الفصل الرابع
بعد مرور أسبوع علي جميع ابطالنا منهم من يجهز نفسه للعمل ومنهم من يجهز نفسه للدراسه ومنهم من يريد ان يوقع بفريسته ولكن تأتي الرياح بما لاتشتهي السفن .
في منزل ياسمين
ياسمين : يلا يابابا انا نازله بقي
المحمدي: هتمشي لوحدك يابنتي .
ياسمين : نودا هتستناني في الجامعه كانت بتودي ذياد الحضانه
المحمدي: ماشي ياحبيبتي بالسلامه
ياسمين وهي تاخذ اشيائها وتغادر: سلاموز
********************
في الكليه عند البنات
دخلت ياسمين وتوجهت الي الكافتريا
ياسمين : صبح صبح ياعم الحج
هند: صباحو يابرنسيسه
ياسمين : يلا قدامنا عشر دقايق علي المحاضره يدوب نلحق
هند : طب نفطر الاول طاااااه
ياسمين بقرف : طااااااه! يلا يابت بعد المحاضره جتك الارف
وتوجهو الي مكان المحاضره ولكن كان مذدحم للغايه وجدو مكان تجلس عليه بنت يبدو عليها الشرود والحزن
حمحمت ياسمين: احم احم لو سمحت
تولين : ايوه
ياسمين : هو في حد قاعد هنا
تولين : لا اتفضلو مفيش حد هنا
ياسمين : شكرا ياقمر وهي تمد يدها أنا ياسمين
تولين وهي تبتسم : وانا تولين
هند وهي تنحشر بينهم : هييييح وانا هند
ياسمين : متخلفه عقليا سيبك منها
تولين وهي تضحك : هاهاهاهاها لا لا متقوليش كده دي قمر
هند : شالله يسترك ياقلبي وهي تنظر لياسمين شوفتي الناس القمر مش انتي
ياسمين : بس يابت الدكتور جه
وحضرو المحاضره ثم توجهت ياسمين وهند الي الكافتريا
***************
في مبني أمن الدوله
اللواء : اهلا بيكو ياشباب طبعا المهمه دي مش سهله وانا اخترتكو انتو بالذات سواء فريق امجد او مروان انتو من اقوي الفرق ودي عمليه بتهدد امن البلد ودي مهمه امن الدوله
امجد : بعد اذنك يافندم انتو عرفتو معاد العمليه
اللواء : لسه ياسياده الرائد كمال المرادي واخد احتياطاتو كويس اوي بس برضو احنا مش ساكتين يلا اسيبكو تدرسو القضيه وبكره عايز خطه تكون جاهزه علشان نبقي مستعدين في اي وقت
الجميع : تمام يافندم
خرج اللواء وجلس الباقي يتشاورون
فارس : سياده اللوا نسي يعرفنا علي بعض
حمدي: ياختي يانوغه مكسوفه يابطه
امجد : لامتخادوش في بالكو دول ناقر ونقير دايما
الجميع : هاهاهاهاهاها واضح
مروان : انا الرائد مروان البدري وده عيسي وده خالد وده مالك
أمجد : وانا الرائد امجد المحمدي وده فارس وده حمدي ودول محمد ومحمود توأم
مروان : كده تمام يلا بقي نعمل الخطه وندرسها
وانصب الجميع علي الاوراق لعمل خطه للوقوع بالشبكه
*****************************في الجامعه عند البنات
تولين ذهبت الي الكافتريا تجلس بمفردها وحازم التفت لها ثم توجه اليها
حازم : ازيك
تولين : افندم
حازم : انتي بتتكلمي كده ليه انا جاي اتعرف بس علفكره
تولين : وانا مش عايزه اتعرف يابني لو سمحت امشي
حازم : لا انتي دخلتي دماغي
تولين بنرفزه : لا كده كتير مليش انا في شغل العيال ده ثم اخذت شنطتها وكادت ترحل
حازم وهو يمسك يدها وصوت عالي : وانا بكلمك متسبنيش وتمشي
عند البنات
هند : ايه ده مش دي تولين اللي هناك دي
