ရွှေပေါင်လုံးကြီးကို ဖက်ထားမယ်

chapter~>7

Unicode

နျဲ့ချင်းချန်က ဒေါသထွက်နေပေမယ့် စိတ်လိုက်မာန်ပါ ဝင်မသွား‌ခဲ့‌ပေ။ 'သူခိုးကို ခိုးရာပါပစ္စည်းနှင့်တကွ ဖမ်းပါ ' 'အိမ်ထောင်ရေးဖောက်ပြန်သူကို လက်ပူးလက်ချက်မိအောင် ဖမ်းပါ' ဆိုသည့်ဆိုရိုးအတိုင်းပင်။ အခု နှစ်ယောက်က စားပွဲတစ်ခုတည်းမှာ အတူတူညစာစားနေရုံသာဖြစ်တာကြောင့် ဖမ်းမိရင်တောင် ပြင်းထန်မှာမဟုတ်ဘူး။

ထိုသို့တွေးပြီးနောက် သူ ကားပေါ်တက်ပြီး သူတို့ ဟိုတယ်ကိုသွားတဲ့အချိန် အနောက်မှ လိုက်ချောင်းဖို့ စောင့်နေလိုက်သည်။ ပြီးမှ လက်ပူးလက်ချက်မိအောင် ဖမ်းပြီး အပြစ်ပေးပစ်မယ်!

စားသောက်ဆိုင်ထဲရှိ ကုပိုင်ကတော့ သူ ရောက်နေတာကို လုံးဝသတိမထားမိပေ။ သူက မစ်ရှင်လုပ်ဖို့လာခဲ့ပေမယ့် မူလပိုင်ရှင်၏ခန္ဓာကိုယ်ထဲသို့ ဝင်လိုက်သည်နှင့် မူလပိုင်ရှင်ကဲ့သို့ သာမန်လူတစ်ယောက် ဖြစ်သွားသည်။ ဒီအချိန်မှာ သူက သဘာဝလွန် စွမ်းအားတွေအကြောင်း သိပ်မသိပါဘူး။

ဖုဇီရွှမ်နှင့် ညစာစားနေစဉ် သူတို့ကြားမှာ စကားစမြည်ပြောစရာ အကြောင်းအရာမရှိ‌သဖြင့် သူတို့ ခပ်မြန်မြန် စားလိုက်ကြသည်။ ထို့ကြောင့် နာရီဝက်မပြည့်ခင် နှစ်ယောက်သား ထမင်းစားပြီးသွားကြပြီ။

စားသောက်ဆိုင်ကနေ ဖုဇီရွှမ် ထွက်သွားသည်ကိုကြည့်ရင်း ကုပိုင်သည် ထောင့်စွန်းဝိုင်းတွင် အချိန်အတော်ကြာ ထိုင်နေခဲ့သည့် နန်လီချန်ကို သူ့ဘက်က အစပြုကာ တိုက်ခိုက်သည့်အနေဖြင့် နှုတ်ဆက်တော့မည့်အချိန် လမ်းဘေးမှာရပ်ထား‌တဲ့ နန်လီချန်၏ကားကို ရိပ်ခနဲ မြင်လိုက်လေသည်။

သူ့အမြင်အာရုံတွေက စူးရှနေတာကြောင့်မဟုတ်ဘဲ တစ်ဖက်လူရဲ့ကားက အရမ်းထင်ရှားနေပြီး သူ အဲဒီဈေးကြီးတဲ့ဇိမ်ခံကားပေါ်မှာ လဝက်လောက် ထိုင်စီးခဲ့ရသဖြင့် ၎င်းက သူနှင့် အရမ်းရင်းနှီးနေသည်။

ပျော်ရွှင်သောမျက်နှာဖြင့် ကုပိုင်သည် လျင်မြန်စွာ ပြေးသွားပြီး ရင်းနှီးနေသောတံခါးကို ဆွဲဖွင့်ကာ ခုန်ဝင်လိုက်ပြီး အံ့ဩတကြီး အော်ဟစ်လိုက်သည်။