ياديرة وسط الضلوع معمورة ..سكّانها بين القوافي والالحان

البارت الثالث عشر

بدر بتفكير :طيب تبين نروح جده ؟
ونين :بس بعيده
بدر :مايهم اروح لاخر المملكه عشانتس
ونين بحماس :اجل تتمم يلا
كملو سكة السفر الطويله وكل شخص فيهم يحس بشعور عظييم بانه مع محبوبه وماسكين الطريق لجده ويحسون ان الطريق قصيير من حلاوته
بعد فتره قصيره من السوالف تثاوبت ونين بنعاس وقالت :باقي مطولين ؟
بدر :اي باقي تقريبا ٥ ساعات اذا نعسانه نامي
ونين بكسل :نعسانه بس مابي انام واسحب عليك
بدر بمزح :افاا وانا اقول انتس بتجلسين تتابعين معي لين نوصل اثاريتس بتسحبين علي
ونين اعتدلت بجلستها وقالت :افا عليك بكمل معك ما بنام
بدر بضحك :امزح عليتس نامي نامي
ونين باصرار :لا بجلس معك ما بنام
بدر :متاكدة وجهتس ما يدل وجه وحده بتواصل ل خمس ساعات! نامي لا تتعبين
ونين :دوديي خلاص قلت ما بنام
بدر:طيب خلاص ما بتنامين بس جيبي فروتي من ورا وتدفي فيها
نطت ونين لورا واخذتها ورجعت وتدفت فيها
غمضت عيون ونين وهي بتنام
بدر :افا وين الي تقول بخاويك وبكمل معك؟
ونين ما ردت لانها نامت
كمل الخمس ساعات لوحده
بجده عند الفندق ~
بدر: ونيني
ونين ماردت
بدر هزها :يالسكر المعقود ما ودك تمسي ع الدنيا؟
ونين فتحت عيونها وابتسمت وضمته وقالت :دام البدر منور سماي فا يازينه من مساء
بدر باس راسها وقال:يلا وصلنا هيا ننزل نصلي وتكملين نومتس
ونين :يلا نزلنا
بدر اخد الغرفه وقال للموضفين يطلعونها للغرفه ومشو هو وو ونينه لغرفتهم
وصلو ونطت ونين ع السرير وانسدحت :اه ياربي تعبتتت جسمي كلهه يعورني
بدر انسدح جمبها وضمها له وقال :ياعسى التعب كله بضلوعي
ونين :لا بسم الله عليك يا حبيبي الا بعدوينك ان شاءالله
بدر :امين،هيا نصلي عشان ننام الحين ونصحى بدري
عند بيت الجد صهيب ~~~
جود بملل :اوف اشتقت ل ونين
ملاذ :اخذها اخوتس الخبل كلها منه
الجده:هي تبي معه خلوهم بحالهم
حصه:اطلعو ل اي احد غيرو جو من بعد الخطبه وانتم ما طلعتم
وضحى:اطلعو ل ام مشعان وبناتهن
علياء:و وضحى صادقه روحو لهم
<<تعرف ببنات ام مشعان >>
ام مشعان كبيره بالسن تحب جمعات الحريم وتجي للديره من فتره لفتره ومحبوبه عند حريم الديره
ودّ انسانه تنحب وودك تخبيها بقلبك من حلاوتها طيبه وخوافه تحب جمعات البنات عمرها ٢٢
مُهره فيها شوفه نفس شوي بس حبوببه ما تحب الديره وتشوف ان عيشه المدينه افضل بكثير من العيشه بالديره عمرها ٢٦
الجازي الاخت الهاديه الحنونه تحب الديره وتحب حفيدات الجد صهيب وتتمنى تتجمع معهم بس كانت خجوولهه عمرها ٢٤
<<<<<<<<<
تجهزو البنات وطبعا عطو بنات ام مشعان خبر بجيتهم
راحت جود لمهاب وقالت له :مهاب عادي تودينا عند ام مشعان؟
مهاب :ابشري ،جاهزين؟
جود :ايه
مشى معهم ووصلهم ورجع بيتهم
جود بتوتر:ملاذ دقي البنات
ملاذ :والله تخسين دقي انتي
جود :اوف وجعاه يملاذذ ليتنا ما جينا انا باقي امي ترد عني وش اقولها الحين لا قالت كيفكم
ملاذ بضحك :يابنتي هونيها وتهون عادي قولي بخير الحمدلله بس
جود طنشتها ودقت الباب بشوويش
ملاذ :الحين بدقه الباب هذي تتوقعين بيسمعون دقتس؟ دقي زي الناس
جود بغضب:طيب دقي انتي بتنكسر يدتس اذا دقيتي!!
