بولاريس

هدوء

اهخخخ وبدا موال و ازعاج كليوم .. واقف قدام باب غرفته و اطق لي خمس دقايق .. اه متى يعتمد على نفسه

فهد : اديب .. اديب يلا قوم صارت تسع وربع يلا لا تفوتك المحاضره

سمع فهد صوت تذمر اديب يالي فتح الباب و رجع رما نفسه على السرير ودخل بعده

فهد : يلا يا بابا راح تتاخر تحرك

اديب بتذمر وهو يسحب البطانيه و يغطي فيها وجهه : يوههه بابا ما لي خلققق بس اليوم ماحروححح

وكليوم يعصب فهد على نفس النقطه : شوف انا نازل الحين عندك خمس دقايق وتكون جاهز ونازل تحت على الطاوله ولا والله يا اديب بتشوف شي ما يسرك .. فهمت ؟

ان شاء الله قالها اديب بصوت خفيف وهو يتحرك من فراشه بعدما سمع نبرة ابوه اللي ممكن تبكيه لو ارتفعت شوي

وفعلا كلها خمس دقايق و اديب نازل و جالس على طاولة الفطور جنب ابوه

كان فهد مجهز طاولة الاكل مثل العاده مليانه بعدة اصناف على امل تفتح شهية اديب و ياكل

فهد : يلا سم بالله

اديب : بابا مو مشتهي ما احب اكل الصبح

فهد بهدوء : يا بابا عشان تركز بمحاضراتك لازم تفطر

اديب : خلاص كوب قهوه يغنيني عن فطورك

فهد : عسى مو عاجبك فطوري بس ؟

اديب : لا ابد عاجبني ، حاطلي فطور صحي و تقولي افطر ! مابي

ضحك فهد وقال : خليك صحي نفس ابوك عشان يصير جسمك حلو زيي شف من الاكل الصحي الكل يحسبني اخوك مو ابوك

وهاذا اللي بلاني قالها اديب بهمس ثم قال بعدما وقف و اخذ شنطته : انا بنتظرك بالسياره

اوما فهد وهو يشرب كوب قهوته و قال وهو يرشف منه : شف الفتاح داخل جاكيتي على الكنب
________________________

و في مكان ثاني كان صوت المنبهات عالي لدرجة ممكن يدخل بحلمك بس النايمين هنا لو تنفجر حولهم قنبلة ما قامو

كان راين نايم بحضن حمد و ساحب على مدرسته اليوم عقب حلبة المصارعه اللي صارت امس لحد الفجر

صحى حمد "بالصدفه" و عقد حاجبه بانزعاج من اصوات منبهه و منبه راين و طفاهم ثم شاف صاحب الوجه البريئ اللي نايم بحضنه

قعد حمد يداعب خشم راين باطراف اصابعه و يزعجه عشان يصحيه ، جعد راين وجهه بانزعاج و بدا يفتح عيونه على شوي شوي و ارتخت ملامح لما شاف حمد متكي على يده و يتامل فيه وهو يبتسم

حمد بصوت ثقيل و خفيف : صباح الخير حبيبي

ابتسم راين وقال بصوت مبحوح : صباح النور حبي

حمد : ما ودك تقوم تسبح عشان مدرستك

وكانها مويه بارده و انسكبت على راين يالي جلس بسرعه وقال : وليه ما صحيتنييي ؟!!