ياديرة وسط الضلوع معمورة ..سكّانها بين القوافي والالحان

البارت الثامن عشر

والشخص الثاني نقدر نسميه الجندي المجهول وراح نعرف مين هالشخص مع البارتات الجايه ،،،
كان مبسوط للزواج بحكم كرهه للونين وللبدر ونيته الشينه بتخريب حبهم وزواجهم وينتظر اليوم الي بيشوف ونين مكسوره من هالزواج
...........................................
(يادفء روحي ان مسها البرد )
اليوم المنتظر يوم الزواج >>>>
في غرفه ونين والبدر
فتحت عيونها على صوت جوالات ترّن !
اختفت اصواتها وفجاة رجعت ترن،، اخذ جواله وهو يشوف مين المتصل وكان مُهاب تكى وهو يشوف الساعه
وسرعان ما فز  ( كانت الساعه ٣:٣٠ العصر)
قام باستعجال ياخذ له شاور
قامت ونين ع صوت الجوالات الي ما وقفت
اخذت ونين جوالها وهي تشوف ان ابوها المتصل
ونين بصوت مليان نوم :هلا يبه
فارس بصدمه :وينكم انتو ليكون تو تصحون!
ونين :اي والله تونا ماعليك شويات وحن عندك !
فارس بتنهيده :الله يصلحكم يا بنتي يلا استعجلو
ونين هزت راسها بـ اي وسكّرت
بدر باستعجال :ونين وين اغراضي
ونين :الكبك قدامك بالعلبه السوداء والثوب بالدولاب والباقي قدامك ! بعدين هدي شوي شفيك مستعجل!
بدر بسرعه:ونين مب وقتس ابدا اسكتي
ونين حزت بخاطرها انه يسكتها ويقولها هالكلام
-
قامت اخذت لها شاور وطلعت فستانها ونشفت شعرها ولبست فستان اسود يذببحح وسوت شعرها ويفي كان يوصل لنهايه لوسط ظهرها وحطت ميكب ناعم ورشت عطرها بريحة الياسمين  ( للي ما يذكرون ونين يوم الحادثه قصو شعرها لحد كتفها والحين صار لوسط ظهرها)
اخذت ونين عبايتها وشنطتها ونزلت كان البيت فاضي مافي احد لانهم راحو للقاعه كلهم
سوت لها كاس شاي حبق وجلست ما تبي تروح بسرعه وما تدري بدر وش يسوي بالاعلى!!
نزل بدر وجلس جنبها :ما سويتي لي معتس !
ونين ما ردت وهي ع جوالها
بدر :اكلمتس انا
ونين بهدوء:المطبخ قدامك روح سو لك !
بدر:ما يحتاج ،،، سحب كاس حقها وشربه كله
ونين قامت تلبس عبايتها ومشت بدون اي تعليق
بدر لحقها وهو مستغرب منها ! بس قال يمكن عشان الزواج ف شيء طبيعي !
_
بالسياره
قطع صمت السياره جوال بدر
بدر ..اهلاً..عليكم السلام ... تمام!.... يلا انا جاي
وقفل
ونين طالعت بدون تتكلم وهي داريه من يكلم وعن ايش
وصلو القاعه
بدر بهدوء:انزلي
ونين :اي مدخل ؟
بدر: الي ع اليمين بتقابلتس وحده من البنات
ونين هزت راسها ومشت
دخلت ونين وما حصلت احد
سالت احد عاملات عن الغرف اهل العريس وورتها العامله
دخلت ونين الغرفه وحصلت
ملاذ ،جود،وضحى.شموخ،علياء.الجده
حصه كانت بالقاعه تشرف ع التجهيزات وكانت تتاكد من القهوه جاهزه او لا !
شموخ قامت بهدوء وضمت بنتها كانها حاسه بضيقها
او بالاصح ! عارفه ان ونين ضايقه فيها الوسيعه
لكن وش بيدها! ما بيدها شي!
ونين بادلتها الحضن بشده :اه اشتقت لحضنت
الكل شاهد ع حضنهم وكيف كانهم يواسون بعض
فكتها شموخ وراحت ونين تجلس
شافت جوالها وحصلت رساله من بدر
بدر:
وان بكيتي انا حبيبتس وان ضاق صدرتس
انا شاعر عيونتس امسح لتس دمعتس
وازيدتس رضا وان ضحكتي اضييع فيتس !!!

ونين ابتسمت من رسالته وكيف يحاول يواسيها ويفرحها
ويحسسها انه مب زواجه ! يبي يحسسها انه مثل اي زواج !
ونين :
المحبه من الله ،،والغلا له سبايب!
وانت سبة غلاك اني احبك من الله!

كانو الاثنين يحاولون يتناسون الموضوع وينسون العااللم بأسره!
بدر كتب لها :قمراي بقولتس جدي سالني اليوم وين بتروحين !
ونين كتبت له:طيب بروح معك اكيد!
بدر كتب لها:والله عيا قلت له باخذها معي قال وش تاخذها معك وش بيقولون الناس معرس توه وماخذ زوجته الاولى مع العروس الجديده!
ونين :ليش وش شايفني سلعه!
بدر :والله حاولت افهمه بس عياا يفهم ومصرّ ع رايه
ونين بجديه:عادي اهرب معك!
بدر :وجدتي ؟ ترا حتى هي متفقه مع جدي
ونين :اسمعني اخر الزواج كذا قبل تروحون بمشي معكم !
بعدين وشعنده جدي يحوف باصايل!؟
بدر :اندري عنه ،،المهم دقيت اتطمن عليتس واعطيتس العلم
ونين :تمام مع السلامه!
<سكر المكالمه >
-
فلاش باك ....
الجد :ها يابدر ونين بتروح بيتكم ولا عندنا؟
بدر:ما يبيلها تفكير ياجدي اكيد باخذها معي !
الجد بحده :وش الي تاخذها معك! صاحي انت بعقلك شي ؟!
بدر:وش ذا الكلام حرمي اكيد باخذه!
الجد :لا اشوفها معك اليوم وش بيقولون الناس لاشافوك ماخذها معك ! شوفو حفيد صهيب ماخذ حريمه كلهم معه!
بدر:خلهم يقولون كلام الناس لا يودي ولا يجيب !
الجد بحده:جاك العلم
_
بالقاعه
جو المعازيم وكانو قليل بحكم ان اهل الديره شوي !
قامو البنات يسلمون عليهم وبعدها بدو يصببون القهوه
ملاذ :متى تجي الطقاقه ودي ارقص لين اتعب
ونين :الطقاقه بتجي بعد شوي تو سالت عمتي حصه
وبالنسبه للتعب بتتعبين لا تستعجلين ع رزقتس
بعد شوي جات ودّ والجازي ،،اما المهره راحت غرفة اصايل وهي مبسوطه (  الجندي المجهول 😂)
...............................................
وبسس يا اجمملل ما خلق رربيي انتهى بارتنا ولازلت اكتب
البارت الي وعدتكم فيه وان شاء ربي نزلته الساعه ١ او ٢
💗💗