" محمود "
" ايوا يا كوكي"
جلست بجانبه وابتسمت " انا جايلي عريس "
" الف مبروك!! " تحدث بسعادة ثم تابع " بتحبيه؟ "
" بحبه اوي!..كنت عشمانة يعني تقابله عشان بابا وماما مش هينفع ينزلوا "
" اكيد طبعا " ثم تابع " مش هحسسك انك ملكيش ضهر لا يا حبيبتي انا موجود "
" ربنا يخليك ليا يا محماميحو "
" بت امشي من قدامي يخربيت دي كلمة! "
ضحكت " اقوله يجي امتى؟ "
" وقت ما يحب يشوف اهله مناسب معاهم امتى ويجي براحته"
" خلاص ماشي..بس عندي في البيت..نفسي اشوف البيت فيه ناس "
" بس كدة؟..من عنيا "
" محمود!..انا بحبك اوي! "
ضحك " وانا كمان بحبك اوي "
ذهبت بعيدا لتهاتفه
" ايوا يا حبيبتي "
ضحكت " وحشتني "
التسم " وانتِ كمان يا كوكو "
" انا اتكلمت مع ابن عمو محمود وبيقولك شوف الوقت الي يناسبك انت وطنط وحازم وتيجوا في اي وقت "
" خلاص ماشي يا جميل هشوفهم واقولك المعاد "
" مستنياك!..مستنياك اوي!! " تحدثت بسعادة وحماس وهى تقفز
جلس هو بجانب والدته
" يا هيام هانم..فاضية نروح امتى نطلب ايد كنزي؟ "
رأت السعادة في عيناه فنظرت اليه بتوتر
" الوقت الي تحبه يا حبيبي "
" يناسبك بكرة مثلا؟ "
" يا سلام طبعا يا حبيبي ميناسبنيش ليه يعني..المهم يناسب اخوك "
" انا دايس معاك يا اخويا اخطبها انت بس " تحدث بمزاح
" اهو يا ستي اخويا رد عليكي"
" هو بباها ومامتها لحقوا ينزلوا مصر؟ " تحدث حازم
" لا ما هما مش هينفع ينزلوا عشان عندهم حظر بسبب الفايرس الجديد اصله انتشر في اوروبا كلها..المهم هطلب ايدها من ابن عمها "
" خلاص ماشي "
" ماشي يا حبيبي..انا متأكدة انها بنت زي القمر زي سهر كدة " تحدثت ثم تابعت
" طب بصوا يا ولاد..انا هطلع لخالتكوا ما مش معقول تبقى آخر من يعلم "
" اكيد..سلميلي عليها " تحدث رامي
" ماشي يا حبيبي "
ذهبت لفايزة توأمتها وطرقت الباب
" اهلا بالقمر الي واحشني " تحدثت فايزة بترحاب وعانقتها
أنت تقرأ
Love Me Like You Do
Romanceذلك الحب الحقيقيّ الصادق الصافي الطاهر الذي يلامس الروح، ويتغلل فيها بلطف ورقة أو فجأة بدون مقدمات واستئذان، إنه فعلًا الحب المستحيل الذي أصبح ليس له وجود إلا في كتابات وخيال الشعراء وأحلام المراهقات، أمّا في الواقع فإنّه انقرض منذ قرون.
