#مقتطف
عدلت نظارتها وسوت نفسها
مركزة بالتليفون
جريته منها
-ولج فكري اشبيج قافلة
شو كل من يجوج عطلات
وانت توافقين عليهم
لو ما ابوج يرفض
امها شاركتني الرأي وجانت مأيدتني ومحروك گلبها
تحجي بحرگة وياها تقنعها بشجاع
وهاي قافلة
ولازكة ذولة مثل اخوتي
ما اخذ واحد عنده مرة
نفس الجملتين تعيدهن واحنه نحجي ونحجي وهي ماكو ترجعنا لنقطة البداية
تالي رجعت لبيتي وما كادرة اقنعها
خابرت عروبة كلت الها على رفض جوهرة لشجاع
- عمي خل ترفض احسن
كلت - ليش عروبة
ترة الرجال طيب لا تظلون ماخذين موقف
-ولج انتصار راح تعذب المرة
خليها ترفض
-لا ليش خطية المرة بنفسها راحت حجت ويه امها
والله خوش طلعه منها
بس المرة الاصيلة هيج تسوي
سمعت صوت مطة حلكها المعروفة بيها عروبة
عروبة
-لج هاي سماوية
شافت ابوه واخوته
يضغطون عليه
كالت اسبقهم تطلع مني واصير اني
الخيرة
احسن ما يجيبون اله وحده صغيره
مليون بالمية تخلف
وجوهرة جبيرة بلكت ما تخلف
يومين و يعوفها ويكعد ويسكت من يجرب
حظه
ضحكت على سيناريو عروبة
-ما مقتنعه بكلامج يمكن شافت جوهرة طيبة ما تخرب حياتها واختارتها
اذا ما تريده يخلف ليش تزوجة
-والله ولا اكدر اصفي نيتها هاي
مو مثلنا الي بگوبنا ظاهر
هاي مبطنة
والا شمعنا الا هي تخطب الا
جان عافت عماته يختارن
أصلا حسيت ام حامد
من كتلها
ضاجت ما مقتنعه شكلها بجوهرة!
كلت محموكة
-تسوى بناتها
وسمعت صوت خضر يصيحني جوة وانه بغرفتي
اترخصت من عروبة
ونزلت لخضر اشوفه شنو يريد
- تعالي امونه
كطعي الركي
اخذته منه
ورحت احضرة للفطور
انه طابخه قبل لا اسير على جوهرة
دخل عليه عمي
-طابخه اهواي
عزمت بيت اخوي
-شنووو يبا
انه مخلصه من زمان
ما عليه جيبوا جاهز كمالة اله
-تلاث نفرات
راحت الخرعة وسالته منو من اخوته
طلع ابو جوهرة!
ما جنت ادري بالي يحاك من وراية
و اجوي حتى جوهرة مستغربة العزومة
المفاجئة ولامتني ليش ما كلت الها
حتى لا تطبخ فطور
-والله فجأة ابوي فاجئني
والاضرب قريب الاذان دخل شجاع ومرته!!
وعرفت هاي خطة من ابوي واخوه
كعدنا على الفطور وجوهرة ملامحها عصبية
و ضايجه مبينه وجه عكر
وكلساع وخازرتني
وانه ابلع الريج اعرف راح تغسل شراعي
وشجاع مدنك كلساع اباوع اله وهو هادئ
ومبين ما يدري بيهم اهنا لان سألني بعد الفطور عازميهم لو همه وحدهم جايين ،قاصد بيت عمة
كلت اله أبوك عزمهم ..
أنت تقرأ
سبحة وتراچي
Aventuraثم ماذا يا أبي؟ ثم حافظ على أخوتك يا بني أمك وأنا كخيط المسبحة شددنا أزركم وأخوتك كالخرز وانت المأذنة أن وقعت فرطت الحبات يا والدي
