ذهب لمنزله بانطفاء والقى بالمفاتيح وذهب للغرفة
" طارق "
نظر اليها ولم يتحدث
" مالك؟ "
" مفيش حاجة تعبان شوية " واغلق الباب
تركته يستريح وذهبت لتتحدث مع لينا
" الو "
" ايوا يا لولو ايه اخبارك "
" الحمدلله كويسة"
" كويسة؟!..انتِ بتعيطي؟ "
" مفيش حاجة يا وعد متشغليش بالك "
" هو انتِ شوفتي طارق؟..اصل هو كمان شكله غريب اوي"
" اه شوفته..اتخانق مع ناس كدة وشاف طليقك بردو "
" طب وانتِ؟! "
" اخوكي بيكرهني اوي من غير سبب..انا بجد زعلانة واتجرحت اوي من اسلوبه "
تنهدت " انا محتاجة اتكلم معاكي بس اوعديني الكلام ده ميوصلش لطارق "
" اجيلك فين؟ "
" انا هجيلك البيت يا حبيبتي"
" خلاص تمام "
ذهبت اليها بالفعل وعانقتها " وحشتيني "
ابتسمت " وانتِ كمان يا دودي"
" تعالي بقى افهمك عشان متكرهيهوش على الفاضي "
" حتى انتِ قولتيلي ابعد مش قادرة افهم ليه؟!..وكل ما بتقولولي كدة ببقى عايزة اقرب اكتر!! "
ضحكت " ده انتِ فظيعة" ثم تحدثت بجدية
" بصي مراته خانته مع جوزي وكمان خلعته عشان بقت حامل من جوزي و.." امتلأت عيناها بالدموع واختنق صوتها وشهقت من البكاء
نظرت اليها لينا بشفقة وعانقتها " طلعي الي جواكي يا حبيبتي ربنا ياخدهم "
" بس وهيتجوزوا وبيحرقوا قلبي وقلب اخويا وهو كان بيحبها اوي ولسة قلبه مكسور بسببها ومش متخيل انها كانت بتنصب عليه..ايوا احنا اتنصب علينا منهم ومعناش دليل واحد يثبت النصب ده لأننا ماضيين بإرادتنا..كان بيجيب ورق شراكة ويخلينا نمضي عليه وتحته بيكون فيه ورقة فحم كدة الي بتطبع دي ويكون تحتها الورقة الاصلية الي فيها بقى النصب كله فا توقيعي ينزل فيها وشكرا ضاعت عليا كل حاجة "
" يا ولاد الجزمة!! "
" فا احنا بقينا مفلسين وهو حزين ومكسور من جواه اوي انا اول مرة اشوف اخويا في الحالة دي اول مرة اشوفه بيعيط اصلا طارق ده هو الي مربيني وهو الي بيقويني ويدعمني وعمره في حياته ما حسسني انه تعبان او مضغوط او زعلان عشان متأثرش بس دلوقتي هو محتاج دعمي انا "
" يوه طب انتِ حسستيني بتأنيب الضمير دلوقتي "
" ليه؟ "
" عشان زعقتله وقولتله انت بشع..بس هو الي بيفضل يكلمني وحش اوي..انا اسفة مكنتش اعرف كل ده..ليه حق ميبقاش طايق دبان وشه "
