مع حلول منتصف الليل اول ايام رمضان كان كل فرد من ابطالنا يستيقظ للسحور مع العائله
في منزل ياسمين
ياسمين : اصحوووووووووو يا أهل البيييييت
أمجد : انتي يامجنونه هو احنا في ليبيا ماحنا جمبك اهو
ياسمين : كل سنه وانت طيب ياقلبي يلا بقي علشان نتسحر
أمجد : ادخلي صحي بابا علي ما اصلي القيام
ياسمين : ربنا يتقبل ياحبيبي ثم ذهبت لغرفه ابيها فوجدته مستيقظ
ياسمين بغمزه : اللي واخد عقلك ومسهرك يامحمدي اعترف
محمدي بقهقه : هو حد واخد عقلي غيرك يامجنونه
ياسمين : لا متسبتنيش انت بتخوني يامحمدي
محمدي بضحكه خفيفه : هاهاها انتي عارفه يا ياسمينا انتي شبه امك كتير كانت برضو بتحب الضحك والهزار كده
ياسمين : انتو اتجوزتو ازاي يابابا
محمدي : كنا مع بعض في المدرسه بس اتصدقي مكناش بنطيق بعض اصلا كنا علطول بنتخانق لحد ماجبنا نفس المجموع ودخلنا نفس الكليه من هنا بقي بدأنا نكون اصدقاء بس ياستي وخلصت كليه وروحت اتقدمتلها
أمجد : قاعدين تعيدو في الذكريات وانا مستنيكو بره
ياسمين: انت لبست ليه يا أمجد انت مش قولت هتمشي ١٠ الصبح
أمجد : الوقت اتغير ياياسو
ياسمين بدموع وهي تحتضنه : خلي بالك علي نفسك ياحبيبي
أمجد : ان شاء الله خير يلا بقي نتسحر ولا هنقضيها عياط طول الليل
ياسمين وهي تقوم : هطلع احط الاكل علي السفره لحد ماتيجو
محمدي: خلي بالك علي نفسك يا أمجد
أمجد : متقلقش يا حاج يلا نطلع للمجنونه دي تيجي تضربنا
محمدي بابتسامه : يلا
تسحرو جميعهم وانتظرو أداء صلاه الفجر ثم ذهب أمجد مع دعاء كلا من ابوه واخته
*************************
في فيلا مروان
تولين : اي ده يا ابيه انت هتسافر دلوقت
مروان بايماءه : ايوه ياروحي عايزه حاجه
تولين بدموع: خللي بالك علي نفسك يا ابيه
مروان وهو يحضنها: ليه الدموع دي متقلقيش خير ان شاء الله توتا لو جرالي اي حاجه خليكي مع المحامي انا عرفتو هو هيعمل ايه بالظبط
تولين بشهقه : ايه اللي بتقولو ده يا ابيه
مروان : اسمعي اللي بقولك عليه
تولين ببكاء : ارجعلي بالسلامه يا ابيه
مروان : باذن الله ياقلبي يلا ناكل
تسحر هو واخته ثم انتظر اداء صلاه الفجر ثم ذهب مع دعاء كلا من اخته والداده
****************************
في أمن الدوله حضر الجميع ماعدا شريف
حمدي: المفروض ان العمليه هتتم امتي
مالك: المفروض العصر
فارس: طب احنا هنعمل ايه اول مانوصل
محمود: هنراقب المينا كلها اكيد
ثم دخل كلا من امجد ومروان
مروان: جاهزين يارجاله
الجميع : تمام يافندم
امجد: يارجاله المهمه دي احنا طالعين وعارفين اننا ممكن منرجعش احنا طالعين علشان حاجتين اولهم نجيب حق كريم وثانيا علشان نحمي البلد من الكلاب اللي زيهم يانرجع رجاله يانموت هناك احسن ولا ايه
الجميع : تمام يافندم
محمد بنظره خاويه : بعد اذنك يافندم محدش ليه دعوه بشريف خالص
امجد وهو ينظر لمروان: محمد انا عارف انت حاسس بايه بس....
محمد وهو يقاطعه : لو سمحت يافندم ده طلب شخصي انا اللي هخلص عليه بطريقتي
مروان: ماشي يامحمد يلا يارجاله استعدو
**************************
في الصباح توجهت البنات الي الكليه
ياسمين: البت هند ماجاتش انا قلقانه عليها
تولين: وانا كمان بس هي دايما بتتاخر احنا اللي متوترين بس
ياسمين : انا خايفه عليهم اوي
تولين: هو امجد مقالكيش حاجه قبل مايمشي
ياسمين : لا خالص طب مروان قالك حاجه
تولين : اها وسردت لها ماحدث
ياسمين بخضه: لا لا ان شاء الله مش هيحصل حاجه وحشه اووووف بقي مبتردش برضو
تولين: تعالي بس نحضر المحاضره ولو مجاتش نعدي عليها
ياسمين : يلا
دخلو المحاضره وماكانت الا محاضره الدكتور زين فدخلو وكانت اعين زين تدور في المدرج يبحث عن احد ولكنه لم يجدها فانتهت المحاضره وكادت ياسمين وتولين ان يخرجا ولكن اوقفهم صوت
زين: لو سمحت يا انسه ياسمين
ياسمين بابتسامه : ايوه يادكتور في حاجه
زين : احمم هي احمم انسه هند يعني ماجاتش ليه هو حصل حاجه
نظرت ياسمين وتولين لبعضهم بغرابه
زين لاحظ دهشتهم: احمم مش قصدي حاجه بس المحاضره كانت مهمه يعني و...
قاطعه رنين هاتف ياسمين باسم هند
ياسمين: معلش ثواني يادكتور ثم هاتفت هند، ايوه يانودا مجتي....
قاطعتها هند سريعا بصوت عالي : الحقينيييي يا ياسمين يسرعه
ياسمين بخضه : في اي اهدي ايه اللي حصل
هند : اخويا ذياد قاطع النفس مش عارفه مالو الحقيني
ياسمين وهي تجري : حاضر حاضر انا جايه اهو
احس زين بان شيئ قد حدث فجري الي الخارج هو الاخر
زين: اركبو اركبو
ركبو البنات مع زين وذهبو لمنزل هند سريعا
دلفو جميعهم الي المنزل فتحت هند وهي تبكي دخل زين وحمل ذياد وتوجهو الي المشفي
هند بعصبيه: بقالهم ساعتين جوه بيعملو ايه ده كلو يعني
زين بحكمه : اهدي يا آنسه هند هيطلعو يطمننونا دلوقت
خرج الدكتور من عند ذياد وجرت ناحيته هند
هند: ايه اللي حصل لاخويا يادكتور
الدكتور : !!........
هند ببكاء : ايييييييه
توقعاتكم!!!
دمتم سالمين احبتي ❤
بقلمي: بسمله علاء
متنسوش الفوت ياقمرات 😘
