ياديرة وسط الضلوع معمورة ..سكّانها بين القوافي والالحان

البارت السابع

ونين:يوهه ياجود ذي مب هوشه نمزح
قامت ونين وهي تضم ملاذ بكره عشان جود
بدر :الا اقول يلا كلكم ع غرفكم اشوف
قامو كلهم بدون اعتراض لانهم يعرفون غضب بدر وكيف يعصب عليهم ويقلب الدنيا
اليون الثانيه
كلم بدر ابوه وجده واقنعهم يخطبون له ونين وانه ولد عمتها واولى من البعيد واقتنعو قررو بعد ما ترفض ونين محمد بيومين بيكلمون فارس
بدر راح لفارس يبي يكلمه ويقنعه
بدر:خالي ابيك بكلمه راس
فارس: ابشر ياولدي
بالحوش عند بـدر وفـارس
فـارس:سـم يا بـدر وشبغـيت؟
بـدر:ياخالي جيـتك وانا راجـي انـك ما تردنـي
فـارس:كـاني اقـدر عليه اعتبـره جـاك بس وشـهو طلـبك؟
بـدر:خالي انا طامعن بنسبك وابي ونين على سنة الله ورسوله وزي ما تعرف ان القريب اولى من البعيد وانا ولد عمتها وبصونها
فارس بتفكير: بس انت تدري ان محمد تقدم لها قبلك وهذا نصيبها ومقدر اقطع نصيبها!
بدر:خالي انت شوف رايها بالاول وخيرها بيننا وكانها تبي محمد الله يستر عليها
فارس : طيب طيب بشوف لها والله لولا معزتك عندي يابدر واني اعتبرك ولدي مثلك مثل مهاب كان ما فكرت اني احاول اخليها ترفض محمد
بدر قام وهو يبوس راسه :عساني ما انحرم منك
ذخلو داخل وكملو جلستهم ما كانه صار شي
ونين: يمه نبي نروح ل بنات صيته تسمحون لنا؟
ملاذ :دقيقه ذكروني ببناتهم
جود :بشرى وسلمى ورند
ونين :يعع اكره رند بس البنات حليواتتت
الجده :عادنها ازينهم رند علامكن تكرهنها!
جود بقرف:يوه يا جده الله لا يوريتس بلاويها تمغث صدق
ونين وهي تنسدح بحضن جدتها :ولا اذا جات تتكلم وتمايعت تحححوممم تسبدديي
الجده: عيب عليكن يا حبيباتي خلاص اسحبن عليها
نادر :يوه ياحبكم للحش تبون تروحون لهم وانتن تحشون فيهم
علياء بضحك :عاد انت يا نادر بنقلب عليك مواجعع
نادر : وليه ان شاءالله
وضحى بضحك: كان عندك مااضي اسسوود بالحش
نادر وهو يبي يغير السالفه :ايه يا ونين وش صار على محمد
ونين وهي تقوم : ما يخصك خلك بالماضي الاسود
حصه بضحك مفرط : ايه يانادر اذكر انك كنت تجلس بالنص وتعيي ما تروح عشان لا يفوتك الحش
شموخ بضحك : اذذكرهه كنا نحاول نصرفه هو ومهاب يروحون اي مكان عشان ما يتلوث عقولهم بالكلام
مُهاب بضحك وتذمر:الحين ليه قلبتو علي معه ؟
بدر بضحك : خلك معه نبي نسمع الماضي الاسود هههههههههههههههههههههههههه
الجد قاطع جلستهم والفضايح الي بتصير وقال:بدر تعال عندي مكتبي
بدر:تامر امر انا جايك
بمكتب الجد...
الجد :بدر ياولدي كان لي خاطر عندك بتسوي الي اقولك عليه
بدر:والله ان تبشر به ولو كان اعز ما عندي اشر واعتبره تم
الجد : ما ابيك تتزوج ونين
بدر بصدمه:بس
قاطعه الجد :لا بس ولاشي انت قلت لي تم !!
بدر :جدي انت تعرف اني ابي ونين
الجد :انا قلت الي علي
بدر: طيب من باخذ ؟
الجد :ابيك تاخذ اصايل
بدر بصدمه :اصايل ما غيرها!!
