بولاريس

الحِيفَةُ

صحى من الصباح بدري يجهز فطوره عشان يطلع لشغله مروق و على جلسته سمع صوت الجرس ، استغرب مين جايه بهالوقت و تحرك من مكانه يفتح الباب

ابتسم وقال : ياحي الله سلماننن

سلمان ابتسم وقال : الله يحييك

راكان بعد عن الباب وقال : حياك ليه واقف

سلمان رفع نظارته على شعره وقال : مستعجل والله جاي اخذ الملف و امشي

راكان : اي ملف ؟

سلمان : شنو اي ملف ، ملف خويك اللي قلت لي عليه أنا قلت لك بجي من بدري اخذه شنو ما شفت المسج ؟

راكان توهق وقال : يمكن اني شفته بس راح عن بالي ، ثواني و اجيبه لك

توجه راكان لمكتبه و سلمان واقف بمكانه معطي الباب ظهره يراقب الوقت بساعته بس التفت على صوت سطام العالي : راكان .. حبيبي وين ..

كان نازل من فوق بفوطه بس لافها حول خصره و باين على وجهه منحرج وهو يقرب منه ويقول : ياهلا والله سلمان السموحه منك ما دريت انك بتجينا

سلمان بهدوء : لا والله أنا اللي شكلي جاي بوقت غلط

سطام : تفضل اقعد داخل أنا بروح اشوف راكان وين حاط ثوبي

التفت بيمشي إلا وراكان يطلع من المكتب وهو يضحك و يقرب منه يهمس : وش منزلك مفصخ قدام الرجال !!

سطام قرب منه اكثر وهمس : كلنا رجال عادي

ضربه راكان مع كتفه وقال وهو يتعداه : روح البس سريع

قرب من سلمان وقال : معليش تأخرت عليك ، تفضل

اخذ سلمان الملف و عينه على سطام اللي صعد فوق وقال : مشكور .. مع السلامه

راكان : سلام

سكر الباب و راح يجلس على طاولة الطعام و بعدين دقيقتين صار يقول بصوت عالي : سطامم .. يلا فطور

نزل سطام وهو يقول بابتسامة كبيره : عروق قلب سطام

سحب كرسي و جلس جنب راكان وحط يده فوق يد الثاني وقال : صباح الخير حبيبي

ابتسم راكان وقال : صباح النور يلا سم

ناظر سطام بالأصناف وقال : تسلم يدك

راكان : عافيه ، قولي وش صار على دوامك ؟

سطام : تعرف أنا بأجازه هالأسبوعين بس يمكن امدد او يمكن انقل نقل مؤقت لهنا

راكان : الله الحين بتترك جده اللي على قولتك حصلت قلبك فيها و بترجع للرياض ! وش تغير عليك

سطام حط يده على فخذه وقال بجديه : رحت وقلبي هنا يا راكان

تنحنح راكان وقال وهو يوقف : أنا بصعد اجهز لا اتأخر