" صباح الخير " ابتسم وهو يجلس مقابلها في المطعم
ضحكت " عرفت منين اني هنا؟ " تحدثت وعد
ابتسم " الكومباوند كله بيجي يفطر هنا وانا جيت زي زيهم وشوفتك "
" صباح النور يا قاسم "
" مخدتش رقمك امبارح "
" اه صح..اتفضل "
" أفهم من كدة انك عايزة تعرفيني؟ "
" بتدرب عليك " تحدثت بمزاح
" بتدربي عليا ازاي؟ "
" بحاول اكون اجتماعية "
ضحك " الشرف ليا ان القمر ده يقرر يتدرب عليا انا "
" انت مجامل اوي على فكرة "
" بس انا بقول الحقيقة..معرفش مش مصدقاني ليه..عندك قلة ثقة بنفسك شوية "
" انا!..لا ابدا انا بحبني جدا..بس حساك لعبي وبتاع بنات " تحدثت بابتسامة ماكرة فهى كانت تريد معرفة حقيقته قبل الوقوع بشباكه
" اسألي عني اي بنت هنا " تحدث بثقة
ابتسمت " انا بهزر معاك انا واثقة في دودو "
" انا عايز اشكر دودو من قلبي والله "
ذهبت هى لتناول الإفطار عندما شاهدتهما فنظرت اليهما بضيق وتوجهت ناحيتهما " صباح الخير يا جماعة "
" صباح الخير يا دودو " تحدثا معا
" شايفاكوا قربتوا لبعض خالص " حاولت اخفاء غيرتها
ابتسم " وعد بنت جميلة ومثيرة للأهتمام وحابب اعرفها"
ابتسمت " مدلعني من امبارح مش عارفة اقوله ايه "
" متقوليش حاجة..هكلمك تاني " امسك بيدها ليقبلها وذهب في طريقه
جلست دعاء ونظرت اليها وابتسمت ابتسامة صفراء
" ايه رأيك فيه؟..شكله عجبك؟ "
" بصراحة..اوي..انا عاملة تقيلة..بس هو مز مز مز "
ابتسمت " اه بصراحة..واما تعرفيه اكتر هتحبيه "
" هو شخصية جذابة حبة اتعرف عليه بردو "
" بس خلي بالك عشان البنات حواليه زي الرز "
" عادي ما انا الرجالة حواليا زي الرز بردو..عموما انتِ مكبرة الموضوع احنا لسة بنبتدي نتعرف "
" تمام..هستأذنك انا " هرولت خلفه سريعا
" هو ممكن نروح بيتك؟ "
" ليه؟ "
" محتاجة..محتاجة اتكلم معاك "
" اتكلمي "
" لا يا قاسم مش هينفع هنا "
" طيب تعالي "
ذهبا معا لمنزله الخالي ووقفا يتحدثان
" انت..ايه رأيك فيها؟..ليه بتقربلها؟ "
