ياديرة وسط الضلوع معمورة ..سكّانها بين القوافي والالحان

البارت الاول

صباح يوم الجمعه في بيت كبير يجمع عيال واحفاد الجد صهيب
ابو فارس بصراخ: ييععيياالل قومو لا بارك الله في العدو لا صلاه ولا عبااده
طلع فارس الي صحى ع صراخ ابوه : لبيهه يا يبه وشوله الصراخ ؟
ابو فارس : وبعد لك وجه تسال وشوله الصراخ! رح رح قوم العيال يخلصون قبل الصلاه
فارس: ابشر
فعلاً راح فارس يصحي العيال
فارس بصراخ : ييععييااللل ققووموو للصلااهه
وطبعا ما كان في اي استجابه من العيال ككللهمم نايمين بعمق
راح فارس يجيب كاس فيه ماء وقام يرش العيال فيه
نادر بنزعاج وضيق :خاليي الله يهدااكك باقي بدرريي الساعه ٩ شفيكك
فارس  : قومو قومو لا يجيكم ابوي
قامو العيال واحد وصارو يتهاوشون ع الحمام من يدخل يتروش اول
نايف بصراخ : خخللنيي اخللصص دايم وانت تدخل تتروش بدري ولا تطلع بسرعه
نواف بصراخ : انتظرني لين اخلص ماني بمطول
في غفله منهم دخل مُهاب يتروش ولا استوعبو لين سمعو صوت الباب يتقفل
نواف بعتب ل نايف : كله منك لو انك مخليني ادخل بسرعه كان قد خلصت
راح نايف يجلس لين يخلص مُهاب ولا رد ع  نواف...
_
طلع مُهاب وابتدو العيال يتجهزون ويخلصون وراحو للصلاه
عند البنات .....
بعد ما صحصحو وخلصو ترتيب وعاداتهم بيوم الجمعه
راحو يضبطون الحلا والقهوه قبل يجون جدهم العيال وعمانهم من الصلاه
_
ونين : بنات في نعناع؟
جود وهي تسوي القهوه : اذا ما حصلتي بالثلاجه يعني مافي روحي قولي للعيال بسرعه قبل ينتبه جدي
ونين : اوفف مالي خلق اجلس اطالبهم
ملاذ : ماعليتس اذا ما قامو قولي لهم بطلب نديم
( للمعلوميه نديم راعي البقاله والعيال يكرهونه بالاخص بدر)
راحت ونين للعيال وهم جالسين بالمجلس
ونين : مُهاابييي
مُهاب : قبل لاتقولين وش تبين مافيني اسوي شيي ابد
ونين: نايف روح جب نعناع لجدي
نايف : قولي ل بدر يروح
ونين : شكل ما عندي الا نديم يجيب لي دام بجلس اترجاكم
بدر وهو توه جاي من برا : خير خير وش نديم وحنا موجودين؟؟!
ونين بطفش منهم : ابي احد يجيب نعناع لجدي وكلهم ما يبون يروحون
بدر : بس نعناع ؟
ونين : ايه بس
ملاذ بصراخ من المطبخ : جيب لي كودرد
بدر : وش كودرد عادتس بزر
ملاذ وش بزر عمري ١٩
بدر : اقنعتيني صراحه ، اخر مره اجيب لتس مب زين
ونين : خلك منها اخلص قبل ينتبه جدي ان الشاهي مافيه نعناع
راح بدر ورجعت ونين للمطبخ تكمل الشغل مع البنات
_

جات شموخ : بنات الله يصلح لي قلبكم وش عاد تسوون؟
ملاذ : ننتظر بدر يجيب النعناع
ونين : عاد تعرفون انه ما يعرف يخلص بسرعه لازم يجلس سنه عبال ما يجيب الاغراض
بدر من ورا ونين وهي ماهي بدرايه انه وراها
بدر: تجيك التهايم وانت غايب
ونين : اي تهايم ماني قايله الا الصدژ
بدر: اي اي معليتس مصدقينتس
فتره العصر ......
كانو الكل مجتمعين وسوالف ومبسوطين
محمد: يبه دام بدا البراد والاجواء الزينه شرايك نروح للعزبه ننبسط  ومنها نشيك على الحلال
ابو فارس: وانت صادژ  اجل قومو ولمو (جهزو) غريضاتكن