الفصل الثالث
#: حقيقه إيه
كوثر : ها .. ايه
مروان : في اي ياداده كنتي بتقولي حقيقه .. حقيقه ايه ؟!
كوثر : لا ياحبيبي مفيش حاجه كنت بتكلم عادي يعني اكمن اختك صغيره وملهاش صحاب فصعبانه عليا ياحبه عيني
مروان بهدوء وغموض : ماشي ياداده جهزي الغدا هطلع اغير واجيب توتا وانزل
كوثر: حاضر ياحبيبي
صعد مروان الي غرفته فهو بالتأكيد فهم انها غيرت الحديث لكن علي من فهو مروان صقر المخابرات ويعرف كل ما يدور في منزله وخصوصا الحقيقه التي لا تريد كوثر التكلم عنها امامه لكن يخشي علي أخته من أن تعرفها!!!!!!!!!
عاد كل واحد منهم الي منزله بعد يوم مليئ بالدراسه والعمل والمشاكل انذاك ونذهب الي منزل بطلتنا
امجد : وبعدين ايه اللي حصل
ياسمين وهي تقهقه : بس ياسيدي واخدت المجنونه وروحنا
المحمدي: هاهاهاها هند دي مجنونه فعلا
أمجد : بس مكانش ينفع يابابا اللي هي عملتو ده
المحمدي: دي طبيعتها ياحبيبي وبعدين خليهم يغلطو ويتعلمو هما لسه صغيرين مال هيتعلمو امتي
ياسمين : طب انا هدخل انام بقي علشان بكره عندي يوم طويل
أمجد : هتروحي فين
ياسمين : هننزل انا والبت هند نشتري شويه حاجات بعد المحاضرات
أمجد : وهو ياخدها في احضانه ويقبل رأسها: ماشي ياقلبي بس متتاخروش
ياسمين : حاضر ياحبيبي يلا تصبحو علي خير .
المحمدي: وانتي من اهل الجنه ياروحي
ثم نظر لامجد وانت عملت ايه في الشغل
أمجد : قضيه جديده لواحد اسمه كمال بدران ...واخذ يسرد له يومه ثم ذهب كلاهما في ثبات عميق
*****************
في فله البدري
طرق مروان علي باب غرفه تولين طرقتين
تولين : ادخل
دخل مروان ثم جلس قبالتها علي السرير
مروان : القمر عمل ايه النهارده
تولين : عادي يا ابيه حضرت محاضراتي وجيت علي طول
مروان بحزن علي شقيقته : ياتولين ياحياتي كوني أصحاب مينفعش كده لازم تحاولي تعيشي سنك صاحبي واخرجي
تولين بحزن وبكاء: مش عارفه والله مامي بالنسبالي كانت الامان والحضن الوحيد اللي بلجأ لي بعد بابا وكمان هي سابتنا ومسالتش فينا بس انا مش قادره اكرهها ثم بكت بشده
مروان بدموع متحجره وهو يأخذها في احضانه : خلاص ياقلبي متزعليش كل حاجه هتتصلح والله نامي انتي وارتاحي ومتفكريش في حاجه
تولين : ممكن تنام معايا النهارده يا ابيه
مروان بابتسامه صغيره : طبعا ياروحي (ثم اكمل بمرح ) بس ناكل الاول ولا عايزاهم يقولو مبتاكلش اختك
تولين بضحكه صغيره: هاهاهاها يلا
ثم تجمعو علي الطعام واكلو ثم صعدو إلي غرفتهم ونامو في هدوء!!!
هل سيظل الهدوء علي الابطال جميعا أم للقدر رأي آخر!!!!
************************
في منتصف الليل وفي مكان يعمه الفجور ويفعل فيه كل ماحرمه الله نجد رجل في عقده السادس ولكن لايظهر عليه كبر سنه بل انه شديد الوسامه
كمال : ها عملت ايه يا فريد
فريد : كله تمام معاليك البضاعه جاهزه والناس مستنين
كمال : تمام اسبوع ونحدد المعاد وجهزلي بكره طياره علي نيويورك
فريد تمام
ثم ذهب فريد وجاءت عاهره نعم فهي ترتدي ملابس فاضحه او نقول انها لاترتدي شيئ واخذت هذا الكمال ليفعلو كل ماحرمه الله
*******************************
ومع زوال الليل بظلامه وبزوغ الشمس ونورها الذي يهدئ النفوس وينبه الناس لبدايه يومهم قامت ياسمين وتوجهت للحمام وتوضأت وصلت فرضها ثم ايقظت اخيها وابيها وتوجهت لعمل الفطور
ياسمين وهي تتجه للسفره : صبح تاتا اتنين في تلاته
المحمدي بضحكه صغيره : هاهاها صباحو يامجنونه
أمجد : مخلف سواق توكتوك ياحاج اشرب بكره اجبهالك من القسم
ياسمين بدلع : مش اخويا ظابط بقي اتدلع براحتي
أمجد : ومالو ياختي ثم سمعو صوت جرس الباب
ياسمين : ايوااااا جاااااااااي
المحمدي: اختك دي هتموتني اهي اشتغلت قهوجيه اهي
فضحكو هما الاثنان علي هذه المجنونه ثم استأذنت ياسمين للذهاب للجامعه ثم قام أمجد والمحمدي للذهاب كلا منهما الي عمله
************************
عند تولين قامت من جانب مروان وادت روتينها اليومي ثم توجهت الي اخيها
تولين : يا ابيه يا ابيه
مروان : ايه ياتوتا
تولين : يلا يا ابيه هتتاخر
مروان : ماشي ياحبيبتي افطري وروحي لجامعتك وانا هقوم وامشي علي الشغل اهو
تولين : ماشي يا ابيه سلام
ثم اخدت اشيائها وتوجهت للجامعه بصحبه السواق ثم قام مروان وفعل نفس الشيئ وتوجه لعمله
تسريع للاحداث
مر اسبوع علي ابطالنا مابين الذهاب للكليه وجنون هند وياسمين ومعاتبه أمجد لهما وانطواء تولين وقرب مروان منها اكثر ونجح في ذالك ومر هذا الاسبوع علي خير ولم يحدث اي شيئ جديد
عند بدايه الاسبوع الجديد وهو بدايه احداث روايتنا من تحديات ومغامرات ومقابلات وتكوين صداقات وظهور اصدقاء طفوله انتظرو الجزء القادم مع احداث مشوقه
توقعاتكم!!!!!!!!
دمتم سالمين احبتي ❤
