الفصل الثاني
في مبني وزاره الداخليه
اللواء : فين الرائد أمجد ياشباب
أمجد من خلفه وهو ينهج بشده : اسف جدا ياسياده اللوا
اللواء: تمام اتفضل مكانك
جلس أمجد في كرسيه
اللواء وهو ينظر للصور في الشاشه : كمال بدران تاجر مخدرات وسلاح عنده شركه استيراد وتصدير بيداري بيها شغله المشبوه عرفنا من مصادرنا ان في شحنه هتدخل مصر قريب جدا بس لسه معرفناش معادها المهمه دي في غايه الاهميه وانا اختارتكو لانكو من اكفأ الضباط في أمن الدوله
مصطفي " صديق أمجد" : شكلنا هنتنفخ مش هلحق اتجوز اه ياني
أمجد : متنشف ياض في ايه
مصطفي : ياعم اتنيل اه مانا هقول ايه ماعندكش حما مطلعه عينك اشوف فيك يوم يا امجد
اللواء : تمام ياشباب فهمتو
الجميع : تمام يافندم
اللواء: انا اعتمدت عليكم علشان عارف انكو قدها تقدرو تتفضلو
الجميع : بعد اذن حضرتك
***************************
في الجامعه وخاصه في المدرج
هند: يوووه بقي الدكتور ده مش ناوي يبطل رغي انا زهقت
ياسمين : مش عارفه ايه ده شويه ويقولنا انه طلع المريخ مرتين
الدكتور : انتو الاتنين مش مركزين معايا اتفضلو بره
هند : بره بره انت هتطردنا من الجنه انا اساسا جعانه يلا يابت
ضحك كل من في المدرج علي هند
ياسمين وهي تضحك : هاهاهاهاهاها يخربيتك ياهند الدكتور كان مولع كان سنه وهيحرقك
هند : ياستي ماعمال يرغي ويحكلنا عن انجازاته ايه ده وبعدين انا جعانه
ياسمين : ماشي ياطفسه يلا ثم ذهبو الي الكافيتريا
**************************
عند تولين الدكتور خرج من المحاضره ولم تعرف ماذا تفعل فسالت زميلتها
تولين : لو سمحت
البنت : ايوه ياقمر
تولين : هو احنا كده خلصنا ولا في محاضرات تانيه
البنت : في محاضره كمان ساعه
تولين : طب المفروض نقعد فين الساعه دي
البنت : في كافتريا تحت اقعدي فيها او اتمشي
تولين : ماشي شكرا
نزلت تولين وجلست في الكافتريا
مرت ساعه علي ابطالنا ثم ذهبو للمدرج لاكمال محاضراتهم
**************************
في أمن الدوله
دخل مروان علي مكتبه ثم دخل عليه صديقه علي
علي: ماروووووووووو
مروان بخضه : ايه يلا في اي
علي بمياعه : وحشتني يابيبي
مروان باستنكار : وحياه أمك
علي : ايه يامارو الحق عليا ان عايز افرفشك
مروان : انجز قول ايه الجديد
علي : كمال بدران
مروان : حلو ولا وهيقع تحت ايدي
علي: مروان اهدي افصل بين اللي حصل زمان انت هنا في شغل ياحضره الظابط
مروان : هي هي ياعلي المهم بينيل ايه المرادي
علي: سلاح ومخدرات بس خلي بالك
مروان: ايه
علي : احنا في المهمه دي مش لوحدنا معانا فريق كامل ودي اوامر سياده اللوا
مروان : ماشي مفيش مشاكل طب هنتقابل امتي
علي : سياده اللوا قال بعد اسبوع لحد مانعرف معاد العمليه
مروان : تمام ماشي عرف الفريق وهات الملف
علي : تمام
********************
في الجامعه
ياسمين : ياااااه اخيرا خلصنا
هند : اه والله انا تعبت اوي يلا نمشي السرير يناديني قالت هذه الجمله وهي تفرد ذراعها فضربت كتف احدهم
الشاب: انتي يابنتي مش تفتحي فاكره نفسك في بيتكو
هند : سوري ياعسل مقصدش اكيد
الشاب بصوت عالي: عسل مين ياماما يلا يابت من هنا
هند : بته اما تبتك ياحيوان صوتك مايعلاش وبعدين قولنا سوري اعملك ايه يعني
الشاب : انا اللي غلطان اني عملت عقلي بعقل واحده قزعه زيك
هند : قزعه في عينك يا حيو.......... اممممم قطعت كلامها ياسمين وهي تضع يدها علي فم صديقتها
ياسمين : احنا اسفين جدا يا استاذ معلش هي لسانها طويل
هند : انتي بتعتزري لمين ده اصلا بن.... قطعت كلامها مره اخري عندما حطت يدها علي فهما
ياسمين : بس بقي اخرسي احنا متاسفين حضرتك
الشاب : شوفتي الاحترام مفيش حاجه يا آنسه وذهب
هند وهي تقرض ايد ياسمين
ياسمين : عاااااااا الله يخربيتك
هند بعصبيه : ايه اللي انتي عملتيه ده
ياسمين : يابنتي محصلش حاجه كبري دماغك
هند : ده قال عليا قزعه
ياسمين : معلش ياروحي يلا بقي نروح كفايه فضحتي اللي جابوني
هند : اه فعلا انا عايزه انام يلا بس انتي عارفه لو كنتي سيبتيني عليه
ياسمين وهي تقهقه : هااهاها كان ايه اللي هيحصل
ثم توجهت كلا منهما الي منزلهم
************** عند تولين خرجت من المدرج رات صراع بين طالبتين وشاب خطفت نظره نحوهم لكنها لم تهتم ثم ذهبت للسواق عم شكري ثم عادت للمنزل كما اتت
في السيااره وهي تفكر
تولين ( انا هفضل كده لحد امتي انا زهقت من الوحده حتي مروان مش مهتم بيا زي اي اخ واخت اهم حاجه عندو شغله وبس انا تعبت نفسي يكون عندي اصحاب واطلع واخرج معاهم اااااااه يارب انا تعبت ) قاطع افكارها السواق
عم شكري : اتفضلي يابنتي وصلنا
تولين : ماشي شكرا ياعمو
ثم توجهت الي داخل المنزل قابلتها كوثر الداده
كوثر : ايه ياست البنات عملتي ايه النهارده
تولين : عادي ياداده هعمل ايه يعني انا طالعه انام
كوثر : ربن يريح بالك يابنتي والحقيقه تتكشف قريب !
#:حقيقه ايه
