداده
( مروان البدري شاب في منتصف عقده الثاني يتميز بعيونه الزرقاء الصافيه وشعره الاسود والبشره البيضاء ذو لحيه تعطيه الوقار وذو بنيه جسديه اجل ولما لا فانه يعمل في أمن الدوله وهي مهنه تحتاج للياقه بدنيه )
نزل مروان بعد ما اخذ حمام دافئ وابدل ملابسه وتوجه ناحيه السفره ليري حبيبته ونصفه الاخر " تولين " اخته
مروان : صباح الفل ياتوتا
تولين: صباح النور يا ابيه
مروان : محتاجه اي حاجه لزوم الدراسه
تولين : لا يا ابيه مجهزه كل حاجه
مروان : عمي شكري السواق هيوديكي ويجيبك تخلصي محاضراتك وتيجي علي طول ومتكلميش حد متعرفهيوش
تولين : حاضر يا ابيه عن اذنك
( تولين البدري اخت مروان فتاه في ١٨ من عمرها ذات الاعين الزرقاء والبشره البيضاء متوسطه القامه ذو جسد ممشوق التحقت بكليه ادراه الأعمال انطوائيه جدا ولا يوجد لديها اي اصدقاء )
****************************
نذهب الي منزل مجنونتنا
طق طق طق
ياسمين : ايواااااا جااااااااااي
هند: ساعه علي ماتفتحي يابه
ياسمين : يوه مش بلبس يانودا
هند : دايما مأخرانا كده صباح الفل يامحمدي ياقمر
محمدي : صباح العسل يانودا يامجنونه
هند : انا مجنونه طب والله ده انا قمر يابخته اللي هكون من بخته
محمدي وهو يقهقه علي هاتين المجنوتين : هيطلع عينه
ياسمين : يلا يا اختي علشان منتاخرش باي باي يابابا
(هند الشافعي: صديقه ياسمين منذ الصغر تعتبرها اخت لها قصيره القامه ذو بشره بيضاء وعيون عسليه وشعر بني يزينه حجابها وذو حس فكاهي واجتماعيه جدا )
************************************
يدخل البنات من الكليه وهم مبهورين بهذا الصرح ولما لا انها اول مره يشاهدو هذا طلاب كثيرون مجموعه من الشباب والبنات يضحكون ويمرحون دون حدود وبنات محتشمات وبنات يرتدون ملابس غير محتشمه نعم ففي الجامعات عالم مفتوح
هند: اوباااااا ايه ده
ياسمين : في ايه
هند : انتي شايفه اللي انا شايفاه
ياسمين : بطلي تفاهه خلينا نروح نشوف جدول المحاضرات
هند : يلا اختااه
********
في نفس الوقت تدخل تولين من بوابه الجامعه وهي متوتره فهي ليس لديها أصدقاء ولا احد يوجهها لمكان المحاضره
عصام : شوفتو الصاروخ اللي داخل علينا ده
رامي: بس بقي ياعصام البنت دي شكلها محترمه
عصام : بس عجبتني
رامي : شكلها سنه اولي
عصام وهو يقف : ومالو
رامي : رايح فين يلا
عصام وهو يرمي السيجار : هروح اساعد
عصام : بدوري علي حاجه يا آنسه
تولين : لا
عصام : انتي في سنه اولي
تولين : ايوه
عصام : طب عارفه المدرج فين ولا اوديكي
تولين : لا شكرا انا هروح لوحدي ( وتركته وذهبت )
عصام وهو يغمز بوقاحه: ومالو نتقل شويه علي القمر
ثم نظر الي صديقه : ماتشوفلنا مين القمر دي
رامي: انت مش هتبطل بقا
عصام بابتسامه تسليه : اهو بنتسلي
توقعاتكم!!!!
دمتم سالمين احبتي ❤
بقلمي / بسمله علاء ✏
