مع شروق شمس يوم جديد في مبني أمن الدوله نسمع صوت همس
شريف وهو يتكلم في التلفون : بقولك ايه انا اساسا منمتش من امبارح ولسه في المكتب
كمال بسخريه : ايه ضميرك وجعك
شريف بتهكم: لا علشان ماحدش يشك فيا ياكمال بيه
كمال : طب اقفل اقفل بلاش غلبه
شريف بحنق: ماشي سلام
رمي التلفون علي المكتب ثم قال وهو ينظر للفراغ : سامحني ياصاحبي
**************************
في بيت ياسمين وهي في المطبخ وكانت تدندن باحدي الاغاني
أمجد : صباح الخير يا ياسمينا
ياسمين : صباح الفل ياظبوطه
أمجد بسخريه : ظبوطه علي آخر الزمن اسمي ظبوطه
ياسمين بابتسامه : بهزر معاك ياجيمي قولي صحيح هتروح عزا صحبك النهارده
أمجد بحزن : لا امه رفضت تعمل اي حاجه قبل مانجيب حقه
ياسمين باستياء: ربنا معاكو ويحفظكو يارب
أمجد : يارب يلا كملي تجهيز الفطار علي ما اصحي بابا
ياسمين : تمام يابرنس
أمجد وهو يرجع لها مره اخري ثم يضربها علي قفاها : برنس ايه اشتغلتي سواق توكتوك من ورايا
ياسمين بخضه : عااااا ايه بقي الله وانا اللي قولت انك نسيت الاصطباحه ثم قالت بصوت خافت غور ده انت رخم
أمجد : بتقولي حاجه ياحبيبتي
ياسمين بابتسامه صفرا : بدعيلك ياحبيبي
أمجد : طب يلا ياختي
ثم ذهب ليوقظ والده ثم اكلو وذهب كلا منهم الي وجهته
******************************
في فيلا مروان
استيقظ مروان ثم توجه لاداء روتينه اليومي ثم ايقظ اخته وتوجهو سويا للافطار
مروان : عندك محاضرات النهارده ياتوتي
تولين : اه يا ابيه بس بعد اذنك يا ابيه بعد الكليه هنروح انا واصحابي نتغدا في مطعم
مروان: صحابك مين
تولين بسرعه: ياسمين وهند اللي تعرفت عليهم
مروان : ماشي مفيش مانع لما تخلصي ابقي عرفيني علشان اعدي عليكي ونروح سوا
تولين : حاضر يا ابيه انا همشي بقي ثم قبلت جبينه وذهبت
*************************
عند هند استيقظت ثم توجهت لغرفه اخوها ذياد لتوقظه
هند : يلا يا ذياد قوم
ذياد : لا مش هروح الحضانه
هند : ليه كده بس هو كل يوم نفس الموضوع
ذياد : ايوه علسان مش بحب الحضانه دي مس عندي صحاب خالث
هند : طب ماتتعرف علي رؤوف
ذياد ببراءه : ماسي يلا نلبس
هند : يلا ياروحي ثم قبلته من جبينه وارتدو ملابسهم سويا واوصلته للحضانه وتوجهت الي الجامعه
**************************
في مبني أمن الدوله
اللوا وهو وهو ينظر الي وجوه الفريق الحزينه : انا مش عايز موت كريم يأثر فيكو انتو لازم تكونو اقوي من كده علشان تجيبو حقو وحق كل زمايلكو اللي راحو
الجميع : تمام يافندم
شريف بحزن مزيف: يافندم طب تفتكر هو اتكشف ازاي
اللوا: والله ياشريف اللغز صعب وغير كده ان محدش كان يعرف كريم اساسا
أمجد : قصد حضرتك ممكن يكون في خاين
اللوا بغموض : كله هيبان يا أمجد ثم تحدث بجديه المهم دلوقتي ركزو معايا
بدا اللوا في شرح الخطه مع نظرات الذهول من مروان وامجد
انتهي اللواء من شرح خطته وقال : ويومين بالظبط وعايزين نعرف معاد العمليه
شريف بخبث: سيب المهمه دي عليا يافندم
اللوا: تمام ياشريف يلا ياشباب ربنا معاكو كل واحد علي مكتبه مروان وامجد حصلوني علي مكتبي
تمتم شريف بصوت خافض : كل حاجه أمجد ومروان اكن مفيش غيرهم
حمدي من ورائه : مالك ياشريف في ايه
شريف : مفيش ياعم بس ليه كل شويه امجد ومروان هو مفيش غيرهم
حمدي: ايه اللي انت بتقوله ده كلنا عارفين ان سياده اللوا مبيفرقش في الموضوع ده بس دول اعلي مننا واكتر كفاءه بلاش التفكير ده ياشريف اخرته وحشه
شريف بلامبالاه : ماشي ياعم عادي انا ماشي سلام
حمدي بلامبالاه هو الاخر : سلام ثم توجه الي مكتبه
عند اللواء
اللوا: طبعا انتو مستغربين ان مش دي الخطه اللي احنا اتفقنا عليها
امجد بتاكيد : فعلا يافندم حضرتك لما اتفقنا علي الخطه احنا التلاته حضرتك قولت ان انت هتعرفهم في الاجتماع الجاي
مروان : بالظبط كدت يافندم والا لو حضرتك شاكك في حاجه
اللوا : فعلا بس انا مش شاكك انا متاكد
مروان : معلش يافندم فهمنا اكتر
اللوا : ....
أمجد بدهشه: ايه اللي حضرتك بتقوله ده مستحيل طبعا
مروان بصدمه : يافندم ازاي مستحيل
اللوا: انا كنت مصدوم زيكو كده بس انا اتاكدت دلوقتي احنا هنمشي علي الخطه بالظبط مع تغيير شويه حاجات فيها ثم اكمل بخبث بعد مانعرف المعاد الغلط طبعا
****************************
في الجامعه
عدا اليوم علي البنات بدون احداث تذكر حضرو محاضراتهم ثم اتجهو الي المطعم
تولين : ياااااه بقالي كتير مخرجتش كده
ياسمين وهي ترتشف من كوب العصير : اي خدعه ياصاحبي عد الجمايل ثم سمعت رنين هاتفها : الو يا امجد ... اه .... لا في المطعم .. ماشي احنا في مطعم ... ماشي سلام
في نفس الوقت رن هاتف تولين : الو يا ابيه ... اه خلصت ... ماشي احنا في مطعم .... سلام
نظرو لبعضهم ثم انفجرو بالضحك علي مظهر هند حيث كانت تنظر لهم ببلاهه
هند بطفوله : كل واحده تجبلي اخوها وانا اقف اتفرج عليكو بقي
ياسمين : هو صحيح ذياد مين اللي هيرجعو البيت
هند : يوسف ابن عمتو جه اخدو علشان يقعد عندهم شويه
ياسمين بتفهم ثم صدمه : ااها يالهوي
توقعاتكم !
دمتم سالمين احبتي ❤
بقلمي:بسمله علاء 🖋💖
