في صباح يوم جديد يوم ممتلئ بالمفاجآت استيقظ جميع ابطالنا وادو روتينهم اليومي ثم توجه كل شخص الي وجهته
في مبني أمن الدوله
اللواء : ها ياشباب في جديد
مروان : ايوه يافندم احنا عملنا خطه ودرسناها كويس جدا وبعد اذنك يافندم هنستعين بفرقه من الجيش
اللواء : معنديش مانع طبعا انا في كمان حاجه في دماغي هنفذها بس خليها شويه انا سايبها لوقت اللزوم
أمجد : تمام يافندم دلوقت الراجل بتاعنا هناك عرفنا كل التفاصيل
اللواء : تمام احنا عرفنا معاد العمليه هتبقي اخر اسبوع في الشهر ده
محمود : قبل رمضان
اللواء : بالفعل يلا نشوف الخطه
وانصبو جميعهم علي درس الخطه وشرح اللواء لهم مايجب فعله
********************
في الجامعه
دخلت تولين المدرج وهي تبحث عن ياسمين وهند الي ان لاحظتهم فتوجهت اليهم
تولين : هاي عليكو
هند : هاي ورحمه آلله وبركاته
ياسمين : صباحو ياقمر
تولين : عاملين ايه يابنات
ياسمين : الحمد لله ياتوتا
تولين : كويس هي البت هند عامله كده ليه
نظرو الي هند ليجدوها تنظر ببلاهه علي شخص يقف مكان الدكتور
ياسمين وهي تقرص هند في كتفها : انتي يابنتي
هند : عااا ايه في اييه
تولين : انتي اللي في ايه مبلمه كده ليه
هند : ركزو مع ابو طويله ده بس وانا هحكلكو
فنظرو جميعا له وكان بدا التحدث
##: السلام عليكم انا دكتور زين هدرسلكم بدل دكتور عز لانه مسافر وطبعا مش محتاج اقولكم ان لو في اي حاجه وقفت معاكم انا زي اخوكم مفيش اي مشاكل يلا نبدأ المحاضره
وانغمس في الشرح لهم مع تركيز البنات وتوهان هند به وتذكيرها بما حدث صباحا
انتهت المحاضره ثم توجهو البنات الي الكافتريا
ياسمين : قوليلي هببتي ايه
هند : انا ياسوسو هعمل ايه يعني
تولين : لا يابت شوفي البراءه بتخر منك ازاي
هند : اسكتو خلاص هحكلكو
Flash back
هند وهي في طريقها للكليه كانت ستخبطها سياره لكن توقفت السياره فجاه ونزل منها شاب
الشاب : انا آسف جدا حصلك حاجه
هند بصوت عالي : اصرفها منين آسف دي الله يخربيتكو مبتعرفوش تسوقو بتركبو عربيات لييييييه
الشاب : بس بس علفكره انتي اللي غلطانه اصلا
هند : انت هتتبلي عليا ياجدع انت
الشاب : هو في حد يمشي في وسط العربيات وهو ماسك الموبايل يا اوزعه انتي
هند : اوزعه في عينك جتك نيله انا همشي بدل مارتكب جريمه
ذهبت هند وتركت شخص ينظر في اثرها بشرود واضح
back
هند : طلع هو ابو طويله اللي ادانا المحاضره فوق
ياسمين وتولين : هاهاهاهاها يخربيتك
تولين وهي تقهقه بشده : والله تستاهلي
هند : نينيني خلاص ياخفه انتي وهي يلا نطفح
ياسمين : هاهاها يلا يلا
اكلو ثم توجهو الي محاضراتهم
******************
في مكان اشبه بالمصنع المهجور
##: ها ياحضره الظابط مش ناوي تقول دخلت بنا ازاي
كريم ببرود بجانب الجروح الكثيره في وجهه وجسمه : من الباب
اخذ لكمه سريعه من شخص امامه
##: هممممم ماشي شكلك عايز تطول معانا هنا
كريم الظابط : انت اللي و*خ اول مره اشوف ظابط ببيع بلدو انت عار علي الجيش والداخليه كلها تبيع صحابك لكلب زي كمال بدران ياشريف
شريف : عملنا ايه بالداخليه يعني ماكل مهمه يا أمجد يا مروان اكن مفيش غيرهم وانا زهقت وكان لازم اشتغل
كريم : اخرتك وحشه وهتبقي زي الكلب
شريف وهو يصوب السلاح علي رأسه : ابقي استناني سلام ياصاحبي
ثم اطلق رصاصه في نصف رأسه بدم بارد انطلقت من يد بارده وشخص ذو قلب كالحجر لم يرأف حتي بصديقه وصعدت روح كريم الطاهره الي بارئه فنحتسبه عند الله من الشهداء
********************
في مبني أمن الدوله
كان محمود يجري في الطرقات حتي وصل لمكتب اصدقائه دخل عليهم وهو يلهث بشده
مروان بفزع من شكله : في ايه يامحمود
محمود : ......
أمجد : ماتنطق يابني
محمود : كريم
الجميع بفزع : مالو
محمود : كشفوه وقتلوه
سمعو جميعا صوت انصدام شخص بالارض وجرو جميعا ناحيته !!!!!!!!
توقعاتكم !!!!!
بقلمي:بسمله علاء ✏💖
