ياديرة وسط الضلوع معمورة ..سكّانها بين القوافي والالحان

البارت التاسع عشر

ملاذ :متى تجي الطقاقه ودي ارقص لين اتعب
ونين :الطقاقه بتجي بعد شوي تو سالت عمتي حصه
وبالنسبه للتعب بتتعبين لا تستعجلين ع رزقتس
بعد شوي جات ود والجازي ،،اما المهره راحت غرفة اصايل وهي مبسوطه (  الجندي المجهول 😂)
...............................................
اصايل بغضب :وش ذا التأخير!!
المهره بفرحه :جيتس جيتس بشري وش سوت لتس سلطانه؟!!
اصايل :*********************
المره بفرح كبيرر :اخخييراا بشوفها مكسوره من اعز الناس لها
اصايل:اول كسر يبدا بزواجه مني وعاد بموته خققهه وححبب
المهره:كفو يا اصايل خليتس كذا يويلتس تحبينه وتخريبن الخطه
اصايل بقرف :تخيلي احب القروي هذا اوكي انا بالديره طول عمري بس مستحيل احبه
_
عند البنات
ونين :ودي اقوم ارقص
جود :يلا حتى انا ودي
قامو البنات يرقصون وطبعا ونين محتله قلوب الكل
كانت تتمايل بخصرها النحيل وشعرها الاسود

