بولاريس

زَوْبَعة

واخيرا وبعد انقطاع لاشهر طويله رجعت لكم ببارت اتمنى يكون بالمستوى المطلوب

* و رجاءً رجاءً لاحد ياخذ شي من النص و لا يقتبسه واهم شي لحد يصور الحوارات او المشاهد بصراحه ما ابي اخذ ذنوب اكثر من اللي عندي وهذا من نضمن الاسباب اللي تخليني اتاخر بتنزيل البارتات *

استمتعو ✨✨
___________________________
مر اسبوع و طلع اديب من المستشفى وهو ينتظر اي رساله من خالد اللي اخذ الرقم ولا بعد كلمه ولا شافه حتى بالجامعة

كان منسدح بغرفة ابوه رافض ينزل لعمانه وعيالهم تحت بحجة انه تعبان ومايبي يشوف احد وفهد ما جبره ينزل لانه عارف الكلام اللي يتلقاه اديب منهم وقد ايش كلامهم يسم البدن

فهد كان قاعد وحاط رجل على رجل وهو يسمع لسواليف اخوانه و ازعاج عيالهم وساكت

كان مسوي عشاء بمناسبة رجوع ابوه من المانيا بعد رحلة علاج وللحظة ندم انه عزمهم وصار يعد الدقايق و الثواني ينتظر متى يطلعون من البيت

من بين سواليفهم قال عثمان اخوه الثاني بترتيبهم : اقول فهد مو ناوي تتزوج ؟ خلاص شوف الشيب ملى راسك وانت قاعد على ذكرى المرحومة

فهد عقد حاجبة ببرود وقال : اظن هالموضوع مالك الحق تتكلم فيه وخصوصاً انك ببيت المرحومة

هالڤيلا اللي قاعد فيها فهد كان دافع فيه هو وزوجته بحكم انها حبت تساعده برغم انه مو محتاج وعنده بدال الڤيلا ڤلتين بس الثانيه مسجلها باسم اديب

ابوه اشر عليه بعصاته وقال : اخوك ما يقصد شي بس يبي لك من يونسك بدال وحدتك ذي وعشان تجيب لك بنت تملى حياتك واذا انت مالقيت انا ادور لك

فهد : انا ولله الحمد مكتفي بنفسي و بولدي اديب ما احتاج من يونسني او يغطي فراغ بحياتي وبعدين انا ما صدقت اديب يكبر تبيني اجيب بزر !! لاوالله ولا فكرة

وقف واحد من عيال اخوانه "حمني" وقال : عمي عادي اروح اشوف اديب فوق ؟

فهد : لا اقعد مكانك

ابوه : هالمدلع صاك على نفسه مين مزعله ؟

بدر "اصغر واحد من اخوانه و المتشيحط دائماً و ابداً " : لو ذا واحد من عيالي كان وسمت جلده وخليته يعرف يحترم الضيفان و ينزل يضيفهم ويقهويهم بس انت الله يهديك معوده على الحركات الناعمه صار يستحي يطلع قدامنا

فهد : لاوالله الا تعب يستحي عنكم وانتم ببيته وتذمون فيه وبعدين انشغل بولدك اللي فاتح شقته للرايح و الجاي شف مين بلاها منه

عصب بدر و وقف وقال : ليه تحسب ولدي نفس ولدك كل من جاه فتح له مكوته ..

قاطعه فهد اللي قرب منه و سحبه من لبسه وقال بعصبية برزت عروق جبينه : اسلوب الرخص اسلوبك و طبعك اللي ورثته لعيالك اديب اشرف من انك تجيب اسمه على لسانك القذر و من عذره ما ينزل يقابلكم يترفع عن اشكالك