ملاذ دقت الباب بقووه وفتحت لها ام مشعان
ام مشعان:هلا هلا بعيالي هلا
ملاذ بخجل:هلابتس ياخاله
جود :هلابتس ياقلبي
ام مشعان:تفضلو تفضلو بناديلكم البنات الحين
جلسو البنات ينتظرونهم يجون
دخلت ود وقالت:هلا وغلاا بخواتيي
جود :هلابتس ياعيوني
ملاذ:هلا فيتس
سلمو عليها وجلسو وقالت ود :شخباركم
جود :والله بخير الحمدلله علموكم انتم
ود :الحمدلله بخير كيف التعب بعد زواج ونين
ملاذ:نسلم عليتس عاد والله انبسطنا بس فقدناهم مره
ود :معليكم فتره وترجع لكم والمعذره والله ما قدرنا نحضر زواجهم تعرفون كنا بالمدينه جدي تعبان ولا قدنا نجي
جود:لا عادي عذركم معكم والله وسلامته ما يشوف شر
ود :الله يسلمتس
جات الجازي وقالت:حياكم الله
ملاذ:الله يسلمتس ياروحي
وانعاد نفس الموال واخذو اخبار بعض
الجازي: كيفها ونين مع الحياه الزوجيه
جود:تسلم عليتس 
مهره جات وسلمت وجلست معهم
وكانت سوالفها عباره عن ولد عمها وولد جيرانها واولاد العائله باختصار
مُهره :ايه عاد تخيلو مره جيت عند بنات عمامي لقيت العيال متجمعين بالصاله ولو تشوفون وجهي وقتها حمر وشوي وابكيي يمه بنات
ملاذ بتسليك:وش كنتي لابسه وقتها ع الاقل لو لبس ساتر تهون شوي
مُهره :يوه تخيلي كنت لابسه فستان اسود مخطط ابيض لفوق الركبه ولابسه كعب ابيض معه
جود بهمس لملاذ :كنها حمار هههههههههههههههههههههههههه
ملاذ كبحت ضحكتها بس ما قدرت
جود قرصتها وقالت :ايه وش صار بعدها
مُهره بنزعاج من ضحك ملاذ :انسه ملاذ ممكن تقولين لنا وش يضحكك عشان نضحك معك ؟
ملاذ :ولاشي كملي وش صار بعدين؟
مهره: قلت لهم يصدون ومشيت من قدامهم بس
ود:متى صار ذا الموقف يا مهره!
مهره:قبل فتره
الجازي وهي تدري ان مهره كذابه :كان ناديتي اي وحده من بنات عمي
مهره :عادي كلهم اخواني اصلا
جود الي دقت عليها جدتها وهي ما صدقت تدق عليها عشان ترجع البيت لان تضايقت من مُهره وجدا:يلا يبنات استودعتكم الله
ود قامت وضمتهم وهي تحبهم حيلل وهم بعد :لا تطولون الغيبه بشتاق لكم كثيرر
ملاذ :والله حنا الي بنشتاق لكمم اكثر ياروحي
ضمو بعض وهم عند الباب راحت مهره بسرعه وطلت من عند الباب وشافت مهاب
وقالت :بنات مو هذا مُهاب ؟؟؟ يازينهه صار محلو ماشاءلله عليه
جود طفح الكيل عندها وقالت :مت سمح لتس تطلين وتشوفين احد طلب منتس تشوفين اذا احد جا ولالا!!
مهره :الله! شفيتس عصبتي تراه مب زوجتس عشان تعصبين علي وتغارين عليه
ملاذ :احترمي نفستس لا اعيد تربيتس !!
ودّ بعصبيه ع مهره
ود :مهره روحي جوا لا افصل عليتس
مهره بكل برود شمقت لهم وطلعت
جود بتعذر للبنات :اسفه يبنات بس رفعت ضغطي حركاتها مستفزه عارفه انها اختكم بس الصدق والله
الجازي : ولا يهمتس ياروحي عادي
ملاذ:يلا ياروحي انتم مع السلامه
ود :الله معكم ياقلبي
..................................................
انتهى البارت يحباني ان شاءالله يكون عاجبكم عطوني رايكم بالشخصيات الجديده والبارت كمان
وطبعا وحده من هالشخصيات راح تدخل بعائله ال صهيب ف استعدو 💗💗💗