ياديرة وسط الضلوع معمورة ..سكّانها بين القوافي والالحان

البارت الثالث

ونين بتذمر: خير ي ملاذ ما يضحكك صارلي فتره ما اروح له
جود : خلاص معليتس معد بنضحك
راحو للخيول بس الصدمه
ونين بشهقه وبنبره قريبه للبكى: ففززااعععع
مُهاب جا بسرعه : ونين شفيتسس
ونين بانهيار: فززااعع ممااتتت
ضمها مُهاب وهو ضاايقق من ضيق اخته ويعرف وشكثر ونين متعلقه بفزاع
ونين بصوت متقطع من البكى: مُهاابب راح وخلاننيي فزاعع محد كان يهتم فييهه وش بسوي الحين بدونهه كيف بجي للمخيم بدون ما اشوفه ككيففف
مُهاب بحنان: ونين شوي شوي على نفستس ياقلبي معليتس بنجيب لتس غيره
ونين : ما ابي غغييرهه ماابييي
بعد فتره هدت شوي
ونين : ابي ارجع للخيام
مُهاب وهو يناديهم : ييععيياالل هيا ررجعناا
رجع الكل للمخيم
راحت ونين لابوها وضمته وهي تبكي
فارس: افا وانا ابو ونين شفيتس يا ابوي ؟
ونين: يبهه فززاع مااات ماتت
ضاق صدر فارس: يروح ابوتس يونين معليتس راح للي ارحم مني ومنتس اكيد انه بمكان احسن من هنا
ونين : ياربب
وجلست بحضنه لين وقفت بكي وجلست ساكته بدون تتكلم
جا بدر
بدر:ونين شفيتس؟
ونين : مافيني شي بس ابي انام
فارس: نامي نامي يا ابوي انتي
ونين : بروح للخيمه
فارس : والله ما تروحين وانا هنا
ونين: بس بوجعك يبه
فارس : انا فدااتتسس نامي معليتس غفت ونين بكل هدوء وهي ضايقه
شالها ابوها ووداها للخيمه عشان تنام براحه
اليوم الثاني ....
صحو الكل بنشاط والكل راايقق ومستعدين لاستقبال يوم جديد
كانو كلهم ملتمين بعد ما افطرو وخلصو
اتفقو العيال يروحون للحلال يشيكون ع الحلال ويركبون الخيول
فكت ونين جديلتها وما كانت منتبهه من يراقبها بالخفى
بدر الي طرى له بيت شعري كان ينطبق ع ونين
بدر:لا نثرت جديلها فوق المتون فاح دهن العود من جديلها
انتبهت بدر انه يناظرها ابتسمت له وراحت لجود الي تناديها
راحو للخيول
ونين بضيق: اهخ اشتقت لفزاع
نادر :معليتس يبنت خالي يمكنه مرتاح الحين
ونين : ان شاءالله
قاطع كلامهم جوال بدر الي كان يدق
راح بدر عشان يرد
لحقته ونين لان كانت تبي منه شي بس الصدمه سمعته يكلم بنت ما عرفتها
بدر : اسسفف ياقلبي ان شاءالله بجيتس بعدين
اي اي معليتس اسحب ع ابو المخيم بعد
سكتت ونين بصدمه وهي الي نست وش كانت تبي منه حتى
وراحت بصدمه وهي فيها غصه كانت تحاول تمسك نفسها ما تبكي
رجعت لهم وهي وجهها منقلب
ملاذ : ونيني وشفيتس ؟
جود: ونين ياقلبي قولي الصدق فيتس شي صح؟!
ونين بغصه : لا ما فيني شي مافيني شي
سكتو لان يدرون لو بيتكلمون بتبكي
راحت ونين وركبت اول خيل شافته قدامها تبي تروح لمكان مافيه احد
مشت وهي ما تدري وين تروح لين ضاعت ...
شهقت بصدمه من شافت انها ما تدل طريق الرجعه
وقفت بالخيل وحاولت تتذكر من وين جات
عند الخيام ..
العيال راحو من عند الخيول وما كانو منتبهين ان ونين مب معهم كانو يحسبون انها بالخيمه
استغرب فارس من شاف انها مب معهم
فارس: وينها ونيني مب معكم؟
مُهاب : ما جات عندكم؟
شموخ :لا ماجات وينها بنتي ؟
ام فارس : هدو يجماعه يمكن دخلت الخيام تريح او تعبانه
انتشرو يدورون لها ما حصلوها
راح بدر ع الخيل حقه يدور لها وببعد عنااء حصلها جالسه والخيل جنبها وتبكي بفجعه
نزل من الخيل وراح لها مسرعع
بدر: ونييننن شفيتس رحتي بدون تعلمين اححد؟؟؟!!
ونين ببكاء وبصراخ: مالك شغلل وخر عنيي
بدر سحبها معه بالغصب واخذ الخيل بيده الثانيه
خلاها تركب خيله وركب وراها ومشى فيهم للمخيم
وصلو والكل كان مفجوع ويدور ونين
شموخ:بدر يمه حصلتها؟
نزلت ونين وهي تبكي وركضت لحضن امها وهي منهاره
ضمتها شموخ بحنان وهي تطبطب عليها
شموخ: خلاص يا يمه هذاتس عندي وبخيير شفيتس تبكين
ونين ببكاء:ييمههه كنت خايففهه يمه مادليت الطريق
علياء راحت تجيب مويا لونين لانها كانت منهاره وخايفه حيل
شربت ونين المويا وحست انها احسن بكثير
ونين بتعب:يمه ابي اروح انام تعبت
حاولت توقف بس ما كان لها حيل تقوم
شموخ :مُهاب يا يمه شيلها للخيمه
شالها مُهاب للخيمه ونزلها جلس معها شوي يسالها وش صار بس وقالت له ونين كيف راحت بس ما قالت السبب
غطاها مُهاب باللحاف وتركها
💗💗💗💗💗