نظر اليه قاسم بابتسامة كبرياء
" اطلع انت برة املاكي "
" نعم؟! "
" اه معلش نسيت اقولك" تحدث وهو يمسك بنسخة من الاوراق ويعطيها اليه
" ده الورق الي انت مضيت عليه من غير ما تقراه "
نظر طارق للأوراق وشهق " انت!..انت ايه يا اخي!..حرام عليك ليا بتعمل كدة!! " تحدث بصراخ وامسكه من ملابسه ليلكمه
" يا امن..يا امن! " تحدث قاسم فذهبوا للداخل
" طلعوه برة وميدخلش المكان ده تاني " تحدث بهدوء
وبالفعل امسكوا به والقوا به خارج المطعم
" انا هوريكوا!..انا هوريكوا يا شوية كلاب ده انا الريس بتاعكوا!! "
وضع يده على رأسه بحسرة وجلس على الرصيف
" اه يا دماغي " كاد رأسه ينفجر كان يشعر بنبضات قلبه تتسارع بعنف يدأ يتعرق كما لم يحدث له من قبل حاول التقاط انفساه ولكنه لا يتسطيع وشعر بنبضات رأسه ألم شديد لا يريد الذهاب مع أشعة الشمس التي تخترق رأسه وعيناه وقف وحاول التوجه لسيارته ولكن تراخت قواه تماما وسقط على الارض مغشيا عليه
استيقظ في المشفى ونظر امامه بوهن وجد شقيقته تجلس بجانبه وهى تبكي
" انت كويس يا طارق؟ "
جلس على السرير ونظر اليها " انا جيت هنا ازاي؟ "
" فيه بنت اتصلت بيا قالتلي انك هنا وان ضغطك كان عالي اوي..ايه الي حصل يا طارق؟..انا مستقوية بيك ارجوك متضعفش وتخليني اضعف انا ماسكة نفسي بسببك..خلي بالك من نفسك عشاني ارجوك انا مش هستحمل حاجة عليك " امتلأت عيناها بالدموع كانت تتحدث برجفة واختناق
اقترب وضمها لصدره " متخافيش يا حبيبتي انا كويس..خلينا نروح "
" طارق طلعلي كل الي في قلبك متعملش في نفسك كدة ارجوك انا اختك وهسمعك "
ابتسم " مفيش حاجة انا خلاص كويس يلا نروح "
امسكت بيده " طارق انت طول عمرك شايل الهم لوحدك ومش بترضى تتكلم عشاني عشان مخافش او اقلق طول عمرك كاتم في نفسك..انا كبرت وبقيت اشيل مسؤولية نفسي وهشتغل فضفضلي يا حبيبي جه دوري اني اشيلك شوية انت تعبت اوي معايا "
ضمها اليه وامتلأت عيناه بالدموع " ربنا يخليكي ليا يا وعد اوعدك لو حسيت اني محتاج اتكلم هطلعلك الي جوايا بس انا كويس..يلا نروح؟ "
" يلا "
عادت وعد للمنزل وذهب هو لشراء بعض المستلزمات بينما كان يمسك بكوب من القهوة ليجعله يستفيق قليلا اتت هى واصطدمت به وسكبته بدون قصدا منها على ملابسه
تنهد ولم يبدي ردة فعل ونظر لملابسه البيضاء المبتلة
وضعت يدها على فمها وعلى ملابسه وتحدثت بحرج
" انا اسفة..اوي اوي..والله ما اخدت بالي..طب بص تعالى معايا هجيبلك واحدة تانية وتعالى معايا انضفلك هدومك انا بجد اسفة جدا "
