ياديرة وسط الضلوع معمورة ..سكّانها بين القوافي والالحان

البارت العاشر

قامت ونين وقالت :ودي اروح انام عن اذنكم
الجد :يلا كلكم روحو نامو تاخر الوقت اصلا
افترقو الكل وراحو غرفهم ونامو الا بطلينا ما ذاقو طعم النوم
عند بدر.....
كان يتقلب ويحاول ينام وما قدر ارسل ل ونين وردت عليه
بدر...
ونين صاحيه ؟
ونين...
اي شفيك؟
بدر....اطلعي للسطح شوي واجيتس
قام بدر ونزل للمطبخ سوا كاستين شاهي وراح لونين
دخل السطح وشافها جالسه بسرحان ومو منتبهه انه دخل جا من وراها وضمها من الجنب وقال
بدر :وشفيها حبيبتي وروحي متضايقه ؟
ونين سندت راسها ع كتفه وقالت:ينتابني شين ما يعلم به الا الله من ضيقه الصدر اخاف تخوني زله وتجرح لها واحدٍ في خاطري غالي
بدر:جبر الله قلوباً لا يعلم بكسرها الا هو
ونين :والنعم بالله
بدر :تقييمتس للشاهي
ونين ضحكت :ما ذقته اصبر اشرب ؛ارتشفت منه شوي
بدر بثقه :انا سويته اكيد بيكون فوق التقييم
ونين :ما اقدر اقول شي لانه صدق فوق التقييم
بدر :اسمعي فكرت بشي وجيت ابشاورتس فيه!
ونين :اسمعك
بدر :بتزوجتس قبل اصايل وبعد زواجنا باسبوعين بتزوجها
ونين بتنهيده :الي تشوفه
بدر بابتسامه :ماعليتس لا تخافين وبدرتس موجود
ونين :مو خايفه
بدر :بحاول اصدق ،المهم بوريتس شي والي اتوقع انتس ضنيتي فيني السوء منه
ونين باستغراب :وشو؟
بدر يحوس بجيبه عشان يحصل الهديه حقته
طلع الخاتم وحطه قدام وجهها وقال:هذا الي ضنيتي فيني السوء منه
ونين بضحكه وهي توها تفهم :باللهه طلعت هذي دبلتك
بدر ضحك من غباءها :ايه شرايتس
ونين مدت يدها ولبسها بدر :مرهه حللوهه حبيتها
بدر :صدقيني انه عاد بس يدتس خلته يصير ححللوور بالحييل
ونين سحبت يدها بحيا وهي تتمنى الارض تنشق وتبلعها من شده الحيا
ضحك بدر من شاف وجهها صار احمر
ونين سحبت يدها من باسها وهي تغطي وجهها بدر وقف ووقفها معه وقال :يلا نروح ننام وبعدين نروح نختار اشياء ملكتنا
ونين :يلا
نزلو وكل واحد راح غرفته وما قدرو ينامون من فرط الشععور
اليوم الثاني ....
اجتمعو ع سفره الفطور وقال الجد :طبعاً يعيالي بما ان الجو زين وشتاء قررت نروح المخيم ونجلس فيه يومين
حصه :خير ما سوت يايبه
شموخ :اي والله مع الجو هذا يبيلنا مخيم
وضحى :متى بنروح يا يبه ؟
الجد :متى ما بغيتو تمشون قولو لنا
الجده :يلا قومو اجهزو
جود :نبي نسوي حلا وقهوه في وقت؟
فارس :ايه يمديكم روحو سوو
راحو جود وملاذ و ونين للمطبخ
وسسووه وخلصوه وراحو غرفهم
تفرقو بالسياره وكانو متحاشرين وكانت جود جنب مهاب الي يسوق( تعرفون الزحمه الي تخليكم تلصقون بالسواق 😂)
جود كانت متوتره من قربه عكس مُهاب الي معجبه الوضع وججداا
ونين بضيق:ناددرر وخر شوي قتلتنيي
نادر :يابنت الحلال وين اروح لتس! مايمدي
ملاذ الي كانت بحضن نادر لان مافي مكان ابدا
مهاب :تحملي حملي قربنا نوصل
ونين بنبره قريبه للبكي من الزحمه :اوف ليتني رحت مع ابوي
نايف بضحك :تعالي تعالي جنبي في مكان
بدر بغيره :لا معليك خلك مرتاح في مكان كبير عندي تعالي قدام يا ونين
ونين بحنق :يعني يوم قربت اموت تكلمتو ان في اماكن
نطت ونين جنب بدر وهي تتنفس بقوه
مهاب بضحك:علامتس يالخبله شوي وتموتين
ونين :وش اسوي انذبحت من نايف ونواف ونادر وملاذ معهم بعد
ملاذ :وش سويت لتس يحيوانه سويتي تعميم للكل وانا ما سويت شي
ونين :عاد لعبتس التذمر بالغلط قلت اسمتس
ملاذ :من كثر الحب تقول اسمي ياروحي يا ونين
ونين :من زينتس عاد
بدر :اقطعو الشر وصلنا خلاص انزلو
نزلو الكل وابتدو في فرش الزل ونصب الخيام وضبطو الوضع
بعد ما نزلو قالت ونين :يا جماعه من شاف الحلا !!
ملاذ :مو معتس !