ياسمين وهي تنظر : يالهوي ااااه تعالي نشوف بتتخانق مع مين
وذهبو البنات لها
هند : ايدك ياشبح لتوحشك
حازم وهو ينظر لها : الاه مبقاش الا الاوزعه هي اللي تتكلم
ياسمين : في اي ياتولين
تولين : معرفش والله كنت قاعده وهو جاي بيستظرف
حازم : عجبتيني ومفيش حد يقدر يقولي لا
هند : لا ياباشا اهي قالتلك يلا ورينا عرض كتافك
حازم : ماشي بس خليكي عارفه اني مش هسكت
هند : ابقي خد البزازه وانت تسكت يلا يلا من هنا
رحل حازم وانفجر الجميع من الضحك علي هند
ياسمين : هاهاهاها الله يخربيتك ياهند هاهاهاهاها
هند : ايه الاشكال دي هو علشان طويل ماشي يفتري علي خلق الله يعني
تولين : انا مش عارفه اقولكو ايه انا متشكره اوي بجد
ياسمين : متشكره علي ايه يابنتي احنا اصحاب ولا انتي مش عايزه
تولين : لا طبعا ده شيئ يشرفني انا اصلا معنديش صحاب
هند : ياضنايا لا انتي تحكيلي بقي تعالو نقعد شويه
وجلسو البنات يحكو عن بعضهم وتبادلو ارقام التلفون وأكملو محاضراتهم وودعو بعضهم مع وعد للقاء اخر
*****************
في المساء ذهبت كل واحده الي منزلها وهم سعداء لكن اكثرهم تولين دخلت المنزل وهي تغني وفرحانه حتي ان الحرس تعجبو اول مره هذه الفتاه تفرح بهذا الشكل
تولين : ياداده ياداده
الداده : ايه يابنتي في ايه
تولين : انا عايزه اكل جعانه اوي
الداده : حاضر ياحبيبتي بس شكلك فرحانه يعني
تولين : اوي ياداده اوي
الداده : لا انتي تحكيلي بقي
تولين : هطلع اغير هدومي واخد شاور وننزل ناكل سوا واحكيلك ياقمر
الداده : ماشي ياحبيبتي ربنا يفرحك دايما
وتوجهت لعمل العشاء وجلسو هما الاثنان وحكت تولين لكوثر يومها مع اخفاء قصه حازم حتي لا تقلقها فهو من وجهه نظرها موضوع تافه ثم توجهت للنوم
***************************
في ملهي ليلي عند حازم وأصدقائه
فؤاد: ايه ياعم حازم ماعندك البنات زي الرز اهو وقمر اهو جات علي دي يعني
حازم: لا دي بقا مش زيهم كدا دي بسكوت محلي محطوط علي كريمه
عاصم: الاه البوب وقع علي وشو ولا ايه
حازم : ماعاش ولا كان اللي يوقعني بس دي دخلت مزاجي
رامي وهو يرفع كأس الخمر: انا قولتلو يبعد عنها شكلها محترمه مسمعش كلا.. كلامي
عاصم : ايه يارامي انت سكرت ولا ايه
رامي: انا مخنوق حاسس اني تعبان وزهقان من حياتي حاسس ان ربنا مبيحبنيش حياتي كلها غلط في غلط وحرام في حرام
فؤاد: مالك ياض يارامي
حازم : سيبوه ياجدعان قوم روح يارامي قوم ياحبيبي وبطل هبل
رامي وهو يلملم اشيائه : انا ماشي
عاصم : هو ماله رامي
حازم : معرفش بقالو فتره عمال يقول حرام وحلال ومينفعش بيهبل
فؤاد: المهم هتعمل ايه مع البت دي
حازم بابتسامه خبث: كل خير....!
( وانت يجي من وشك خير جتك القرف ) 🙂😂
***************
في مكان مجهول
##:في عندك اي جديد
##: قاعدين بيعملو الخطه ومعرفوش معاد التسليم اطمن ياباشا
##:هما لسه الناس محددوش المعاد اصلا يابجم
##:احم لمؤاخذه ياباشا
##: غور وأي جديد كلمني
##: اكيد ياباشا سلام
توقعاتكم!!!!!!
بقلمي : بسمله علاء
توقعاتكم!!
دمتم سالمين احبتي 💖