جود لبست فستان ازرق بس كان ففخمم
ملاذ لبست فستان ابيض ناعم
ودّ كانت لابسه فستان اسود
الجازي كانت لابسه فستان احمر
الجازي : ونين بسالتس سؤال اذا ما بتتضايقين !
ونين :عادي ياروحي اسالي الي ودتس
الجازي :الحين بتروحين بيتكم لين يجي رجلتس ولا بتجلسين لحالتس لين يجي بكره؟
ونين :لا ياحبيبتي بهرب معه بدون يدري احد والله ما اخليه لأصايل ! وبعدين تخيلو جدي وجدتي معيين اروح معه! ياناس زوجي خير يحرموني من الروحه معه ! هذا غير تزويجهم له اجباري !
جود :والله معتس حق وابد احتزمي يبنت خالي حن معتس نفزع لتس
الودّ: اي والله والجود صادقه ما توقعت من جدي يسوي هالحركه !
ونين :لانه يحب اصايل يحسبها مسكينه وتحب بدر
ما يدري انها ملعونه صير
ملاذ ما قدرت تتحمل وانفجرت ضحك
ونين ضحكت من ضحكها:وش يضحكتس يالخبله
ملاذ ما قدرت تتكلم من الضحك
ونين بجديه :المهم اسمعو هي بتنزف بعد شوي صح!
جود :ايوا تو امي تقول انه بينزف بعد شوي
ونين :اجل اسمعو
اقتربو منها وقالت :بنات بسوي فيها حركه ما تنساها وانا متفقه بعد مع الطقاقه وشرحت لها ككلل شيي بالتفصيل عشان ما ترفض
قالت لهم ونين خطتها وشجعوها ع الفكره !
وقت الزفه
نزلت اصايل مع الدرج الكبير وكانت بتتعثر لكن مسكتها المهره بسرعه
ونين بقهر طالعت فيها :الله يقلعتس يالحمار لكن طبّتس عندي!
وصلت عند الكوشه وفجأة اشتغلت اغنيه خربت عليها!
<<بحظر زفافك ..ياحياتي >>
اشتغلت الاغنيه وخلصت وطول الوقت ونين تضحك هي والبنات
الطقاقه:تغطو الحريم تغطو العريس بيدخل
ودخل بدر وكان شككلهه يففتتنن
ونين كانت تمووتت من داخلها بس تمالكت نفسها وطبعاً
كانت تسمع همس الحريم عنها :
وش فيها جات عرس رجلها ، الا شكله اجبرها تجي
لا يمكن فيها عيب واعرس عليها
ما تحملت كلامهم وقامت لبدر تحت انظار الجميع
مشت وضمته تحت انظارهم وهو كان متجاهل اصايل كلياً وانبسط يوم جاته وقام ع طول ودخلها داخل بشته
البنات صاررخوو
بدر همس باذنها :احبتس مثل ما عينتس تشوف والهوى مع القلوب وضدها
ونين :حبني ولا عليك من الظروف
فكو بعض لما اشتغلت الاغنيه
مسك خصرها وهي حاوطت رقبته
ونين غنت مع الاغنيه بككل ححبب تخفي حزنها رغم انه واضح لبدر فقط
خلصت الاغنيه و ونين قالت :روح اجلس بسوي حركه وربي لاخليها تكره اليوم الي وافقت فيه!
بدر:متاكد انتس سويتي شي اكبر من كذا ولا ليش وجهها كذا
ونين ضحكت:تاكد لا تحس خل انفرد فيك واعطيك العلم
بدر ضحك وجلس جنب اصايل بس خلى فراغ كأنه عارفه وش بتسوي 
جات جود ومعها الكام
ونين مشت بتغنج بين بدر و اصايل
وحطت رجل ع رجل
جود ضحكت وقالت:الله عليتس يا ونين حبيتت
ونين ضحكت وغمزت لها
فهمت عليها جود و تجاهلت اصايل ولا صورتها
انتهى العرس وصار وقت خطة ابطالي
دخلو الغرفه و ونين سحبت بدر
يلا بقولها تلبس وانت روح جهز السياره
بدر :يلا واذا تاخرت نمشي ونخليها ذا النشبه
ونين :والله وديي اذبحها مو بس اخليها وامشي
بدر :خليتس منها اوريتس فيهاا
_
ونين دخلت عند اصايل وطالعت فيها بشماته
ونين مسحت ع راس اصايل بقرف :ماعليتس حبيبي لا تتضايقين ما بعد شفتي شي بتتحملين وضعتس غصب عليتس لانتس وافقتي ع واحد متزوج بعدين صدقق مافي كرامه اوف ياربي
لبست عبايتها ونين
ونين :البسي ترا بنمشي وبنخليتس اذا تاخرتي ، يمكن يعجبتس العامل وتتزوجينه اعرفتس يعجبتس الصالح والطالح!
اصايل طالعت فيها بقهر ولا قدرت ترد
ونين مشت وتركت اصايل لحالها
ونين ركضت لسيارة بدر
ركبت قدام بضحك وتعب
ونين :اهخ ضحكني وضعنا ازواج ونهرب مع بعض
جات اصايل وركبت ورا بقهر يوم شافت ونين راكبه قدام
( اصايل ساكته لانها متوتره من الوضع ولانها تطبخ الطبخه ع نار هاديه)
ونين بضحك :تخيلت شكل جدي لما يعرف اني رحت معك
بدر ضحك:بيقلب عليهم قلبه
ونين :وحن معهم بعد لا تنسى
بدر وقف ضحك من كلامها :استوعبت
_
وصلو بيتهم
ونين بصوت عالي وبسخريه :اهلا يا اصايل اظلم بيتنا
اصايل بنفسها:اوريتس يالخبله اذا ما خليتس تتعذرين وتحبين رجولي ما اكون اصايل
اصايل بهدوء: صار بيتي معكم
بدر بضحك:صدقت نفسها ذي
ونين مسكت كتفه وقالت :يلا نروح غرفتنا ياروحي
بدر حاوط خصرها :اه ياخصرتس الي يجيب اجلي
ونين ضحكت: بسم الله علييكك حبيبي بعدوينا ان شاءالله
بدر يدندن: اسمع رسول اشواق قلبي يناديك ترقص اماني نشوتي لأجل اشوفك
ونين :اخذ من ظروف الرخاء وقت واعطيك
دخلو غرفتهم تاركين اصايل تناظرهم بقرف وقهر
بدر :ع طاري الرقص تذكرين يوم تهاوشنا !
ونين :متى؟،،، بعدها ضحكت :دايم نتهاوش متى بالضبط
بدر :يوم دخلتي غرفة البنات وجلستي ترقصين لهم
ابي ترقصين لي زيهم !
ونين وسعت عيونها:ايا قليل الادب كنت تناظرنا
بدر :جيت بقولتس شي وشفتس كذا وش اسوي
لا تغيرين الموضوع ارقصي لي
ونين : ع ذا الخشم
بدر وخر اصبعها وباس خشمها
دخلت الحمام وبدلت ملابسها لبست
فستان بيبي بينك قصير لنص الفخذ
وشغلت مصري وربطت طرحه ع خصرها وكانت تغني
وتتمايل ع الموسيقى
قربت من بدر وباست عيونه
بدر سحبها بسرعه وباسه بعمق
فكها بعد ماًطلبت انفاسها
ونين ضربت كتفه بخفه :خلصت رقصت الحين دورك ابي تمسد ظهري
بدر:من عيوني ابشري ،،يلا انسدحي
ونين انسدحت ع السرير  وجا بدر فوقها وبدا يمسد لها
فجاة صار يدغدغها
ونين بصراخ وضحك:ءءء لا وقف يحماررر بتموتني
بدر بضحك :تستاهلين ،،بسم الله عليتس اضحكي شوي ما يضرتس
...........................................................
انتهى البارت يا اجمل ما خلق ربي عطوني رأيكم فيه
وعوضتكم عن البارت الي وعدتكم فيه نزلت البارت وحذفته لان حسيته قصير 💗💗💗💗