ضغائن امرأة

الفصل التاسع

توقفنا عندما عرض مهران الجبالى على ابنه ادهم الزواج من فيكتوريا ابنة الشرقاوي وذلك للاندماج مع شركه فيكتوريا وحل مشاكل الشركة .

ادهم بصدمة: جواز عمل يعنى ..أيوة يا حاج بس انا ما اعرفهاش انا عاوز اتجوز انسانه احبها ثم انا حكايه جواز العمل ده انقرض من زمان يا بابا وبعدين احنا مش بنشحت منه احنا هندمج شركتنا مع شركته يعني هو اللي كسبان واحنا كمان كسبانين مفيش حد احسن من حد .

مهران: انت فيه حد في دماغك يا ادهم وبعدين انا مش بقولك روح اتجوزها دلوقتى طبعا لازم تتعرف عليها الاول وفي فتره خطوبة هتتعمل علشان تقدروا تتفاهموا مع بعض .

ادهم: انا مش عايز اتعرف عليها ولا اعشم بنات الناس وارتبط بيهم لمجرد علاقة شغل انا كده بظلمها معايا وانا فعلا يا والدي في دماغي حد انا معجب بيه
وعاوز اصارحها بمشاعري ولكن مستني الفرصه دي .

مهران بابتسامة: اه يا نمس طيب مش كنت تقولي من الاول على العموم يا حبيبي انا مش هقف في طريقك قولي بقى بنت مين لحقت تتعرف عليها ازاي يكونش بنت حامد السويسى اللي شفتها في الحفله اللي عملتها والدتك الشهر اللي فات كانت معجبة بيك جدا وما شالتش عينها من عليك ولا تكون بنت رافت مدكور ولا بنت محمود الرفاعي ولا صديقه ريهام اختك منار بنت عادل العمرى ولا ب.....

ادهم: ولا واحده من دول يا والدى انا بحب بنوتة عادية جدا مش بنت رجل اعمال ولا حاجه ولا حد كبير او مسؤول في الدولة.

مهران محاولا تمالك اعصابه: وتطلع مين دي بقى اللى تخليك ترمي مركزك وسمعتك كرجل اعمال كبير ليك اسمك في السوق ترتبط بواحده لا ليها اصل ولا فصل انت عايز تصغرني يا ادهم بعد ما اتفقت مع الراجل على كل حاجه

ادهم بأدب: لا عاش ولا كان اللي يصغرك يا حبيبي.. يا والدى دي الانسانه الوحيده اللي ابنك حبها ثم انت ماكنش عندك مانع اني ارتبط باي واحده من رجال الاعمال اللي حضرتك عرضتهم ده غير انك اتفقت مع الشرقاوي من غير ما حضرتك ترجعلى ونسيت اني خلاص بقيت راجل اخد قراراتي بنفسى .

ليستاذن ادهم بالانصراف وبالعودة الى مكتبه يجد ليلى امامه

ادهم: خير يا انسه ليلى فيه حاجة ؟

ليلى: اه ايه يا فندم ده ورق مهم محتاج امضاء حضرتك

ادهم: متشكر يا انسه ليلى حطيه عندك وانا هراجعه بعدين

لتستاذن ليلى بالانصراف وقبل انصرافها يستوقفها ادهم قائلا: آنسة ليلى ايه رايك في اندماج الشركه دي مع شركه تانيه تفتكري ده هيساعد شركتنا وهيقوي موقفها في السوق