توقفنا عندما وافقت ليلى على عرض الزواج من ادهم
ليلى: قولت لحضرتك انى موافقة على عرضك بالجواز حضرتك رجعت فى كلامك ولا ايه ؟؟
ادهم: رجعت ازاى بس فى كلامى انا ما صدقت تكونى ملكى وفى بيتى مش كنتى تقولى من الاول بدال ما نشرب قهوة نشرب شربات .
ليلى: ده مش وقته مش المفروض نبلغ مهران بيه وعيلتك بموضوع جوازنا .
ادهم: اكيد طبعا يا ليلى دى الأصول بس الجواز مش عرض الجواز مشاركة ودعم وحياة تانية بتتبنى احنا مش بنعمل حملة تسويقية يا ليلى.. بقولك وانتى كمان لازم تعرفي اهلك لان باذن الله هاجي اتقدم لك بكره .
ليلى بكذب: فى الحقيقة انا معنديش حد .
ادهم: متاسف يا ليلى بس اوعدك اني هكون كل اهلك ثقى انى على قد ما اقدر هاكون سندك .
لياتى الجرسون ومعه المشروبات فيحدثه ادهم: بقولك ايه في عندكم هنا شربات
الجرسون: فيه يا فندم
ادهم: وزعه بقا على كل الموجودين في المكان أو الل عايز عصير او كولا براحتهم كله على حسابى .
الجرسون: تحت امرك يا فندم
ليلى: ما كنش له داعى لكل ده ؟!
ادهم: انا عندي كام ليلى وبعدين دى حاجة بسيطة طيب مبدأيا كده تيجى معايا بكرة والدتى عاملة حفلة وفى المناسبة دى هعلن خطوبتنا واجيب المأذون ونكتب كتابنا
ليلى: بالسرعة دى ؟! احنا لسه ما تعرفناش على بعض
ادهم: احنا في عصر السرعة ثم انى بحبك وانتى بتحبينى يبقا ايه المشكلة
ليلى بدلال مصطنع: اللى تشوفه
وفى الشركة:
فارس: آنسة نورهان ممكن اعرف آنسة ليلى ماجتش ليه النهاردة؟؟
نورهان: اسكت يا استاذ فارس انا اتصلت بيها وعرفت انها استقالت بس هى فى الحقيقة انطردت.
فارس بصدمة: انتى بتقولى ايه انطردت ؟!!
نورهان: ايوة اللى عرفته أن مستر ادهم طلب أيدها للجواز
فارس بصدمة: انتى بتقولى ايه ؟!!!
نورهان: زى ما بقولك كدة واضح انها كانت بتضحك علينا لما قالت انها ما بتفكرش في الجواز واهو مركزه اهتمامها على الفرخة الكبيره اللي هتبيض لها دهب بجد فنانه شاطره جدا
أنت تقرأ
ضغائن امرأة
ChickLit« ولا ندرى اهو القدر من يؤذينا ام ترانا نحن من نؤذى انفسنا»... فتاة اعماها الحقد وجعل منها وسيلة للانتقام من الماضى الذى عصف بها ليتركها بقايا امرأة محطمة فهل يا ترى سوف تستجيب لحقدها لتحطم به من حولها ام تدرك أن التسامح هو الباب الأفضل لانتصارها عل...
