استيقظت من النوم وابتسكت باشراقة
" صباح الخير يا طروقي "
" صباح الخير يا قلب طروقك " ابتسم وعانقها
" انا بقى عايزة منك فلوس انزل اعمل شوبينج مع صحابي بقالي كتير مشترتش هدوم "
" في الصباحية؟..مش المفروض الصباحية دي بنعد مع بعض او نخرج وكدة..طب مش عايزة تعملي الشوبينج مع جوزك حبيبك؟! "
ضحكت " جوزي حبيبي ده انا هعيش معاه عمري كله انا بس بقالي شهور مشوفتش صحابي بسبب الشغل وكدة "
" طيب يا ستي " ابتسم وذهب للخزانة وامسك برزمة من الاموال ووضعهم بيدها
" دول عشرتلاف محتاجة اكتر ولا كدة تمام؟ "
جحظت عيناها وحدثت نفسها " ينهار ابيض..لا انا كدة في السما السابعة مش معقول..عشرتلاف عشان لبس!!"
" بصراحة يعني "
ابتسم " من غير ما تكملي..وبعدين هو انتِ بتستأذني ليه ما تفتحي وتاخدي الي انتِ عايزاه احنا اتجوزنا يعني دي بقت فلوسك..وفلوسك الشخصية دي تحوشيها وتخليها لنفسك زي ما ربنا بيقول "
" انا عارفة بس لسة مكسوفة يعني "
" لا طبعا..انا وفلوسي وكل ما املك ملكك تعملي الي انتِ حباه روحي شوفي عايزة ايه وخديه "
ابتسمت بغرور وذهبت للخزانة ثم تحدثت
" ربنا يخليك ليا يا حبيبي " ثم حدثت نفسها
" يا بنكي المركزي..ادي فايدة الجواز من مليونير لو حد قالي استفدتي بأيه من شغلانتك هقول الخمس عرسان الي اتجوزتهم عرفي وقلبتهم " ضحكت لوهلة بقوة فابتسم
" مالك؟! "
" مليش افتكرت حاجة ضحكتني اوي "
ابتسم " طب ما تضحكيني معاكي "
" اصل صاحبتي الي هخرج معاها كل ما افتكرها افتكر لما وقعت في البلاعة " وضحكت مجددا ولكن حينما تذكرت زوجها السابق وهو يقع في البالوعة
ضحك " مرة بردو واحد صاحبي وقع فيها وقعد يصوت من تحت عشان الصراصير "
ضحكت " بيبقى منظرهم فظيع..يلا مع السلامة يا حبيبي"
" عايزك تتبسطي " ابتسم وقبلها فابتسمت وذهبت من امامه وهى تستحوذ على خمسون ألف جنيهاً
نظرت لرزمة الأموال في حقيبتها ونبضات قلبها تعلوا من كثرة السعادة ولذة الوصول للأهداف وذهبت وحدها لتشتري بعض الملابس ومساحيق التجميل عندما لفت انتباهها وجود شركة الباهي امامها وقررت الدخول والالتقاء بقاسم تفحصت الشركة وظلت تتجول حتى استمعت لصوته وهو يحدث دعاء
" قولتلك ميت مرة انا متجوزها عشان فلوس اخوها..وبعدين فوقي بقى انا مش واعدك بحاجة فوقي من الوهم الي في دماغك ده انتِ طلبتي علاقة عابرة وانا وافقت وعرفتك حدودك من الاول متجيش بقى وتواجهيني بحاجات انا موعدتكيش بيها! "
