بولاريس

تعريف للشخصيات

و رجعت لكم بروايه جديده بس هالمره سعوديه و كثييييررر متحمسه انزلها و اشوف ارائكم فيها

تركي  : عمره 31
دكتور تجميل وكل ما قعد واحد قباله قعد ينصحه وش يسوي و وش يشد ، يهتم جدا بنظافته لدرجة الهوس ، عصبي حيل ولا بغى شي يجيبه و اذا حط براسه شي يسويه وهاذا اللي موهق اصحابه فيه ، جسمه معضل يعني لو رفع يده عليك بتودع الملاعب

راكان : 26
عنده ورشة رسم لوقت فراغه بس هو وضيفته الاساسيه مدير تنفيذي بشركة ابوه ، شخصيته جدا هاديه ومسالم بس اذا فلت لسانه عليك دور كرامتك ، ترك بيت اهله وعايش لحاله بڤلته بحكم المشاكل اللي بينهم

يوسف : 31
صديق تركي المقرب من أيام الابتدائي ، طلع يدرس بفلوريدا بعدما تخرج من الثانوي وكل فتره و فتره يزوره تركي بحكم المؤتمرات اللي تجمعه كدكتور ، مثل صاحبه عصبي و بارد لحد الموت و ممكن يجيب لك الجلطه اذا بغى ، اسلوبه فض اذا نطق و مايعترف بشي اسمه حب على قولته الحب مسخره و لعب عيال وهو اكبر من هالتفاهات ، مجنون شي اسمه دراجات ناريه لدرجة عنده مرأب وكل فتره يفتتحه يعرض فيه دراجاته ، مهندس بس شغله خفيف و يعتمد على قعدته بالمكتب

عزيز : 24
اخر سنه جامعه و يشتغل باريستا باوقات فراغه ، ساكن مع يوسف بنفس الڤله و يحب يوسف و متعلق فيه حيل من ايام الثانويه واعترف له من قبل بس كل اللي حصله الرفض ، شخصيته قويه بس رعبه الوحيد يوسف يالي كل ما شافه هبده على ظهره على اساس يمزح ، جميل وجدا لدرجة كل عيال و بنات الجامعه يحاولون يحتكون فيه بس مو معطيهم وجه ، يدفع مبالغ هائله على آلات القهوه ، جريئ و جرائته ساعات توديه لورا الشمس

خالد : عمره 25
اخر سنه جامعه و هاذي السنه الثانيه يعيد فيها بحكم استهتاره بالدراسه و سهره على مشروعه الخاص و اللعب و التغيب عن المحاضرات بحجة الحاجه للنوم ، لعاب درجة اولى و معروف بجماله و يستخدم جماله و عضلاته و اسم عائلته عشان يصيد له فريسه عدله يستخدمه على حسب رغبته و يرميه ، طاقه الغرور و يشوف نفسه انه هو احلى واحد بالجامعه والكل يبيه و يحبه عشان فلوسه ، مايجي للجامعه الا عشان يستعرض سياراته

اديب : عمره 20
اول سنه جامعه مدلل ابوه و وحيده ، شخصية لطيفه و خواف ومن ايشي يبكي يرتبك اذا تكلم مع احد خارج نطاق العائله ، وجهه مره لطيف و طوله ابدا ما يعطي انه بالجامعه ، متعلق حيل بابوه فهد بعدما توفت امه وهوا عمره 11 سنه و الصدمه اللي صارت له تركت اثر جدا كبير بحياته لدرجة يخاف يحب و يموت اللي يحبه ، اغلب وقته مع ابوه و مايطلع بدونه و كلشي يصير معه يقوله لابوه بحكم انه ما عنده اصحاب ، يهتم حيللل بشكله لدرجة عيال عمه يقولون عنه انثوي

فهد : عمره 40
الكل يعطيه اصغر بحكم اهتمامه بنفسه و بشكله و بجسمه ، محامي بس طبعا دخل هالتخصص غصبًا عنه بسبب ضغط ابوه عليه انه وده واحد من عياله يكون محامي و يرفع راسه فيه ، تزوج بعمر 20 برضو بضغط من ابوه يعني مو عن حب بس الوقت حببه فيها و جابت له اغلى شي بهالدنيا كلها ولده اديب ، يخاف عليه حيل حتى من نسمة الهواء و مايرضى على زعله بس اذا قال لا فلا و مابعد كلمته كلمه و اذا اخلاقه قفلت لا تقرب منه عشان متشوف الوجه الثاني

تيم : عمره 29
دكتور بأحد أهم الجامعات بالسعوديه تخصص انجليزي ، اسلوبه لطيف و شخصيته مرحه بس وقت الجد تشوفون شخصيه ثانيه تماماً ، مجتهد بعمله و متعاون مع طلابه و يشد عليهم ساعات لمصلحتهم ، شخصيته برا الجامعه تشد الكل له عنده اسلوب يخلي الكل يبي يتقرب منه ، ماعنده الا اخت وحده وهي كانت احد طلابه و رسبها لانها متكله عليه و واثقه انه بينجحها ، جميلللل وملامحه مريحه

راين : عمره 18
اخر سنه ثانوي حساس بس شخصيته تونس ويحب اللعب و السفر ، وجهه طفولي وجدا ودك بس تتامل فيه ، فيه عناد مو طبيعي ممكن يجيب لك الضغط ، عنده حبيب من لماً كان بعمر الـ 15 سنه ، غيور ويكره اي شخص يقرب من حبيبه ، امه و ابوه منفصلين و عايش مع ابوه ببيته الكبير و ماخذ هو و حبيبه جناح كامل و بحكم تغيب ابوه عن البيت و اهماله له كانو ماخذين راحتهم عالاخر بالبيت

حمد : عمره 19
دوبه متخرج و يفكر يدخل كلية الطيران ، كبريت و من اي كلمه ينفعل ، شخصيته قويه و متسلطه على اخوياه بس قدام حبيبه راين رومنسي و يعامله بكل رقه بين يدينه بس لا يعصبه عشان ما تطلع له ام العبيد ، الرجل الشرقي الغيور بكل اختصار و المتحكم بحياة راين

الشخصيات الثانيه تتعرفون عليها مع الاحداث .

.