سبحة وتراچي

الفصل التاسع والعشرين

لمحت في شفتيها طيف مقبرتي
تروي الحكايات أن الثغر معصية
حمراء .. إنك قد حببت معصيتي
ويزعم الناس أن الثغر ملعبها
فما لها التهمت عظمي وأوردتي؟
يا طيب قبلتك الأولى .. يرف بها
شذا جبالي .. وغاباتي .. وأوديتي
ويا نبيذية الثغر الصبي .. إذا
ذكرته غرقت بالماء حنجرتي

-نزار القباني

*عروبة

راسها على صدري و جانت تهتز واني اديه محاوطتها من متنها عاصرتها عليه و اعيوني مدمعة وياها..

جانت تبجي بحرگة لدرجة حسيت بنبضها راح يوكف ،

دخلت صفاء وجانت توها راجعة متأخرة لل٣ ونص اليوم

شمرت جنطتها الصغيرة وسجل ملاحظاتها وعبايتها وكعدت يمها بالهول

صفاء
- شكو اشبيها هيج فحطانه هم بسبب خضر شنو جد؟

ما جاوبتها دموعي نزلت على خدي و اني افرك بمتنها

صفاء -ايمان كومي

جرتها مني صفاء وحاوطت اديها خدود ايمان الذبلانه
صفاء
- ما يستاهل دمعة وحده
حرام عليج تكتلين
الي ببطنج لخاطر واحد مثله

كومي وياي

كومتها وطلعن من الهول ..

رفعت تليفون ايمان المشمور عن الارض ودكيت على خضر الي قبل اشوية خلاها تفرفح مثل الطير الي كصت وعبثت باجناحته الجهال!

ما رد!
"ايا حقير رغم سمعها قبل لا تسد الخط اشلون تبجي"

طلعت من جيب سيتي تليفوني وكتبت اله رسالة

تذكر من سألتك من جنت خاطب ايمان
عندك علاقة سابقة كلت لا ماعندي واحطها بعيوني
هو الرجل كلمة ترة اذا ما صان كلمته مجرد ذكر ويا مكثر الذكور هليام..

الرسالة جزئتها حتى يقراها كاملة
ما تنطكع للنص...

دزيتها بلحظة عصبية مني

دك عليه مختار ادري بيه بالمحل هيج وقت مو يم خضر
دوم يتصل بيه بهذا الوقت اذا فارغ

جنت كلش منفعلة ما رديت عليه
كلت
"اخوك كرهني بيكم كلكم خل اهدأ واتصل بيك لا اجفص وياك اني صايرة نار"

حطيته صامت وبجيب سترتي البهارية مال السيت، و كمت اشوف امي أسمع صوتها قريب يمي

طلعت من الهول شفت امي كاعده على الدرج كايمه من مكانها

-يمة شعندج طالعه بلاية كرسي لا شفتي نفسج تكدرين تمشين ، ما اهتميتي وكمتي
ترا بعدج ..

امي- شوفي اختج يمة اسمع بجيها

-دكومي يمه كومي
كومتها مسنودة على ايدي و رجعتها على سريرها الي جابه الها خضر المكروه بعد ما سوت عمليه ما يصير تنام على الارض ..