قال المأذون بارك الله لهما وبارك عليهما وجمع بينهما في خير ليعلن بذلك عن ذلك الرباط الاسلامى الشرعى المقدس ليصبحا زوجا وزوجة تحت راية الاسلام الحنيف في حلال الله الذي شرعه على امة المسلمين .
**لينهض ادهم امام الجموع من الناس ويقبل يديها ويعطيها خاتم الماسي يكون دليلا ثانيا على انها صكت بملكيته وحده ويقول لها: مبروك عليا انتى يا ليلى سعيد اني عرفتك ومن اول يوم شوفتك القلب دق ليكى بحبك يا ليلى وبحب وجودي معاكى اتمنى اني اكون قد حبي ليكى واوعدك اني على قد ما اقدر اكون داعم ليكى وابني حياتي اللي جايه معاكى ياللى سكنتى روحى وفؤادى .
ليقوم الجميع بالتصفيق الحار فما اعذب هذه الكلمات عندما تخرج من القلب وخاصه من هذا الشاب الوسيم القادر على تحريك قلوب الفتيات بالنظر اليه فقط فما بالك بتلك الكلمات .
**لترتبك ليلى قليلا امام كلماته ونظرات عيونه الجذابة التي تنطق بالحب الصادق .
ليقول أحد من الحفل: ما تتحرك بقى يا ادهم وتحضنها .
ادهم بابتسامة: مينفعش احنا لسه في حكم المخطوبين لما نعمل الفرح بلاش الاستعجال من عجل بشئ قبل أوانه عوقب بحرمانه وعلى قد ما اقدر هتقى ربنا فى الست اللي ربنا ادهانى واحافظ عليها علشان نبتدى حياتنا فى طاعة ربنا تتبنى على اسس ومبادئ تقربنا منه ونترافق مع بعض فى الجنة بإذن الله .
لتقول إحدى الفتيات بغيرة واضحة فهى أيضا كانت معجبة بادهم وحاولت كثيرا التقرب منه دون فائدة: وانتى يا ليلى مش هتقولى حاجه بعد الكلام الرومانسى اللى قاله ادهم .
شعرت ليلى بالاحراج وعندما ارادت التحدث أوقفها ادهم قائلا: فى الحقيقة انا مش بخجل ابدا من انى أظهر حبى للست اللى بحبها قدام الناس ولكن انا بحب أن مراتى كلامها يكون قدامى انا وبس ده مش عرض يا آنسة نور علشان نعرف مين هيقدمه اجمل من التانى وهديتى مش كلامها هديتى انها كلها على بعضها بقت بتاعتى وكلامها كمان بتاعى محدش هيشاركنى فيه غيرى انا راجل غيور وده اللى ميعرفوش عنى معظم الناس.
لياخذها ادهم من يدها وينأى بها عن جموع الناس وتحسدها جميع الفتيات على ادهم .
ادهم بابتسامة حب: انا مش هحاسبك على قلة الكلام رغم انى عارف لسانك كويس قوي اسمعى يا ليلى الوقت اتاخر ولازم تروحى دلوقتي يلا بقى علشان اوصلك
ليلى بتوتر: لا انا عارفة طريقى كويس متتعبش نفسك .
ادهم: ليلى احنا اه فى حكم المخطوبين لكن احنا كتبنا الكتاب يعنى انتى مراتى قدام الناس وقريب جدا هتبقى مراتى قدام ربنا .
أنت تقرأ
ضغائن امرأة
Chick-Lit« ولا ندرى اهو القدر من يؤذينا ام ترانا نحن من نؤذى انفسنا»... فتاة اعماها الحقد وجعل منها وسيلة للانتقام من الماضى الذى عصف بها ليتركها بقايا امرأة محطمة فهل يا ترى سوف تستجيب لحقدها لتحطم به من حولها ام تدرك أن التسامح هو الباب الأفضل لانتصارها عل...