الجد :ايه وعلامها اصايل سناعه وذرابه
بدر:طيب ونين بعد سنعه وذربه بس عطني سبب مقنع عشان ما اخذها
الجد :ما ابيك تاخذها وبس
طلع الجد من المكتب وجلس بدر بصدمه وهو يتمنى يرجع الوقت ولا يوافق ولا يبي يكسر خاطر ونين وهو عطاها امل انه بيخطبها
رجع الجد للجلسه ومر بدر من قدامهم ووجهه منقلب
الجده عرفت انه علمه بس ما كانت تدري ان بدر يبي ونين ولا كان اعترضت
شموخ:علامه بدر منقلب ؟
الجد بهدوء:خلوه لحد يقربه
قامو بعد ما اعلن الجد وقت النوم كالعاده
اليوم الثاني :بعد الغداء
الجده : باركو لبدر
محمد: مبروكك يا بدر ، بس على وش ؟
وضحى :خطبنا له اصايل
ونين بصدمه :شلون خطبتو له وما علمتونا!
ملاذ وهي عارفه بحب ونين وسمعت اعترافهم لبعض :صدق شلون خطبتو له وما علمتونا
الجد : وش بتسوون اذا علمناكم ؟
جود :لا بس استغربنا كيف صار كلشي بسرعه
ونين بغصه : مبروك يا بدر عساها زواجه الدهر
وطلعت فوق وهي مكسوره ححييلل ومتحسفه ع امالها الي خابت
قفلت الباب وارتمت ع السرير تبكي وهي مكسوره ححيلل
ملاذ طلعت ع طول ورا ونين : دقت الباب بسرعه ، ونين ونين افتحي الباب
ونين بخفوت :ما ابي اشوف اااححد روحو عنيي
ملاذ خافت تزيد وتعصب ف راحت بهدوء وهي تحاول توضح ان الوضع عادي
الجده باستغراب:وراها ونين طلعت ؟
ملاذ :تعبانه يا جده
الجده : مسيكينه من اليوم ووجهها منقلب ماهي على بعضها
فارس بخوف : ليه وشفيها؟
شموخ: فيها دوخه وصداع واطرافها ترجف بس ما رضت نقول لكم وتودونها المستشفى
فارس قام لغرفتها:
فارس وهو يدق الباب : ونين افتحي يابوي
مافي رد :
فارس رجع يدق اقوى
مافي رد :
فارس خاف ورجع ورا وتقدم بسرعه يكسر الباب
كسر الباب وهو يشوفها وجهها احمر ومغمى عليها
راح لها بسرعه وهو يضرب خدها:ونين اصحي يا بنتي شفيتس
فارس اخذ الجلال الي قريب منها وغطاها فيه وطار فيها للسياره
شموخ قامت بخوف :يويلي عليتس يابنيتي وشفيها ؟
فارس بصراخ: بدر تعال يا بدر للسياره
وبسرعه طارو للمستشفى
دخلوها الفحص
وجلسو ينتظرون ٢٠ دقيقه طلع الدكتور
الدكتور :من فيكم ولي امرها؟
فارس وقف :انا
الدكتور: البنت فيها فقر دم وسوء تغذيه اتمنى تنتبه لاكلها وبصرف لها ادويه قدامها العافيه ان شاءالله
تقدرون تاخذونها صحت
دخل لها فارس وشافت ونين الي كانت تبكي وصاده عن الباب
راح وحضنها وقال، وشفيتس يابوي من مضيقتس؟
ونين الي ما تعودت تخفي عن ابوها شي ،ابوي كذب علي اوهمني يابوي
فارس ما هان عليه يشوف انكسار بنته :يروح ويجي غيره يابنتي نفس ما قدر انه ياخذ وحده غيرتس سوي زيه
ونين :كيف اسوي زيه اتزوج يعني ؟
فارس كبت ضحكته من غباء بنته:ونين ركزي اقصد تخطيه وتجاهليه انا ماني جالس احرضتس ع ولد عمتس بس وحده بوحده
ونين :طيب متى اطلع من هنا؟
فارس بمزح:بتجلسين خمس ايام
ونين بصدمه :وشوله خمس ايام بموت انا
فارس بضحك وضمها له:بسم الله عليتتسس امزح معتس تقدرين تطلعين الحين بس ترا ما جبت عبايتس جبت جلالتس
ونين :طيب خل مُهاب يجيب عبايتي من البيت ما ابي اطلع بالجلال
فارس :تبششرينن يا الغلا
ونين باست راسه :تبشر بالجنه
راح فارس ودق ع مهاب
مُهاب بخوف ،يبه شقالو لونين!!
