الفصل السابع
لماذا لا ينبت على ضفاف عيوننا العشب
حين نبكي!
ألم نخلق من التراب؟
*صفاء
امي بس شافتها خربت وكعدت ورجليها مددة كدامها
عون عافني كدامه واجاه من الخلف لازم ايدة الي بيها المطوة
قوة زين السكران ما تضاهي قوة يافع بسرعة وكعت من ايده وهو ترنح على القنفة
روحن صاح بينا عون اني دنكت شلت المطوة وايدي ترجف منها
اتقرب من زين ولزمة من ياخة قميصة بادية اثنينهم وهو منحني عليه
- مبين مو بوعيك
ما اريد امد ايدي عليك
كوم اوصلك لبيتكم
حاول يكومه ما كام
وغمض اعيونه ورجع لورة
اني طلعت شمرتها على مكتبي للحربة وكعدت على الكاع ما كادر اخذ انفاسي ادية احتضنت روحي ،حرگة روحي قوية
مصاحبة ألم فضيع بمعدتي
،
ما اعرف شكد مر الوكت اني جوة غطاي متحلفة وامي كاعده يمي من ندكت الباب طلعت للهول
ما اعرف شنو يصير برة..
من سمعت صوت شجاع ما اهتميت اكيد خابرة عون ياخذ اخوه، بس من سمعت حس ابوه
كمت ببطئ ورجعت لفراشي ما كادرة اشوفه مرة لخ ، ما رايده تنطبع صور ثانية كدامي كافي الصور الي شفته بيهن
من صار هدوء ، طلعت
رفعت طرف بردة الهول واشوفهم يتمشون بالكراج ... و شجاع ساندة ويمشي بيه و عمي حاطه اديه خلف ظهرة واتعذر من امي وطلع
سد عون الباب وراهم
وسمعت صوت محرك سيارتهم اشتغل وراحو،او راح زين!
همست راح!
دخلت امي وهي تتحسبن
- الله يهديك يا زين ليش يا يمة
ليش تحرك گلبي عليك
حسبنا الله ونعم الوكيل
صفاء گلبي راح يوكف
هالولد ربالي علة
تحجي وما منتبه لحالتي عفتها ورحت للمغسة غسلت وجهي...
خابرت عروبة...
بصوتها النوم
-عروبة تعالي الي
وكطع البجي كلامي حطيت ايدي على حلكي واشاهك
- امي شبيها امي
كلت بصوت يرجف بجي
- تعالي بسرعة
سديت الخط واني ابجي ورايدتها هسة تجي ما اهتميت لقلقها..
مر الوكت
واسمع بواجي اطفالها
عرفتها اجت
ظليت بمكاني
دخلت علية ورة فترة من جيتها
-ولج اجيت اطلع بثوب نومي
صفاء!
الظاهر امي مسولفة الها المقتل كعدت يمي
- اني متت اليوم
ولج خيتي ذبحني
أنت تقرأ
سبحة وتراچي
Aventuraثم ماذا يا أبي؟ ثم حافظ على أخوتك يا بني أمك وأنا كخيط المسبحة شددنا أزركم وأخوتك كالخرز وانت المأذنة أن وقعت فرطت الحبات يا والدي
