ياديرة وسط الضلوع معمورة ..سكّانها بين القوافي والالحان

البارت الثاني

ابو فارس: وانت صادژ  اجل قومو ولمو (جهزو) غريضاتكن
وضحى : بنبات هناك يبه؟
ابو فارس:ايه
ملاذ بحماس : حاايي عينكك يا جدي
ونين: يلا طيب نقوم نجهز ونرتب اغراضنا
قامو البنات وجهزو اغراضهم وجهزو الحلا والقهوه والشاهي وتقسمو على السيارات
السياره الاول كان فيها بدر-ونين-جود -مُهاب
السياره الثانيه كان فيها نادر -ملاذ- نايف - ام فارس
السياره الثالثه كان فيها ابو فارس - فارس-محمد -حصه-
السياره الرابعه كان فيها نواف -شموخ-علياء-وضحى
_

سيارة بدر كان الهدوء يعم السياره لين تكلمت ونين
ونين بملل:مُهاابيي شغل ايشي اكره الهدوء الي كذا
مُهاب :ابشري وش تبين اشغل؟
ونين: ياشوق انا قلبي لهوف
شغلها مُهاب وابتدت الاغنيه لين وصلت ل مقطع وصف بطلنا
اخـاف تطريـلك ظـروف اخـاف حـبي تجـهله يـاشوق انا قلـبي لهـوف علـى الـيالي الـمقبله
بدر بنفسه:  مع الاسف انتس تجهلين حبي
جود بملل : ونين وش هالاغنيه بتخليني انام
ونين : خلاص طيب مُهاب شغل محمد عبده
مُهاب : بشغل اغنيه احبها له
شغل مُهاب وقدم الاغنيه للمقطع الي يحبه
اخترتك من الناس للقلب خلّلهه ياحيثك مرادي وكيفي وذوقي ما رحت ادور كل زولٍ تحلى لولاك تسوى ما عطيتك خفوقيي
ارتفع صوت ونين الي تغني بكل حماس : يامدور الهّين ترا الكايد احلى
واستمرت الاغاني لحين وصولهم
بعد ماوصلو وثبتو الخيام مدو الزل ( الزل بمعنى الفرش او السجاد)
وابتدت فناجيل القهوه تتنقل لين تتوزع عليهم كلهم
والجلسه كلها سوالف والضحك
ابو فارس: يعيال شبو النار الله يرضالي عليكم
العيال: ابشر ،
_
راحو معهم البنات يبون يساعدونهم ويشوون
نايف : وش بتسوون؟
جود :بنسوي الكباب ونشويه وانتم عليكم تشبون النار
نواف : خلاص تم بس انتو اخلصو
مُناف :شبيناها وخلصنا يلا انتم سووها وحن بنحطها
كانت ونين قريبه من النار ومب منتبهه
بدر : ونين شعرتس بيحترق امسكيه
ونين وخرت بسرعه : يمهه
ملاذ : معاي ربطه تبين ؟
ونين : اي تكفين عطيني نسيت ما اجيب من البيت
راحت ملاذ تجيب الربطه وربطت ونين شعرها
ونين : يلا خلصناها الحين بننتظرها تستوي
رجعو لجلستهم بس كان ملل ومب جو العيال
نادر : يعيال هيا نروح للخيول نشوفها
ونين : اايي والله تكفون مشتاقه لفزاع
ملاذ : ونين مركزه على اهدافها
الكل : هههههههههههههههههههههههههههههههههههههههههههههههههههههههههههههههههههههههه

[ انتهى البارت 💗💗