فارس :لا تخاف ياولدي كلشي بخير وهي بخير وصحه بجيبها بس دقيت عليك ابي تجيب عبايتها
مهاب:ابشر
بعد وقت قصير
جاء مهاب وبيّده العبايه
مهاب باس راس ونين :سلامتس ياوخيتي
ونين :الله يسلمك
فارس :يلا يلا طلعنا استعجلو
طلعو للبيت والكل استقبل ونين بخوف وتساءول وشفيها
الجده :ها يا ونين عساتس بخير يا بنتي
ونين :الحمدلله يا جده احسن
قامت ونين من شافت ان بدر جاء
ونين : عن اذنكم ابروح اريح تعبت
الجد :اذنتس معتس
قامت ونين بسرعه وراحت للسطح
ونين تحاول تمسك نفسها لا :اوف يا ونين اوف تقولين انتس بتقوين وهو بكلمه بس كسرتس !
بدر الي شافها طالعه السطح ولحقها يبي يبرر لها
بدر :اكسر العالم كله ولا اكسرتس لا تقولين كسرتس
ونين بدموع:وهالي انا فيه وش تسميه!!
بدر :غلطه
ونين :غلطه! هذي تسميها غلطه ولا تعمدت تعلقني فيك وتحط كل امالي فيك وتخيبها
بدر :انجبرت يا ونين انجبرت
ونين بسخريه :انجبرت ! ومن اجبرك يا ولد عبدالله
بدر:جدي
ونين بعدم تصديق :جدي !
بدر:ايه جدي ،جدي الي منعني اني اتقدم لتس ويبي ياخذلي اصايل
ونين بتمثيل العدم اهتمام :ما هميتني انت ، بس تجيبون اصايلوه واجلس انا وياها بنفس البيت هالشي اننسسوهه
بدر بهدوء :ادري انتس مصدومه وادري بعد انتس كنتي تتوقعين انها خطبتس وانصدمتي يوم قالو انها اصايل انا داري
ونين :طيب ودامك داري ليه ما حاولت تمنعه ! ليش ما دافعت عشاني لليييههه! ولا عند اول مطب تركتني !
بدر بحده :ما تركتس قلت لتس انتظري
ونين :مالي دخل فيك ولا لك دخل فيني الحين حط حيلك كله باصايلوه خل تنفعك اكثر مني معليك
بدر بهدوء :باخذتس غصب عليتس سواء كنت مع اصايل ولا بدونها
ونين بغضب :انسى انك تاخذها علي ولا اكون الثانيه اننسسىىى
بدر :شلون اكسر كلمت جدي افهمي شلللون!!
ونين :قلت الي ابي اقوله وخلاص
بدر :طيب اسمعي
قامت ونين ونزلت غرفتها بدون تسمعه
ونين بتفكير :مو معقوله انه بيخليني ارفض محمد وبيروح يتزوج اصايل في إنّ بالموضوع
انسدحت وهي تحاول تنام وتنسى موضوع بدر لكن ما قدرت واخذها التفكير لين عورها راسها
قامت ونين وهي تنزل للمطبخ تدور بندول
(في جهه اخرى عند بدر)....
بدر تنهد بعمق وهو يفكر كيف يقنع ونين توافق انها تكون الثانيه
راح للمطبخ يبي يسوي شاهي وقف بستغراب من سمع ضجه بالمطبخ
دخل للمطبخ وشاف ونين وهي تحوس بالدروج
بدر بهدوء : وش تدورين
ونين لفت بخرشه :يمهه الناس يطلعون صوت ولا ايشي يدل انهم بيجون بس انتت! لازم تخوف
بدر بابتسامه :هدي شوي شوي لا تموتين علينا
تجاهلته ونين وطلعت للسطح لحقها بدر بس هي ما انتبهت انه جا وجلست تتامل البيوت وهدوء قريتهم
غنت بكل هدوء
(حسبي من الودّ نظره اعرف بها مخرجي ....واعلل الروح فيهل واقول يمكن تجي ....ياليتني من البدايه ما شفت خده النقي انت السبب يا فؤادي ويا عيني ليه تعشقي!
دخل بدر وردد وراها
(يا عذبه الحسن بالله بالنار لا تحرقي قلبي وكفي دلالك يا حلوتي وارفقي
بدر :احب هالمقطع احسه يوصف احساسي
ونين بهدوء:ما اتوقع ان بعد الي سويته عاد فيك احساس!
بدر:اه يا ونين بلا شعور اجلس مع الناس وافوع واكتم نفسً تزايد جزعها ،والارض من بعده عقبه ضاق بي متسعها
ونين :اقدار والاقدار محدن بمانعها
بدر:ياقو قلبك ع الصد وياصبرك ويا وسع صدري على صدك ويا صبري