الممرضة المفروحة والطبيب المرفح 💉مكتملة💉

الجزء 1 💉

البارت 1:

سبيل؛دابا شنو مناوياش تفيقي ؟؟

سلسبيل؛ (بعينين مسدودين)واااا بعد منيي العكوزه بلاا راجل وخليني نعس الخرا

سبيل؛ َوش اتنوضي ولا لا؟ راه غنجي نهرس لمك داك راس. ساعة وانا نوض فيك ..ليوم اول نهار عندك فالخدمه ونتي ناعسا برب تا تنحرك جدة

سلسبيل(بعدم اهتمام) اشمن خدمه اولد لعبد خلينييي نعس..

هزاات لوساده حطاتها على راسها

سلسبيل: سيبحالك تفووووو سير تقرا الخرا

سبيل؛ ياك مبغيتيش تنوضي أنا نوري لديلمك(ابتسم بمكر)

جرهاا من رجلها

سلسبيل: طلق طلق ولالااا نغوت طلااااااق

سبيل؛ (ببتسامة)غوتي

سلسبيل (بدات تغوت بجهد) ومييييي لالة ..عتقيييي ولدك باغي يغتصبنيي وعتقيييي..

سبيل؛ منيتك ناري على حماره( شد ليها فمها) سكتي الكلبه لي سمعك يصحابو راني كاي باغي نغتاصب عزري بحالي طفوو على برهوشة

سلسبيل(عضاتو تا طلق) دابا انا عزري ؟اوا ينعل ديلمك الحمار انا راه لالاك طاي حوته تحيي الموتى

سبيل؛ ههه قصدتيي تقتل الحييين

سلسبيل؛( ناضت..كضرب فيه) والله حسك لا بقاات فيك

بقاو كيضاربو...ويلوحو لهضرة لبعضهم..

تاا تحل الباب دخلت الحاجه دورات عينيها..لقاتهم مشادين

وحد شاد فشعر لاخر

سبيل:طلقيي

سلسبيل:طلق نطلق

سبيل:طلقي نتي لولاا

هززوو عينهم بجوج منين شافو الحاجة..نقزو على بعض معنقين بعض

سلسبيل: خوياا لحبيب صباح الخير
سبيل؛ ختيي لحبيبه صباح الكوفيتير

الحاجه؛(مخنزرا فيهم) اشوفوو ادوك جوج غواتكم راه سمعوه الجيراان 2دقايق لقاكم لتحت تفطرو نتا نزل تمشي تقرا ونتي لبسي حوايجك تمشي لخدمتك راه حليمه قالك دوزي عليها

سلسبيل" وخا اميي لاله

خرجات الحاجة..ونظراتها كيختارقوهم

سبيل؛ طفوو على ديلمك دابا ابنت الحرام الى جيران سمعونا تا حلومتي اتكون سمعات.. وايصحابها انا كااي

سلسبيل:(شيرات عليه بمخدمه)كاي ليوم ولا بوكرة.ياضناياا.و سير خرج عليا الدجاجة المنتوفة..قبل مننن

سبيل؛ هاهاها هاهوا خارج بس راه فرووج اساطة ماشي دجاجة ينعل ديلمك راني مذكر اشرشبيل

سلسبيل؛ (شيرا عليه بمخدمه خرى) مهم حيوان...وبزاف على حسك سميتي سلسبيل طفوووو على كنس ميخلي لي ينعس..

شدات فجنبها..تتسوط بغضب

سلسبيل:تهدني اسلسبيل تهدني تتوقع فاحسن لعائلات..نمشي لبس قبل متجي عاود مي لالة

سلسبيل 22عام بنت زوينة..ماشي اجمل وحدا مي عندها حقها من زين...

طويلة..طايتها مقادة..بكترة تنقاز وسبور.. شعرها اسود وطويل تا لخصر حيت.. منعات عليها جداها تقطعو هداك دليل الوحيد لي كيفرق بينها وبين ولاد لحومة أما إلى عولنا على صدر راه كاين لي عندهم كتر منها

عيينيها كبار فلبني لغامق ورموشها كتاف بكترة ما كطلي ليهم زيت لخروع

ملاميحها خداو شويا من زين الريفي وشويا من لحماق الكزاوي بحكم ماماها ريفيه وباباها كزاوي ولكن هي يتيمه الاب والام فقدت عائلتها فحادث سير

و دابا..عايشا معا خوها التوأم سبيل والحاجه

تكفلو بيها هي وخوها الجد والجدة
.
لكن تا الجد مات ولات الجدة هيا راجل دار صارمة وتقليديه وفنفس لوقت ضريفا وكاع لحومه محتارمينها ..

كانت واقفا قدام.لماريو..تتقلب اش تلبس

حطات يدها على جنبها..تتشوف..لماريو عندها عامر لكن هي مبانت لها تا حاجة..

سلسبيل: اول نهار عندي فلخدمة وملقيت منلبس..(حطات يدها على راسها تتندب)

غا نمشي نعس حيت اصلا وجهي ماشي دلخدمة..باركا اغتاصبت لقراية مسكينة نزيد الخدمة.. اصلا داك لباك مكانش خصني نشدو.. ولي اصلا معرفاش كيف شديتو(حطات يدها على جنبها) وانا اصلا معرفا تا لمغرب فين جات فالخريطه ؟

وكفاش نجحت فمتحان التمريض..وكفاش قريت ديك لعوام .ووليت ممرضة وولي اصلا معرفتش كيفاش وليتها كانو غا بغاو يتهناو مني وعطاوني شهاده انا متأكدا..ايييه والله مقادة نهز تا مسؤلية حوايجي كفاش غنولي مسؤولة على حياة الناس

بداات ترتر...وتنزل من راسها..غير حتاش ملقاتش متلبس..بسرعة
.تبدلات نضرتها وولات تتشكر راسها..منين عرفات اش تلبس...تفكرات صحبتها حلوما بنت الجيران بلي تتعاينها بحكم هي لي ضبرات ليها على خدمه فنفس الكنينيك لي كتخدم فيه وليوم اول نهار لسلسبيل فلخدمة..نهار لي غيكون بداية جديدة ليهاا..