لن أنساك ياصديقي مهما دار الزمن وطالت الايام ..
*****************************
هند : اخويا مالو يادكتور
الدكتور بأسف : هو جاله تسمم للاسف
هند : انت بتقول ايه ازااااي
زين : استني بس ياهند ، حضرتك ده حصل ازاي
الدكتور : اكيد دخل مع اكل او حاجه شربها
هند بانهيار : طب هو يقدر يخرج معايا امتي يادكتور
الدكتور : مش قبل يومين علي الاقل علشان نتطمن علي حالته وخصوصا انه طفل
ياسمين: شكرا يادكتور
تولين : يلا قومي غسلي وشك كده علشان مينفعش يشوفك منهاره كده
زين : طب انا كده اطمنت عليكو انا لازم امشي دلوقتي بس بعد اذنكو ابقي اجي اطمن ذياد
هند : تيجي في اي وقت يادكتور طبعا وشكرا جدا علي وقفتك معايا
زين : مفيش شكر ولا حاجه ذياد زي اخويا يلا بعد اذنكو
وتوجه زين الي منزله ودخلت هند مع البنات لغرفه ذياد
*******************************
في الميناء كانت القوات متربصه لرجاله كمال بدران الي ان يحين موعد التسليم ويقبضو عليهم متلبسين
مروان : هما اتاخرو كده ليه
أمجد بسخريه : معلش مكانوش يعرفو ان انت مستنيهم
عيسي : الله علي الروقان ياقائد
حمدي: مسم القائد أمجد بنفسه بيعرف يقلش انا لو رجعت من المهمه دي هوزع رز بلبن
مروان : باذن الله هنرجع وانا هجبلكو كلكو بليله
أمجد : ايه استلمتوني كلكو
محمد : الحق ياقائد وصلو
أمجد : استعدو يارجاله
في الجهه الاخري وصل كمال بدران وشريف ورجالته والطرف الاخر
كمال : اهلا مستر مارك
مارك : كيف حالك مستر كمال
كمال : في احسن حال يارجل هل اتيت بالهيروين
مارك : نعم ولكم هديه اخري ولكن اين المال
كمال : شريف هات الشنط من العربيه
أمجد من ورائهم : ايوه هاتلهم الشنط ياشريف بسرعه
نظرو جميعا ورائهم في هذه اللحظه كانت جميع القوات حاصرتهم
مروان : سلمو نفسكو كده ياحلوين من غير شوشره .
محمد بعيون حمراء: ايه ياشريف القطه كلت لسانك
شريف بتلعثم: أ ءء انا .. انا كنت هعرفكو كنت... اصل .. ماهو
حمدي: ايه ايه مالك ياشيفو اهدي ياحبيبي ليحصلك حاجه
كمال : انت اللي بلغت عني ياشريف
شريف : والله مانا ياكمال بيه
كمال بعصبيه : هيكون مين يعني اللي......
£ انا ياكمال بيه
كمال بصدمه : مستحيل لا لا مستحيل تكون انت اللي بعتني
أمجد : اهلا بالعميل ٣٠٣
كمال وشريف : مستحيل
فايز (٣٠٣، كان يعتبر دراع كمال اليمين في اللعبه ): هاهاها لا مانا حققت المستحيل
مروان : اقبضو عليهم
ولكن سمعو صوت ضرب نار ونظرو جميعهم وجدو شريف ينزف من كتفه
محمد وهو ينظر لشريف بغل : ايه بتوجع انت لسه شوفت حاجه ثم قام بضرب طلقه اخري استقرت في كتفه الاخر ليييييه ياشريف كريم صاحبك ياشرييف تموتو ليييه طب اخته وامه مصعبوش عليك ياخي انت جاحد للدرجه دي هان عليك العيش والملح ياكافر
شريف بتعب : ماهو اااااااه قام بالصرخ حين اطلق محمد رصاصه اخري واستقرت في رجله اليمني
محمد بعصبيه : اخررررس مش عايز اسمع صوتك الزباله ده بس خلاص كان نفسي اقولك سلملي عليه بس انت مش هتكون معاه يازباله في ستين الف داهيه ياشريف ثم وجه له رصاصه اخري واستقرت في رأسه وصعدت روح شريف الي بارئها محمله بالذنوب والغل والحقد
وقامت جميع القوات بالقبض علي كمال ورجالته ومارك بدون اصابات لاي احد منهم
*******************************
رجعو جميعهم وتوجهو الي مبني أمن الدوله اولا
اللواء : شرفتوني يارجاله انا كنت عارف انكو قدها
الجميع : تحت أمرك يافندم
اللواءبخبث : هو شريف مات ازاي يارجاله
حمدي بسرعه وبراءه : كان هيهرب يافندم بس ضربنا عليه نار ومات
اللوا بتريقه : يارااجل كان هيهرب وضربتو عليه نار ومات يعني مش حد فيكم اللي نشو في راسو
الجميع : .......
محمد : انا اللي ضربته يافندم وانا متحمل اي حاجه
اللوا: فعلا ياسياده الرائد هتتعاقب علي حسب القانون
محمد : تمام يافندم بس ممكن اروح اسلم علي اهلي واعدي علي ام كريم وهرجع علطول والله يافندم
اللوا بجديه مصطنعه : لا ياسياده الرائد مش هيحصل
حاول أمجد التدخل: يافندم اص....
قاطعه اللوا بحده مصطنعه : في ايه ياسياده المقدم هتجادلني ولا ايه ثم اكمل بالنظر لمحمد هو مغلطتش يروح يفطر مع اهله وانتو كمان وظبطو دنيتكو وتيجو الاحتفال اللي هنعمله الاسبوع الجاي علشان الجوايز
نظر محمد والجميع الي اللوا ببلاهه
اللوا: ايه هتفضلو متنحين كده كتير ولا ايه
محمد بفرحه كبيره : لا اعذرني يافندم علي اللي هعملو دلوقتي ثم حضن اللواء بفرحه
اللوا: انت مغلطتش يامحمد انت كنت بدافع عن بلدك واخدت حق دم صحبك من كلب باعو
محمد بدموع : وانا كده ارتحت يافندم
اللوا : طب ايه هتفضلو واقفين كده كتير انا ممكن ارجع في كلامي
الجميع : ......
اللوا : ااااه احم ده مستند قضيه .....
هرول الجميع الي الخارج ويجري كلا منهم الي منزله
اللوا : هاهاهاهاهاهاها اما اروح انا كمان الحمد لله
توقعاتكم !!!!!
بقلمي: بسمله علاء 🖋💖
دمتم سالمين احبتي 💖