ونين :لا مو معي تكفون لا يكون نسيتوه ولا خرب تعبت عليه
نزلت جود وبيدها الحلا :تعالي شوفيه عندي بس اخترب شوي ترا
ونين شافته خربان شوي بس انهارت لانها تعبت عليه وزينته :اووفف اوفف اوفف لييهه يختربب ليش ما تنتبهون له
بدر بضحك وطقطقه : ونين لو هو ولدك ما سويتي كذا
ونين كتمت ضحكتها بس ما قدرت وضحكت :وجع ما يضحك هههههههههههههههههههههههههه
محمد :يلا خلونا نجلس ونذوق حلا الاميره الي متحسفه عليه
جلسو واكلو الحلا وتقهوو وقال محمد :والله ممتاز الحلا يا ونين يستاهل الدراما الي سويتيها عليه
ونين بتذمر :عمميي حرام عليك باقي تقول دراما
مهاب :الا اقول قومو نسوي سباق ع الخير
بدر ضرب كتفه وقال :والله انك بططلل البططلل حبيت الفكره
نواف :ها يلا قومو
ملاذ :حنا معكم ولا بس انتو؟
نادر :معنا معنا يلا قومو
راحو للاسطبل وكل واحد اخذ خيله ومشو
نايف :يلا واحد ثنين ثلاثه
انطلقو وكل واحد اسرع من الثانيه وكان الترتيب كالاتي
ونين ومهاب بالمقدمه ووراهم بشوي نايف وبدر وملاذ
واخر شي كان نادر ونواف وجود
ونين بصراخ عشان يسمعونها :واضح ان الفوز لي انا واخوي وش الجائزه؟
ضحك مهاب وقال :ايي يلا معكم لين نوصل وش الجائزه
جود بضحك وصراخ:انا طلعوني من الحسبه وادعو اني افوز وش ذا الخيل المصدي
ضحكو كلهم ع ذبتها وقال بدر :لا يسمعتس جدي ويبيعتس انتي والخيل
الكل :هههههههههههههههههههههههههه
جود :لا خلاص امزح مسحت ع راس الخيل وقالت يحليله سريع وكبير وماشاءالله مب مصدي
نادر بضحك :احلى ترقيعه يا جود
ونين بصراخ وحماس :ووصللناااا ففزززتتت
وقفو الكل عند ونين وقال نايف :هيا نرجع عندهم ونقرر
ونين :ولا اقول مالي خلق افكر معد ابي هديه
هيا نرجع بس
غربت الشمس ...
بالجلسه قبل ينامون قال فارس:طبعا بكره بيكون اجازه للحريم وما بيطبخون ونين بحماس قامت وباست راس ابوها وحضنته وقالت :ياربيييي ويلومونيي فييكك
ضحك فارس وقال بتقليد :ويلوموني فيتسسس
الجد :يلا يلا كل ناس لخيمتهم راحو ينامون
الصباح الكل صاحي
دخلت ونين بتذمر للمطبخ وهي تقول :يعني انتو امس تقولون راحه للحريم وانا وش حيوان يعني!! ما تخلوني ارتاح
بدر الي تكفل بالفطور ونادا ونين وجود ضحك وقال :يلا يابقره قومي سوي الفطور معي
دخلت جو بنعاس ونفسيتها مش ولابد :يعني حنا وش ما تخلونا نرتاح حرام عليكم
بدر :يوه والحين وش يفكني منهم بيجلسون يتذمرون طول اليوم قومن قومن خلصو معي الفطور
قامو وخلصو وونين تقطع الطماط والخيار والجزر
وجود تسوي الشاهي والقهوه وبدر يخبز العيش ويسوي ايدام خضار
بدر :ونين تعالي ساعديني
جات ونين وش اسوي ؟
بدر :امسكي الصحن بحط فيه الايدام
مسكت ونين الصحن والصحن كان بلاستيك واحرق يدينها وما تحملت تمسكه وانكب شوي منه ع يدها وركبتها صاحت ونين وهي تبعد بسرعه وتحاول تمسك دموعها من الالم
بدر راح لها بسرعه وقال:وريني وريني
وخرت ونين يده وقالت مافي شي مافي شي
ناظر بدر في وجهها وقال اجل وش الدموع هذي !!
مسك وجهها ومسح دموعها وقال:روحي عند جود تحطلتس كريم طيب ؟ لا تهملينه عشان ما يعلم
ونين بنبره باكيه :طيب
جات جود من عند الحريم وشافتهم وقالت ونين وشفيتس ؟!
بدر :خذيها معتس وحطي لها كريم انحرقت
...........مر اسبوع بدون اي خبر يذكر غير ان الجد وافق ع ملكه ونين قبل اصايل
وبداو بالتجهيز
ملاذ:ونين انتي متخيله ان ملكتس باقي عليها اسبوع؟
ونين :لا والله باقي ما استوعبت بس احاول
جود :صادقه صار كلشي بسرعه ومر الوقت بسرعهه
ونين بضيق :بنات مضيقه علي اصايل احس ودي اقتلها
جود بغمزه :بدت الغيره بدت
ونين ضحكت:صدق بناتت عاد انتو تعرفون اصايل وتعرفون كيف مستفزه
ملاذ :في ذي صدقتي بس تحمليها وسوي فيها اي شي عشان تخليه يطلقها
ونين بتنهيده :بتجاهلها المهم الحين نبي نخلص التجهيزات
..............................................................
..............................................................
انتهى البارت ياحبايبي ما امداني اكتب لكم احداث مهمه وطويله بكمل كتابه واذا خلصت بدري اليوم بنزل بارت 💗💗💗